Who have Power no Brains - Who have Brains no Power
Qui ont le Pouvoir pas de Cerveaux - Qui ont des Cerveaux aucun Pouvoir
!! අද බලය තිබෙන එකාට මොළය සහ අවංකත්වය නැත !! මොළය සහ අවංකත්වය යන දෙකම තියෙන එකාට බලය නැත !!
!! ඉවසුවා හොඳටම ඇති !! හොඳටම ඇති !! තවත් මෝඩ නොවන්නට සියල්ලෝම වගබලා ගනිමු !!
ශ්‍රී ලංකා ජනතාවට වින කරමින් වත්මන් රාජ්‍යය බලයේ සහ අන් සියළු දේශපාලන පක්‍ෂවල ඉන්නා සියළු දුෂිත-වංචනික-අපරාධකරුවනට එරෙහිව අතීතයේ මෙන් වර්තමානයේදී ද ඉවසා බැරිම තැන කෙරෙන ජාත්‍යන්තර අනතුරු හැඟවීමයි. අප Ahfesl.org ජන මාධ්‍යයක් වශයෙන් පමණක් නොව ප්‍රංශ රජයේ නීත්‍යානුකූළව ලියාපදංචි ශ්‍රී ලංකා මානව අයිතිවාසිකම් සහ මානව සුබසාධනය වෙනුවෙන් ක්‍රියා කරන බලවත් සංවිධානයකි. මෙම සංවිධානයේ බහුතරයක් වන සිංහල බෞද්ධ අපත් සමඟ පොදුවේ සියළු ලාංකික ජනතාවට සහ අප රටට අවංකව, ක්‍රියාකරන ලාංකිකයන්, ප්‍රංශ ජාතිකයන් ඇතුලු විවිධ ජාතීන්ගෙන් සමන්විතව ක්‍රියාකරන මානව සංවිධානයකි. ගත වූ ඒ 37 වසර පුරාවට ජාති-ආගම්-කුලමල භේද නොතකා විවිධ සංවිධාන නාම යටතේ, මානව හිතවාදී මෙන්ම, ජාති-ආගම්-සංස්කෘතික සහ දේශපාලන වශයෙන් ද, ඒකීය රාජ්‍යයක් වෙනුවෙන් ත්‍රස්තවාදයට ද එරෙහිව ප්‍රසිද්‍ධියේ ජාත්‍යන්තරව ක්‍රියා කළ සංවිධානයකි. එහි සත්‍ය අසත්‍යතාවය මෙහි අප තබා ඇති එම 37 වසරක සේවා කලාපයට ඇතුල් වන ඔබ සැමට දැන් දැක බලාගත හැකිවනු ඇත.
ගරු සෝභිත හිමියන් විසින් සාධාරණ සමාජයක් ලංකාවේ ගොඩනගන්නට උත්සහා කළ දා පටන් අප ද දිවා-රෑ වෙහෙස මහන්සිව මෛත්‍රීපාල සිරිසේන මහතාගේ වත්මන් රජය බලයට ගෙන ඒමට නොගත් උත්සහයක් නැත. එහෙත් අප බලාපොත්තු නොවු ආකාරයට අද සමහර දේශපාලකයනගේ සහ රාජ්‍යය නිලධාරීන්ගේ වංචාව-දුෂණය අති ඉහල ගොස් ඇත. සමහර වංචනික මැති-ඇමතිවරුන්ගේ පුහු ශෝභන ගෝරනාඩු මහ ඉහළින් දක්නට ඇත. එංගලන්තයේ පවත්වා යන අති විශිෂ්ට ජනහිතකාමී අවංක සේවාවක් කරන එක්තරා ශ්‍රී ලංකා ජන මාධ්‍යයකට එරෙහිව පාර්මේන්තුවේ දී එවන් එක්තරා අමාත්‍යවරයෙක් සිදුකරලීම අප ප්‍රංශ මානව සංවිධානය ද තරයේ හෙළා දකිමු.
මින් ඉදිරියට හෝ ජනතාවෝ බුද්ධිමත්ව තීරණ ගෙන ක්‍රියා නොකළහොත් මුළු ලාංකිකයනගේ මුළු අනාගතයම සුනේ සුන්වනු ඇත !! අද ඇස් මනාපිටම පැහැදිලිවම පෙනෙන්නට තිබෙන දේශපාලන වංචා සියල්ලන් සැලකිල්ලට ගෙන "කැපුවත් අපි කොළ පාටයි" - "කැපුවත් අපි නිල්පාටයි" යන අමන මෝඩ මී හරක් සංකල්පයෙන් මිදී මොළයයි, උගත්කමයි, හැකියාවයි, අවංකත්වයයි, ඇති දේශපාලකයන් ඉන්නා සැබෑ දේශප්‍රේමී නව පක්‍ෂයක් වටා අදම ඒකරාශී වන්න.
අප මෙහි දී පෙන්වන අපගේ මෙම සියළු විරෝධතාවයන් සියලු දේශපාලන පක්‍ෂවල ඉන්නා කුහක-වංචනික-අපරාධකාරි දේශපාලකයනට මිස, හිතට අවංකව , රටට, ජනතාවට, අබ-මල් රේණුවක තරම් හෝ වංචාවක් නොකරන ගරු මහත්මා දේශපාලනයේ සහ රාජ්‍ය සේවයේ නියැලී සිටින ඒ ගරු උත්ම-උත්මාවියන් වන ඔබ උදෙසා නොවන බව අමතක නොකරන්න. එවන් ගරු උත්ම-උත්මාවියන් පෙර අතීතයේ මෙන් අදත් අප සමාජයේ බහුතරව ඉන්නා බව දනිමු. එහෙත් කලක සිට එක්සත් ජාතික පක්‍ෂය තුළ සහ ශ්‍රී ලංකා නිදහස් පක්‍ෂය තුළ ඉතා සුළු අවංක කිහිප දෙනෙකු හැරුණු විට බහුතරයක්ම පල් හොරුන් වනු ඇත. ඒ අතර බලයේ හිටපු පිළේ ඉන්නේ කිසිදාක යහමඟට ගත නොහැකි කම්බ හොරුන් බවත් සියළු බුද්ධිමත් ජනතාවෝම අද දනිති. අද හැංගි හොරා ආශ්‍රයක් පවත්වා යන මෙම වංචනික තුන් කට්ටිය එන්න එන්නම ජනතා බලය පිරිහුණු විට වැඩි කලක් ගත වෙන්නට පෙර නුදුරු අනාගතයේදී ම ප්‍රසිද්ධියේම සන්ධාන ගතව පුළුවන් තරම් දුරට අහිංසක ජනතාව සූරාකනු ඇත. ඒ බව කල් තබා සියළු දේශපාලන පක්‍ෂවල ඉන්නා ප්‍රගතිශීලී අවංක දේශපාලකයන් සියල්ලෝම දැන්ම තබා සැලකිළිමත්ව අවධානයෙන් සිටිය යුතුව ඇත.
ප්‍රජාතන්ත්‍රවාදිව සිතන පතන සමහර ලාංකිකයනගේ ඒ ඒ කැමැත්ත පරිදි ඒකරාශී වීමට විශ්වාසදායි දේශපාලන පක්‍ෂයක් අද ලංකාවේ නැතැයි සිතනවා නම්, නව අලුත් දේශපාලන පක්‍ෂයක් හෝ ගොඩනඟා ගන්න උත්සහා දරන්න. නමුත් කිසිවිටක අද UNP - SLFP සහ රාජපක්ෂ යන නමින් ඉන්නා හොර-දුෂිත-වංචනික තුන් පක්‍ෂ ගජමිතුරු හොර හවුලට හෝ ඔවුන්ගේ එක වංචනිකයෙක් හෝ ඉන්නා අනික් පක්‍ෂයකට හෝ ඡන්දය ලබා නොදෙන්නට පුද්ගලිකව මෙන්ම පොදුවේ ද, අද පටන් ක්‍රියාත්මක වන්න. එය ලක්‍ෂ සංඛ්‍යාතව දුක් විඳින ඔබේම අහිංසක මෝඩ ජනතාව වෙනුවෙන් බුද්ධිමත් ලාංකික ඔබ සැම එක්ව කරන මහඟු ජාතික සේවාවකි. මන්ද සෑම මැතිවරණයක් ආසන්නයේම මෙම වංචනික දේශපාලකයන් සියල්ලෝම බොරුවට මායාකාරි ලෙස අහිංසක නූගත් මෝඩ ජනතාව රවටාලීම සඳහා මවා පාන ඒ බොරු ඡන්ද ගුණ්ඩු සියල්ලම අමු අමුවේ ගෙඩි පිටින්ම ගිල දමා, සැමදාමත් දුකට පත්ව අන්ත අසරණ වන නිසාය. ඡන්ද ජයග්‍රහණයෙන් පසු සියළු වංචනික දේශපාලකයෝ කිසිදු පක්‍ෂ භේදයකින් තොරව එකට ඒකරාශී වී ඡන්දය දුන් මෝඩ ජනතාවට කොකා පෙන්වා ජය පැන් බොති, සුපුරුදු පරිදි මහජන දේපොළ මංකොල්ල කති.
යුරෝපයේ සැබෑ ප්‍රජාතන්ත්‍රවාදය භුක්ති විඳමින් ජීවත්වන සියළු බුද්ධිමත් අප ලාංකිකයනට කාලයක් පුරා ලංකාවේ පවත්වා යන වංචනික දේශපාලනය ගැන ඇත්තේ මනා අවබෝධයක් සහ දැඩි අප්‍රසන්න සහගත පිළිකුල් කලකිරීමකි. මෙම යුරෝපා රටවල ඉන්නා විශාල ජනගහන ප්‍රමාණය දෙසත්, භුමි ප්‍රමාණය දෙසත්, මේ සෑම රටකම පාහේ ඉතා සීමිත ප්‍රමාණයකින් යුක්තව ඉන්නා අවංක නිහතමානී ගුණගරුක අමාත්‍යමණ්ඩළයන් සහ සියළු රාජ්‍ය නිලධාරින් දෙසත්, මේ රටවල ඇති දියුණුව දෙසත්, බලන කල්හී, අප ලංකාවේ ඉන්නා ආත්මාර්ථකාමී කුහක වංචනික UNP - SLFP සහ රාජපක්ෂ යන ඒ හොර-දුෂිත-වංචනික තුන් පක්‍ෂ ගජමිතුරු හොර හවුල දේශපාලනය කරන්නේ, වංචනික දේශපාලන කඳපණුවන් වැනි නරුම වනචාරි ගෝත්‍රික පිරිසක් ලෙසින් බව, ලාංකික අප මෙන්ම යුරෝපියන් ද අද එකහෙළා පිළිගනිති.
අප වැනි කුඩා රටකට කිසිසේත්ම ඔරොත්තු නොදෙන, 93 ක් වැනි මංකොල්ලාකාරී අනුවන අමාත්‍ය මණ්ඩළයක් නඩත්තු කරලීමටත්, 225 ක් වන පාර්ලිමේන්තු මන්ත්‍රී කණ්ඩායම නඩත්තු කරලීමටත්, 5000 ස් ගණනකට ආසන්න පිරිසක් වන පළාත් පාලන සහ ප්‍රාදේශී සභා මැති-ඇමතිවරුන්ද ඔවුන්ගේ දරු පවුල් සහ දහස් සංඛ්‍යාත සේවක පිරිස් ද, ගොඩනැගිලි ද, අතිසුඛෝපභෝගී නිවාස ද, වාහනද, උදෙසා දරණ අපමණ නම් මහාපරිමාන නඩත්තු මුදලක් වෙනුවෙන් මහජන මුදල් කෝටි ගණනක් මසකට නිරපරාදේ කාබාසිනියා කර විනාශකර දමයි ද? යහපාලන කියන නව රජයෙන් ද, අද නොනවත්වා සිදුවන්නේ ඒ මහාපරිමාන වංචාවන් බව අද රාජ්‍ය නොවන අපක්‍ෂපාති අනෙකුත් සියලු සත්‍ය මාධ්‍ය තොරතුරු කියවන-දකින ඒ අප-ඔබ කාටත් ඉතා මනාව වැටහෙනු ඇත.
එපමණක් නොව වසර ගණනාවක් මුළුල්ලේ රටට-දැයට සාධාරණ සමාජයක් උදාකරලීම උදෙසා කටයුතු කරමින් යහපාලන යැයි කියා ගන්නා වත්මන් රජය බලයට ගෙන ඒමට ප්‍රමුඛස්ථානය ගෙන දැඩි වෙහෙස මහන්සිව රෝගාතුරුව අපවත් වන තෙක් කටයුතු කළ ඒ ගරු මාඳුළුවාවේ සෝභිත හිමිපාණන්ට පවා මොවුන් කළේ වංචාවන් බව අද මුළු ලොවම දනිති. ඒ ගරු හිමිපාණන්ගේ අන්තිම මානුෂික මහජන සාධාරණ ඉල්ලීම්වලට පවා පිටු පා තව තවත් උන්වහන්සේගේ රෝගී තත්ත්වය උත්සන්න කර මෙම දේශපාලන නායක තුන් ගොල්ලෝම අත්පත් කරගත් ඒ ආනන්තරිය පාපකර්මයේ තරම ලාංකික අපවගේම අන් ලෝක ජනතාවද වටහාගෙන ඇත. ඒ සියලු සත්‍ය තොරතුරු ගරු උන්වහන්සේ අපවත්ව වී වසරක් පිරීම නිමිත්තෙන් සාධාරණ සමාජයක් සඳහා වූ ජාතික ව්‍යාපාරය අනුග්‍රහයෙන් එළි දක්වා ඇති එම Vidéo පටය නරඹන කාටත් මනාව වටහාගත හැකිවනු ඇත. ඒ ඇතිවන මහා සංවේගය කියා නිම කළ නොහැක. (ඔබ සැමටත් එය නැරඹීම සඳහා මෙතනින් CLICK කර ඇතුල්වන්න)
ABOUT SOBITHA HIMI : VIDEO CLICK HERE
එනිසාම, ඒ දුෂණ-වංචාවන්ට එරෙහිව, යුරෝපයේ වෙසෙන අපගේ බුද්ධිමත් ලාංකිකයන් මෙන්ම, එදත්-අදත්-කවදත් අවංකවම ලාංකීය අප වටා ඒකරාශී වී ඉන්නා ඒ බුද්ධිමත් යුරෝපියන් ඇතුලු දෙස්-විදෙස් සියලු විජාතිකයන් සියල්ලෝම, දුක්විඳින අපගේ ලාංකීය සහෝදර ජනතාවට පිහිටවීම වෙනුවෙන් පෙරමෙන් නැවතත් කරලියට පිවිසෙන්නට සූදානම් බව ඉමහත් ප්‍රීතියෙන් යුතුව ප්‍රකාශකර සිටින්නෙමු. අප වැනි සිංහල බෞද්ධ ලාංකික බහුතරයක් විදේශිකයන් සමඟ එක්ව නියෝජනය කරන ප්‍රංශයේ නීත්‍යානුකූලව පවත්වා යන මානව සංවිධානයක් හරහා අපේම වංචනික පාපතර සිංහල දේශපාලකයනට එරෙහිව කරන ජාත්‍යන්තර සත්‍ය ප්‍රකාශන දෙමළ සංවිධානයක් මෙන් නොව ජාත්‍යන්තරයට අනිවාර්‍යෙන් පිළිගැනීමට සිදුවන බව අප සියලු වංචනික දේශපාලකයන් තරයේ මතක තබාගත යුතුව ඇත.
37 වසරක අප සමාජ සේවා CLICK HERE
අද කොපමණ නම් අහිංසක දුප්පත් ජනතාවක් කන්න බොන්න නොමැතිව, බෙහෙත් හේත් නොමැතිව, අයාලේ මිය ඇදෙනවා ද? මන්ද පෝෂණයෙන් පෙළෙනවා ද? ගිණි ගොඩක් මැද ජීවත්වන එම අහිංසක අසරණ ජනතාවට, වංචනික දේශපාලකයන් ගෙන් අද ලැබෙන සහනය කුමක්ද? වැඩි හරියක්ම ඇත්තේ බොරු ශෝබන මවා-පෑම් බව දැන් හෙළිවී ඇත. නිදහසින් පසුව ගතවූ 68 වසර පුරාවටම නොනවත්වා කෙරෙන මෙම වංචනික දේශපාලකයන්ගේ වංචනික ගසාකෑම් නොතිබෙන්න, අපගේ ශ්‍රී ලංකා මාතෘ භූමිය සිංගප්පුරුවටත්, මේ ස්විට්සර්ලන්තයටත්, වඩා දස දහස් ගුණයකින් පිරි සෑම පහසුකම් ඇති දිව්‍යම සැප-සම්පත්වලින් පිරි පුරවරයක් බව අමතක නොකරන්න වග බලාගමු. එසේ නම් කෙසේ හෝ අප රටට-දැයට සැමදාමත් විනකරන ඒ සියලු වංචනික දේශපාලන කඳ පණුවන් සියල්ලෝම පළවා හැරිය යුතුබව ජීවිතය පුරා ගතවන සෑම තප්පරයක් පාසා දැඩි අධිෂ්ඨානශීලීව ක්‍රියා කරමු.
ගතවූ ඒ 68 වසර කාලය තුල අප ශ්‍රී ලංකාවේ සංවර්ධන වේගය සහ දියණුව, ලොව අන් රටවලට සාපේක්‍ෂව ගෙන බැලුවහොත් ඉතාමත්ම පහලම තත්ත්වයක අප රට ඉන්නා බව අවිවාදයෙන් යුතුව පිළිගත යුතුව ඇත. එසේනම් අවිවාදයෙන් යුතුව කැපුවත් කොළ - කැපුවත් නිල් යන වංචනික මෝඩ දේශපාලනයට ගොදුරු නොවී ඔබගේ සහ ඔබ අනාගත දරු පරම්පරාවනගේ සැබෑ විමුක්තිය උදාකර ගන්නට අද සිටම බුද්ධිමත්ව, අවංකව, අපක්‍ෂපාතිව, තීරණ ගෙන අවංක දේශපාලන පක්‍ෂයන් වටා ඒකරාශී වී පෙරමුණ ගනිමු.
අද ශ්‍රී ලංකාව නීතිමය සාධාරණයක් නැති වංචනික දේශපාලකයන්ගේ සුරපුරයක් බවට පත්ව ඇතැයි කියන්නේ ලංකාවට යන එන අප ලාංකියන් පමණක් නොව බොහෝ යුරෝපිය ජාතිකයන් ද පවසන බව අමතක නොකරන්න. එවැනි වංචනික දේශපාලනයක් මත යුරෝපියන් පමණක් නොව මෙහි ඉන්නා බොහෝ ලාංකිකයන් ද කිසිම ව්‍යාපාරයක් ලංකාව තුළ ආරම්භකරලීමට මහත් බියක් මැළිකමක් දක්වනු ලබයි. ඒ බව වගකිවයුතු අවංක ඉහළ පාලකයින් අප්‍රමාදව මෙයින්වත් වටහාගෙන ඉක්මන් සුබදායක අවංක ක්‍රියා පිළිවෙතක් ලංකාව තුළ මෙන්ම ජාත්‍යන්තරව ද ඔප්පුකර පෙන්විය යුතුව ඇත.
යුරෝපයේ ඉන්නා බුද්ධිමත් ශ්‍රී ලාංකික සියල්ලෝම අද තම රටේ වෙසෙන අමන වංචනික බොහෝ දේශපාලකයින් පිළිබඳව ඇත්තේ දැඩි අප්‍රසන්න පිළිකුලකි. ඒ අන් කිසිවක් නිසා නොව විදේශගත ලාංකියන් දහඩිය මහන්සියෙන් උපයන විදේශ විනිමය ධනස් කන්දයත්, දුක් විඳින අහිංසක ජනතාව මත බදුබර පටවා ලබා ගන්නා ධනස් කන්දයත් යන සියල්ලම, වංචනික පාලකයන්ගේ ඉමක් කොනක් නැති පුද්ගලික සුඛවිහරණයට ගැනීමත් යන අසාධාරණ ක්‍රියා නිසාය.
මෙවන් ජරා වංචනික දේශපාලකයන් බලයේ ඉන්න තාක්කල් රටටත්, ජනතාවටත්, විදේශගත අපටත්-ඔබටත් කිසිම වගතුවක් නොවෙනු ඇත. එනිසා ගරු මාදුළුවාවේ සෝභිත හිමියන්ගේ වංචාවෙන්-දුෂණයෙන් තොර සැබෑ ප්‍රජාතන්ත්‍රවාදී සාධාරණ සමාජයක් වූ සංකල්පය කෙසේ හෝ රජ කරවමු.
ශ්‍රී ලාංකික ඔබ සැමට "ජය ශ්‍රී"
!! (More information : Click Here)
(From : President Ahfesl.org, Mr. Sarath Samarakoon (Mr. SMS - France-Suisse)
(Publiée par Ahfesl.org Editor Board - Paris section - 19.11.2016) |
