විදේශ කටයුතු නියෝජ්‍ය ඇමතිගේ පැරිස් ගමනින් පැරිසියේ යු.අන්.පි. ය දෙපළු වෙයි
- May 27, 2016
http://sinhala.lankanewsweb.net/news/item/4111-2016-05-27-08-41-43
UNP_PARIS_EXPLOSIF_LEN_27.05.2016
|
TO READ THIS ARTICLE DIRECT WITH "LANKA NEWS WEB" (LNW) :
CLICK HERE
|
|
විදේශ කටයුතු නියෝජ්‍ය අමාත්‍ය ආචාර්ය හර්ෂ ද සිල්වා මහතා ප්‍රංශයේ සිදු කළ සංචාරය අතරතුර පැවැත්වූ රැස්වීමක් හේතු කොට ගෙන පැරිසියේ ක්‍රියාත්මක එක්සත් ජාතික පක්ෂයේ පැරිස් ශාඛාව දරුණු බෙදීමකට ලක්ව දෙකඩ වී ඇතැයි පැරිස් නුවරින් වාර්තා වේ.
පසු ගිය 18 වැනි දින පැරිසියේ Victor Hugo නමැති ප්‍රදේශයේ සුපිරි අවන්හලක් තුළ පැවැති මෙම සාකච්ඡාවට, පැරිසියේ ක්‍රියාත්මක එ.ජා.ප. පැරිස් ශාඛාවේ පිරිස් සහභාගී කරවා දෙන ලෙස නියෝජ්‍ය අමාත්‍යවරයා විසින් ප්‍රංශයේ ශ්‍රී ලංකා තානාපති තිලක් රණවීරාජ මහතාට දන්වා ඇතත්, අදාල රැස්වීමට තානාපතිවරයා විසින් ආරාධනා කොට ඇත්තේ ඔහුට හිතවත් තෝරා ගත් පිරිසකට පමණි.
එක්සත් ජාතික පක්ෂය නියෝජනය කරමින් පැරිසියට පැමිණි අමාත්‍යවරයා හමුවීමට එක්සත් ජාතික පාක්ෂයේ පැරිස් ශාඛාවේ බහුතරයකට ඉඩ ලබා දී නැතත්, වෙනත් දේශපාලන පක්ෂ හා තානාපතිවරයාගේ ගුණ ගායනා කිරීම වෙනුවෙන් කඩිමුඩියේ පිහිටුවා ගත් ඇතැම් සංවිධානවල නියෝජිතයන්ට හා යපාලන රජයක් පිහිටුවා ගැනීම වෙනුවෙන් වචනයකින් හෝ දායකතත්වයක් ලබා නොදුන් පිරිසක් ඊට සහභාගි කිරීමට තානාපති තිලක් රණවීරාජ මහතා කටයුතු කොට තිබේ.
එක්සත් ජාතික පකෂයේ පැරිස් ශාඛාව නියෝජනය කරමින් අදාල සාකච්ඡාවට සහභාගී වූ තෝරා ගත් පිරිසට එරෙහිව ශාඛාවේ බහුතර පිරිස සිය විරෝධය ප්‍රකාශ කර ඇති අතර, පිටස්තර පුද්ගලයෙකුට අවශ්‍ය පරිදි පක්ෂයක ශාඛා සංවිධානයක් මෙහෙයවීමට ඉඩ ලබාදීම පිලිබදව වත්මන් සභාතිවරයා ඇතුළු නිලධාරීන්ට ඔවුන්ගේ අප්‍රසාදය ප්‍රකාශ කොට තිබේ.
එක්සත් ජාතික පක්ෂයේ පැරිස් ශාඛාව තුළ මතුවී ඇති මෙම බෙදීම මත, එම ශාඛාවේ හිටපු සභාපති අජන්ත කල්දේරා, වත්මන් සංවිධායක නීල් ලියනගේ, කාරක සභික ශ්‍රියන්ත සතුරුසිංහ, සුනිල් තිසේරා, නිමල් ඇතිගේ හා නිමල් රණසිංහ යන නිලධාරින් ඇතුළු සාමාජිකයන් විශාල ප්‍රමාණයක් එක්සත් ජාතික පක්ෂයේ පැරිස් ශාඛාවෙන් ඉවත් වීමට තීරණය කොට ඇතැයි හිටපු සභාපති අජන්ත කල්දේරා මහතා පවසයි.
ඉදිරියේදී එක්සත් ජාතික පක්ෂය වෙනුවෙන් පැරීසියෙදි සිදු කරන කිසිදු දේශපාලන කටයුත්තකට තමන් ඇතුළු පිරිස සහභාගී නොවන බව පැවසූ හිටපු සභාපතිවරයා, තමා ඇතුළු ශාඛාවෙන් ඉවත්වන සියලු දෙනාම සිය අත්සන යොදා ඒ බව එක්සත් ජාතික පක්ෂයේ මුලස්ථානයට ද නුදුරේදී දැනුම් දෙන බවද කියා සිටී.
|
හර්ෂගේ පැරිස් ගමනින් යූ.ඇන්.පියේ පැරිස් ශාඛාව දෙකඩ වෙලා නෑ!
- May 29, 2016
http://sinhala.lankanewsweb.net/news/item/4126-2016-05-29-10-11-08
UNP_RIGHTReply_LNW_29.05.2016
|
TO READ THIS ARTICLE DIRECT WITH "LANKA NEWS WEB" (LNW) :
CLICK HERE
|
|
අප වෙබ් අඩවියේ මැයි මස 27 වෙනිදා පල කරනු ලැබූ ‘විදේශ කටයුතු නියෝජ්‍ය ඇමතිගේ පැරිස් ගමනින් පැරිසියේ යු.අන්.පි. ය දෙපළු වෙයි' පුවත සම්බන්ධයෙන් එක්සත් ජාතික පක්ෂ පැරිස් සන්විධානයේ වත්මන් සභාපති වන නාලක දේවේන්ද්‍රන් මහතා විසින් අප වෙත විද්‍යුත් ලිපියක් එවා ඇත. ඒ මහතා එවන ලද ලිපිය කිසිදු සංස්කරණයකින් තොරව පහතින් පල කරන්නෙමු.
ඔබගේ lankanewsweb වෙබ් අඩවියේ "විදේශ කටයුතු නියෝජ්‍යය ඇමතිගේ පැරිස් ගමනින් පැරිසියේ යූ.ඇන්.පි.ය දෙපළු වෙයි" යන ශීර්ෂයෙන් පලවූ ප්‍රවෘත්තිය සම්බන්ධවයි.
එක්සත් ජාතික පක්ෂ පැරිස් සන්විධානයේ වර්ථමාන සභාපති වන නාලක දේවේන්ද්‍රන් වන මවිසින් උක්ත ප්‍රවෘත්තිය පිළිබඳව කරුණු දැක්වීමට තීරණය කල අතර වැදගත් මාධ්‍යයක් ලෙස කිසිම ආකාරයක සංස්කරණයකින් තොරව මේ ලිපිය පලකරණු ඇතැයි විශ්වාස කරමි.
මැයි මස 18 දින විදේශ කටයුතු නියොජ්‍යය අමාත්‍යය ගරු දොස්තර හර්ෂ ද සිල්වා මැතිතුමාගේ රාජ්‍යතාන්ත්‍රික සංචාරයක් අතරතුරදී පැරිසියට පැමිණි ආවථාවේදී එ.ජා.ප. ශාඛා ක්‍රියාකාරීන් හමුවීමට ගත් තීරණයට මුලින්ම එතුමාට අපි ප්‍රශංසා කරණ අතර එහිදී ඇතිවූ තත්වයන් මෙසේ විග්‍රහ කරමි.
ප්‍රංශයේ ශ්‍රී ලංකා තානාපති කාර්යාලය මෙහිදී පහසුකම් සැපයීමක් පමණක් සිදු කල අතර කිසිදු ආකාරයක මැදිහත්වීමක් නොකල බව වගකීමෙන් ප්‍රකාශ කරමි. ගරු තානාපති තිලක් රණවිරාජා මැතිතුමා මෙහිදී පෞද්ගලිකව මා ඇමතූ නැති අතර ඒ වෙනුවෙන් තානාපති කාර්යාලයේ නිලධාරි මහත්ම මහත්මීන් මා සමග සාකාච්ඡා කල බව දන්වනු කැමැත්තෙමි. ප්‍රංශයේ එ.ජා.ප. ශාඛා දෙකක් ඇති අතර ක්‍රියාකාරී ශාඛාවේ වර්තමාන සභාපති ලෙස ඉහත ප්‍රවෘත්තියේ සාවද්‍යය තොරතුරු වෙනුවෙන් නිවෑරදි කිරීමක් කිරීමට කැමැත්තෙමි.
එක් ශාඛාවකින් දස දෙනෙකු ලෙස මීට සහභාගී කරවීමට කටයුතු කල අතර අවසානයේ ඊට වඩා වැඩි පිරිසක් සහභාගී විය. එ.ජා.ප. පැරිස් සංවිධානය වෙනුවෙන් එහි ක්‍රියාකාරි නිලධාරීන් පමණක් සහභාගී වූ බවද වගකීමෙන් දන්වමි. ඒ සඳහා සහභාගී වියයුතු නිලධාරීන් මවිසින් පෞද්ගලිකවම තෝරාගත් අතර සහභාගී විය හැකි ප්‍රමාණයේ සීමාසහිත බව නිසා අපහසුතාවයකට පත් නොවූවාම නොවේ.
එ.ජා.ප. පැරිස් ශාඛාවේ හිටපු සභාපති ඔබවෙත ඉදිරිපත් කර ඇත්තේ සාවධ්‍යය තොරතුරුය. අජන්ත කල්දේරා මහතා තනතුරින් ඉවත්වූ පසු අප ශාඛාවේ අනුශාසක තනතුරක් සඳහා පත්කල අතර කාරක සභා සඳහා සහභාගී නොවූ හෙයින් ඉනික්බිතිව ව්‍යවස්ථාවට අනුව නිළයෙන් ස්වේච්ඡාවෙන් ඉවත්වූ කෙනෙකු ලෙස සලකණු ලබන අයෙකි. එපමණක්ද නොව, වෙනත් සංවිධානයක සභාපති තනතුරක් දරණ හෙයින් එහෙයින්ම තනතුරෙණ් ඉවත්වී ඇත. ඉන්පසු අප පක්ෂ ශාඛාව විසින් සංවිධානය කල කිසිම කටයුත්තකට ඔහුගේ සහභාගීත්වයක්ද නොවීය.
මේ සාකච්ඡාවට සහභාගීවූ නිලධාරීන් සම්බන්ධවෙන් එකී හමුවීමෙන් අනතුරුව කිසිම ආකාරයක විරෝධතාවයක් ඔහු විසින් ලිඛිතව හෝ වාචිකව මා වෙත ඉදිරිපත් කර නොමැති බව වගකීමෙන් ප්‍රකාශ කරමි.
සහභාගී පිරිස පිලිබඳව සාමාජිකයින්ගෙන් කිසිම විරෝධතාවයක් නොවූ අතර හිටපු සභාපති අජන්ත කල්දේරා මහතා සඳහන් කර ඇති පරිදි සාමාජ්කයින්ගේ විරෝධතාවයක්ද නොවේ. ඔහු විසින් නම්කර ඇති වත්මන් සංවිධායක නීල් ලියනගේ, කාරක සභික ශ්‍රියන්ත සතුරුසිංහ, සුනිල් තිසේරා, නිමල් ඇතිගේ හා නිමල් රණසිංහ යන අත අතරින් ශ්‍රියන්ත සතුරුසිංහ මහතා පමණක් කාරක සභාව නියෝජනය කරයි. වත්මන් සංවිධායක නීල් ලියනගේ මහතා උක්ත හමුවීමට සහභාගී විය. ඔහු කිසිම ආකාරයකින් ශාඛාවේ ඔහුගේ තනතුරින් හෝ ක්‍රියාකාරීත්වයෙන් ඉවත් නොවූ අයෙකි. (ඔහුගේ සහභාගීවීම තහවුරු කිරීමට ඡායාරූපයක් මෙහි අමුණා ඇත.)
UNP_2nd_group_Paris_29.05.2016_LNW
කිසිම පිටස්තර පුද්ගලයෙකුට අවශ්‍ය ලෙස අප ශාඛාව හසුරුවණු නොලබන අතර සියලු තීන්දු තීරණ ගනු ලබන්නේ නිලධාරීන් සහ සාමාජික සාමාජිකාවන් පමණි. අජන්ත කල්දේරා මහතා විසින් සඳහන් කර ඇති ලෙස කිසිම ක්‍රියාකාරී සාමාජික සාමාජිකාවක් ශඛාවෙන් ඉවත් නොවූ අතර කිහිපදෙනෙකු ඔහු සමග ඔහුගේ නව සංවිධානයේ කටයුතු වලට සහයෝගය දක්වන හෙයින් එ.ජා.ප. පැරිස් සංවිධානයේ කටයුතු වලට සහභාගී නොවේ. එය එ.ජා.ප. විකල්ප කණ්ඩායමක් ලෙසද හඳුවනු නොහැක. සීගිරි ගලෙන් පොත්තක් ගැලවී ගියවිට ඒ පොත්ත සීගිරි ගල ලෙස කීසිවෙකුත් හඳුන්වනු නොලැබෙන්නාක්සේ එකී කිහිපදෙනාගේ ඉවත්වීම සංවිධානයේ කටයුතු කෙරෙහි කිසිම ආකාරයකින් බලපෑමක් නොවන බවද වගකීමෙන් ප්‍රකාශ කරමි.
සක්‍රිය සාමාජිකත්වය හෝ නොලද ඉහත නම් සඳහන් අජන්ත කල්දේරා ප්‍රමුඛ කිහිප දෙනා අප පක්ෂයට කල අගෞරවය පිලීබඳව මවිසින් එ.ජා.ප. මූලස්ථානය වෙත ලිඛිතව කරුණු ඉදිරිපත් කිරීමටද කටයුතු සූදානම් කර ඇති බව වැඩිදුරටත් සඳහන් කිරීමට කැමැත්තෙමි.
අවසාන වශයෙන් ඔබ වෙත කරුණු දක්වා ඇතී අජන්ත කල්දේරා මහතාගේ නම අජන්ත නොවන අතර ඔහු හොල්ලුපතිරගේ නිහාල් කල්දේරා වන අතර තමාගේ නම මෙන්ම කරුණුද ඔහු විසින් සාවද්‍යය ලෙස විකෘති කර ඇති බව පමණක් දන්වනු කැමැත්තෙමි.
ඉහත කරුණු දැක්වීම කෙරෙහි ඔබ lankanewsweb වෙබ් අඩවිය මාවෙත දැක්වූ අනුග්‍රහය පිලිබඳව එ.ජා.ප. පැරිස් සංවිධානය වෙනුවෙන් ස්තූතිය පුදකරණු කැමැත්තෙමි.
සංස්කාර සටහන
' විදේශ කටයුතු නියෝජ්‍ය ඇමතිගේ පැරිස් ගමනින් පැරිසියේ යු.අන්.පි. ය දෙපළු වෙයි' යන පුවතට අදාළ පිලිතුර එම ලිපිය සකස් කරන ලද ලේඛකයා වෙත අප විසින් යොමුකර ඇති අතර ඒ සම්බන්ධයෙන් පිලිතුරු ඒ මහතා විසින් නුදුරේදී ලබා දෙනු ඇත. එම පිලිතුරු ලිපිය ලැබුණු වහාම පල කිරීමට අපි බලාපොරොත්තු වෙමු.
|
පැරිසියේ යූ . ඇන්. පී. ය දෙපළු වීම බොරුවක් නොවන බව වත්මන් සභාපතිතුමා ම පිළිගනී!
- May 31, 2016
http://sinhala.lankanewsweb.net/news/item/4150-2016-05-31-10-04-59
|
TO READ THIS ARTICLE DIRECT WITH "LANKA NEWS WEB" (LNW) :
CLICK HERE
|
|
අප වෙබ් අඩවියේ මැයි මස 27 වෙනිදා පල කරනු ලැබූ ‘විදේශ කටයුතු නියෝජ්‍ය ඇමතිගේ පැරිස් ගමනින් පැරිසියේ යු.අන්.පි. ය දෙපළු වෙයි' පුවත සම්බන්ධයෙන් එක්සත් ජාතික පක්ෂ පැරිස් සන්විධානයේ වත්මන් සභාපති වන නාලක දේවේන්ද්‍රන් මහතා විසින් අප වෙත විද්‍යුත් ලිපියක් එවා තිබූ අතර එම පිලිතුරු ලිපිය අප මැයි මස 29 දිනැති හර්ෂගේ පැරිස් ගමනින් යූ.ඇන්.පියේ පැරිස් ශාඛාව දෙකඩ වෙලා නෑ! නම් ශීර්ෂ සටහන යටතේ පළ කළෙමු. එම ලිපිය සමග අප සඳහන් කලේ අදාළ ලිපිය සකස්කළ මාධ්‍යවේදීයාගෙන් එම පිලිතුරු ලිපිය සම්බන්ධයෙන් ඔහුගේ අදහස විමසා පල කරන බවයි.
එම පිලිතුරු ලිපිය පහතින් පලවේ.
පසුගිය 27 වෙනි දින අප වෙබ් අඩවියේ පළ වූ " විදේශ කටයුතු නියෝජ්‍ය ඇමතිගේ පැරිස් ගමනින් පැරීසියේ යු. ඇන්. පී. ය දෙපළු වෙයි " යන ප්‍රවෘත්තිය සාවද්‍ය යැයි පවසමින් , එ. ජා. ප. පැරිස් සංවිධානයේ වත්මන් සභාපති නාලක දේවේන්ද්‍රන් මහතා විසින් යොමු කළ කරුණු පැහැදිළි කිරීම පසුගිය 29 වැනි දින අප විසින් පළ කළෙමු.
වෙබ් අඩවියක හෝ පුවත් පතක හෝ පළවන ප්‍රවෘත්ති සැකසෙන්නේ අදල මාධ්‍ය ආයතනයට සම්බන්ධ මාධ්‍යවේදියකුට ලැබෙන තොරතුරු හා මූලාශ්‍ර පදනම් කොට ගෙනය. ලැබෙන තොරතුරු හා මූලාශ්‍ර පිළිබඳ නිවැරදිතාවය හැකිතක් දුරට සනාථ කරගත් පසු එකී ප්‍රවෘත්තියේ විස්වාසවන්ත භාවය තහවුරු වන අයුරින් ප්‍රවෘත්තිය සකස් කිරීම මාධ්‍යවේදියාගේ කටයුත්තය.
නාලක මහතා සාවධ්‍ය යැයි පවසන පසුගිය 27 වැනිදා පළ කළ ප්‍රවෘත්තිය සැකසී ඇත්තේ ද ඉහතින් සඳහන් කළ කරුණු සම්පූර්ණ කර ඇති බවට වූ සහතිකය මත බව අප අවධාරණය කරමු.
නාලක මහතා විසින් කරන ලද කරුණු දැක්වීමට අනුව අදාල ප්‍රවෘත්තිය ඉතාමත් නිවැරිදි බව තව දුරටත් සනාථ වන අයුරු පෙන්වීමට පමණක් මෙම සටහන සීමා කිරීමට අපි තීරණය කළෙමු.
නාලක මහතාගේ කරුණු දැක්වීම තුළ සඳහන් වන ඔහුගේ සංවිධානයේ නිළධාරීන්ගේ හා සාමාජිකයන්ගේ අක්‍රීය භාවය පිළිබඳව කරනු ලබන විවේචන සම්බන්ධයෙන් හෝ හිටපු සභාපතිවරයා ඔහුගේ නම සාවධ්‍ය ලෙස විකෘති කර භාවිතා කරන වංචනික පුද්ගලයෙකු බවට කරන චෝදනා පිළිබඳව හෝ කරුණු අපගේ ප්‍රවෘත්තියට අදාල නොවන හෙයින් අප ඒ සම්බන්ධයෙන් කිසිවක් ප්‍රකාශ නො කරමු.
අප විසින් පළ කළ ප්‍රවෘත්තියේ නම් සඳහන් පුද්ගලයෙකුට හෝ පුද්ගලයන් පිරිසකට හෝ නාලක මහතාගේ පැහැදිළි කිරීම තුළින් අගතියක් සිදු වී ඇතැයි ඔවුනට හැඟේ නම්, ඔවුන්ගේ අයිතිවාසිකම් රකිනු වස් ඔවුන් විසින් කරණු ලබන පැහැදිළි කිරීම් වලට ද අප ඉඩ ලබා දීමට බැඳී සිටින බවද සිහිපත් කරමු.
පැරීසියේ ක්‍රියාත්මක එ. ජා. ප. ශාඛා නියෝජිතයන් තමන්ට මුණගස්වා දෙන ලෙස විදේශ කටයුතු නියෝජ්‍ය ඇමැතිවරයා ප්‍රංශයේ ශ්‍රී ලංකා තානාපතිවරයාට දන්වා ඇති බවට අපගේ ප්‍රවෘත්තිය තුළ සඳහන් වූ ප්‍රකාශය නිවැරදි බව නාලක මහතා ඔප්පු කොට ඇත්තේ මෙසේ ය.
එ. ජා. ප. පැරිස් ශාඛාවේ සභාපති නාලක මහතාට අනුව නියෝජ්‍ය අමත්‍යවරයා ' දොස්තර ' මහතෙකි. මේ දොස්තර මහතා පැරීසියට පමිණ ඇත්තේ රාජ්‍ය තාන්ත්‍රික සංචරයකට වුවත්, ඒ අතර තුර ඒ මහතා එ. ජා. ප. ශාඛා ක්‍රියාකාරීන් හමුවීමට ගත් තීරණයට තමන් ප්‍රශංසා කරන බවත් නාලක මහතා කියයි.
නියෝජ්‍ය අමාත්‍යවරයාට එ. ජා. ප. ශාඛා ක්‍රියාකාරිකයන්ව මුණගස්වා දීමේ පහසුකම් සපයන්නා වී ඇත්තේ ප්‍රංශයේ ශ්‍රී ලංකා තානාපති බව නාලක මහතාම පිළිගනී. තානාපති තිලක් රණවිරාජ මහතා පුද්ගලිකව නාලක මහතාට මහතාට දුරකථන ඇමතුම් ලබා නො දුන්නද, තානාපති කාර්‍යාල නිළධාරීන් තමන් සමඟ සාකච්ඡා කළ බව ඔහු පිළිගනී.
තානාපති කාර්‍යලය මෙම නියෝජ්‍ය ඇමැති හමුවේ පහසුකම් සපයන්නා ලෙස ක්‍රියා කළ බව පිළිගන්නා නමුත්, තානාපති කාර්යාලය ලබාදුන් පහසුකම් මොනවාද යන්න හෙළි නො කිරීමට නාලක මහතා වග බලා ගනී.
මේ අනුව අපගේ ප්‍රවෘත්තියෙන් කියැවුනු කරුණ වූ ඇමැතිවරයාගේ හමුව සැලසුම් කළේ තානාපතිවරයා බව යන්න කදිමට තහවුරු වේ.
නියෝජ්‍ය ඇමැති හමුවට එ. ජා. ප. පැරිස් ශාඛාවේ බහුතරයකට ඉඩ ලබා නොදී තානාපතිවරයාගේ ගුණ ගායනා කිරීම සඳහා අටවා ගත් සංවිධානයක පිරිසකටත්, සංවිධානවල නොමැති පුද්ගලයන් පිරිසකටත් තනාපතිවරයා ඉඩ ලබා දුන් බවට අපගේ ප්‍රවෘත්තියේ පලවූ කරුණ ඉතා නිවැරදි බව නාලක මහතාගේ පැහැදිලි කිරීමෙන් ඔප්පු කොට තිබේ.
නාලක මහතාට අනුව නියෝජ්‍ය අමාත්‍යවරයාට අවශ්‍ය වී ඇත්තේ එ. ජා. ප. ශාඛා නිළධාරීන් හමුවීමට ය. පැරීසියේ එ. ජා. ප. ශාඛා දෙකක් තිබුණ ද ක්‍රියාකාරී ශාඛාව වන්නේ තමන් සභාපති තනතුර දරන ශාඛාව පමණි. අනෙක නාමික ශාඛාවක් බව ඔහු පිළිගනී.
නියෝජ්‍ය ඇමැතිවරයාගේ හමුවීමට එක් ශාඛාවකින් දස දෙනකු පමණක් සහභාගි කරවීමට කටයුතු කළ බව නාලක මහතා පැවසුවද, එම ප්‍රමාණය තිරණය කළේ කවුද යන්න ඔහු සඟවා තබයි. එහෙත් අවසානයේ නියමිත පිරිසට වඩා වැඩි පිරිසක් සහභාගී වූ බව ඔහු පවසතත් එම පිරිස ඊට සහභාගි වූයේ කුමන එ. ජා. ප. ශාඛාව නියෝජනය කරමින්ද යන්න නො කියයි.
ඔහුගේම තර්කය අනුව ක්‍රියාකාරී ශාඛව වන ඔහුගේ ශාඛවට දස දෙනෙකු ලැබෙන විට නාමික නොහොත් අක්‍රීය ශාඛාවට ලැබිය යුත්තේ අතිශයින් කුඩා කුඩා ප්‍රමාණයකි. එහෙත් ඇමැති හමුවට පැමිණෙන අය තීරණය කිරීමේ බලයක් ඔහුට තිබී නොමැති බවත්, ඔහුත් නො දැන විශාල පිරිසක් සහභාගී වුණු බවත් ඔහු පිළිගනී.
ඒ අනුව එම හමුවට තානාපතිට අවශ්‍ය අය තෝරා ගෙන සහභාගී කරවූ බවට වූ අපගේ ප්‍රවෘත්තිය ඉතාමත් නිවැරදි බව පැහැදිලිවේ.
තමන් තෝරා ගත් පිරිස පිළිබඳව කිසිදු සාමාජිකයෙකු විරෝධතාවක් පළ කොට නැති බව නාලක මහතා ප්‍රකාශ කළ ද අපට ලැබුණු තොරතුරු අනුව එම හමුව පැවැති දිනට පසු දිනම ඒ මහතාටත් තවත් නිළධාරීන් කිහිප දෙනකුටත් මේ පිළිබඳ විරෝධය දුරකථනය ඔස්සේ සිදු කොට තිබේ. නාලක මහතා සභාපතිත්වය දරන එ. ජා. ප. ශාඛාවෙන් ඉවත්වීමට තීරණය කර ඇත්තේ ද එම විරෝධය පෑ පිරිසමය. එය ද සාවද්‍ය කරුණක් නොවන බව ඉදිරියේ දී පැහැදිළි වනු ඇත.
තනතුරින් ඉවත් වන බවට හිටපු සභාපතිවරයා විසින් නම් සඳහන් කර තිබූ වත්මන් සංවිධායක නීල් ලියනගේ මහතා කිසිම ආකාරයකින් සිය තනතුරින් හෝ ක්‍රියාකාරිත්වයෙන් හෝ ඉවත් නොවන බවට නාලක මහතා කරන සඳහන නිවැරදි බව අපට ද මේ වන විට වාර්ථා වී තිබේ. හිටපු සභාපතිවරයාගේ හිතෛෂීවන්තම සගයා වන වත්මන් සංවිධායකවරයා අදාල නියෝජ්‍ය ඇමැති හමුවට පසු දින හිටපු සභාපතිවරයා ඉදිරියේ තමන් සංවිධායක තනතුරින් ඉවත් වන බවට කළ සපථ කිරීම මේ මොහොතේ ඉටු නො කළ ද, ඉදිරියේ දී එ. ජා. ප. පැරිස් ශාඛාව විසින් සංවිධානය කරන ක්‍රිකට් තරඟාවලියෙන් පසුව එම ඉල්ලිම ඉටු කිරීමට සූදානමින් සිටින බවද අපට වාර්ථා වේ.
නාලක මහතාගේ පැහැදිළි කිරීමට අනුව තම සංවිධානයෙන් කිහිප දෙනකු ඉවත් වීමට නියමිත බව ඔහු පිළිගනී. එම ඉවත්වීමෙන් සංවිධානයේ කටයුතු වලට සිදුවන බලපෑම හෝ සීගිරි ගලේ පොත්ත අදාල පුද්ගලයන් විසින් කුමණ ආකාරයෙන් හඳුන්වනු ලබන්නේද යන්න පිළිබඳව හෝ අපට අදාල නො වුණ ද, අපගේ ප්‍රවෘත්තියේ සඳහන් වූ ආකාරයට එ. ජා. ප. පැරිස් ශාඛාව දෙකඩ වී ඇති බවට අප ඉදිරිපත් කළ තොරතුරු ඉතා නිවැරිදි බව පමණක් නාලක මහතාගේම පැහැදිළි කිරීමෙන් තහවුරු වේ.
විදේශ කටයුතු නියෝජ්‍ය අමාත්‍යවරයාට පැරීසියේ එ. ජා. ප. ශාඛා ක්‍රියාකාරීන් මුණගැස්සවීමට ශ්‍රී ලංකා රජයේ මුදල් වියදම් කරමින් පහසුකම් සලසන්නා ලෙස ක්‍රියා කළ ප්‍රංශයේ ශ්‍රී ලංකා තානාපති තිලක් රණවිරාජ මහතා, ඒ ගිණුමටම බැර කර තමන්ගේ ගුණ ගායනා කරවන්නන් පිරිසක් ද සංතර්පනය කිරීමට ශුක්ෂම වී ඇති බවට අප දැක් වූ කරුණු නිවැරිදි බව නාලක මහතාගේ පැහැදිළි කිරීමෙන් ඔප්පු කොට තිබේ.
අප විසින් පළ කළ ප්‍රවෘත්තියේ නිවැරදි කරුණු සාවද්‍ය බවට තර්ක කිරීමට වෙහෙසෙනවාට වඩා , පැරීසියේ ක්‍රියාකාරීම එ. ජා. ප. ශාඛාවේ සභාපතිවරයා ලෙස නාලක මහතා වෙහෙසිය යුත්තේ එ. ජා. ප. නියෝජ්‍ය ඇමැතිවරයකුව මුණගැසීමට තම සංවිධානයේ සාමාජිකයන්ට තිබූ අවස්ථාව තානාපතිවරයා විසින් පැහැර ගත්තේ කෙසේද යන්න සොයා බැලීමටය. එය දේශපාලනික ලෙස ඊට වඩා ඵලදායික වනු ඇත.
පහත පළවන අංක 01 සිට අංක 05 දක්වා වූ ඡායාරූපවල සටහන් කර ඇති රවුමෙන් දක්වා ඇත්තේ නියෝජ්‍ය ඇමැති හමුවට පැමිණි සිටි එ. ජා. ප. ශාඛා නියෝජනය නොකරන පිරිසය.
Paris_UNP_Destroy_By_SL_Ambassador_LNW_31.06.2016_02
එ.ජා. ප. පැරිස් සංවිධානය වෙනුවෙන් එහි ක්‍රියාකාරී නිළධාරීන් පමණක් තමන් විසින් තෝරා ගත් බව නාලක මහතා වගකීමෙන් පැවසුව ද අංක 06 ඡායාරූපයේ රවුන් කර දක්වා ඇති පුද්ගලයා ඔහුගේ ශාඛාවේ සාමාන්‍ය සාමාජිකයකු මිස ක්‍රියාකාරී නිළධාරියකු නො වේ.
පෙර සටහන්
‘විදේශ කටයුතු නියෝජ්‍ය ඇමතිගේ පැරිස් ගමනින් පැරිසියේ යු.අන්.පි. ය දෙපළු වෙයි'
හර්ෂගේ පැරිස් ගමනින් යූ.ඇන්.පියේ පැරිස් ශාඛාව දෙකඩ වෙලා නෑ!
|
|
