විරෝධයන් නොතකා චීන නැව හම්බන්තොටට
August 16, 2022 0in ප්‍රමුඛ පුවත්
https://lankatruth.com/si/?p=138122

yuan-vang-5-LT-16.08.2022

 

ඉන්දියාවේ අවශ්‍යතාවය මත මෙරට පාලකයන් විසින් පමා කරන ලෙස ඉල්ලා සිටියද එම විරෝධයන් නොතකා චීනයේ යුවාන් වෑන්ග් 5 අධි තාක්ෂණික නෞකාව අද (16) පෙරවරුවේ හම්බන්තොට වරායට පැමිණීමට නියමිතය.

මෙරට විදේශ අමාත්‍යංශය විසින් මේ සම්බන්ධයෙන් අවසන් වරට නිකුත් කරන ලද නිවේදනය අනුව සියලු පාර්ශවයන්ගේ එකඟතාවයෙන් යුක්තව මෙම නැව පැමිණෙන බව ප්‍රකාශ කර තිබේ. එහෙත් ඉන්දියන් ටයිම්ස් වෙබ් අඩවිය අද (16) ප්‍රවෘත්තියක් පළකරමින් එම නෞකාවේ ගමන සම්බන්ධයෙන් ඉන්දීය වරාය කටයුතු ඇමතිවරයා දැඩි කනස්සල්ල දක්වා ඇති බව වාර්තා කර තිබේ.

ජාත්‍යන්තර කටයුතු පිළිබඳ වෘත්තීය නිපුණතාවයක් සහිත විශ්ලේෂකයන් විසින් මේ වනවිට කරුණු දක්වන්නේ යුවාන් වෑන්ග් 5 නෞකාවට පැමිණීමේ ඉඩකඩ මෙරට පාලකයන් ලබාදීම තුළින් ශ්‍රී ලංකාවත් ඉන්දියාව සහ චීනයත් යන පාර්ශව තුනම මේ වනවිට අලුත් අර්බුදයකට මුල පුරා තිබෙන බවය.

Translation by Ahfesl-France

Chinese ship to Hambantota despite objections

China's high-tech ship Yuan Wang 5 is scheduled to arrive at Hambantota port today (16) in the morning, despite requests from the country's rulers to delay it due to India's needs.

According to the latest announcement issued by the Ministry of Foreign Affairs in this regard, it has been stated that this ship will arrive with the agreement of all parties. But the Indian Times website published a news today (16) and reported that the Minister of Port Affairs of India has expressed great concern regarding the journey of that ship.

Analysts with professional expertise in international affairs are currently pointing out that the three parties, Sri Lanka, India and China, are at the beginning of a new crisis by giving the rulers of this country the opportunity to visit the Yuan Wang 5 ship.

Navire chinois à Hambantota malgré les objections
16 août 2022 0dans les principales actualités

Le navire chinois de haute technologie Yuan Wang 5 doit arriver au port de Hambantota aujourd'hui (16) dans la matinée, malgré les demandes des dirigeants du pays de le retarder en raison des besoins de l'Inde.

Selon la dernière annonce publiée par le ministère des Affaires étrangères à cet égard, il a été déclaré que ce navire arrivera avec l'accord de toutes les parties. Mais le site Internet Indian Times a publié une nouvelle aujourd'hui (16) et a rapporté que le ministre des affaires portuaires de l'Inde a exprimé une grande inquiétude concernant le voyage de ce navire.

Des analystes ayant une expertise professionnelle dans les affaires internationales soulignent actuellement que les trois parties, le Sri Lanka, l'Inde et la Chine, sont au début d'une nouvelle crise en donnant aux dirigeants de ce pays la possibilité de visiter le navire Yuan Wang 5.

Translation by Ahfesl-France

යුවාන් වැන්ග් 5 චීන ඔත්තුකාර නැවේ කතාව හෙවත් ගෝටා යනකොට කොරහත් බිඳගෙනම ගිය හැටි...!
-චන්ද්‍රප්‍රදීප් හෙළිකරයි
https://www.lankaenews.com/news/13826/si

Yuang_Wang_5-LeN-09.08.2022

(ලංකා ඊ නිව්ස් -2022.අගෝ.09, පෙ.ව.5.00) සමස්ථ ඉන්දියානු කලාපයේම ආරක්ෂාව අනතුරේ හෙලන යුවාන් වැන්ග් 5 නම් චීනයේ ද්විත්ව භාවිත ඔත්තු නෞකාව මීට පැය කිහිපයකට පෙර නැගෙනහිර චීන මුහුදේ සිට ඉන්දියානු සාගර කලාපයට ඇතුළු වූ බව ජාත්‍යන්තර නාවික ගමන් පිළිබඳ සමීක්ෂකයෝ සනාථ කරති. මෙම ඔත්තුකාර චීන නෞකාවට ලංකාවේ හම්බන්තොට වරායට ලබන 11 වැනිදා ඇතුළුවීමට ඉඩ දීම සම්බන්ධයෙන් ලෝක බලවතුන් අතර අර්බුදයක් හටගෙන තිබිය දී මෙතෙක් මුඛය වසා ගෙන සිටි ශ්‍රී ලංකාවේ විදේශ අමාත්‍යාංශය ඊයේ (08) මුඛය විවෘත කිරීමත් සමග බරපතල රහසිගත කුමන්ත්‍රණයක තොරතුරු හෙළිවෙමින් තිබේ.

මෙම ඔත්තුකාර නෞකාවට ලංකාවේ චීනුන්ට අයත් හම්බන්තොට වරායට ඇතුළු වීමට අවසර දීම ඉන්දියාවේ ප්‍රබල විරෝධයට හේතුවනවාත් සමග ශ්‍රී ලංකාවේ විදේශ අමාත්‍යාංශය නමක් ගමක් නැති නිවේදනයක් හෙවත් තුන්වැනි පාර්ශවයේ සටහනක් (Third Person Note) ලෙස අගෝස්තු 05 දාතමින් TPN අංක PR/0694/2022 දරණ ලිපිය මගින් ශ්‍රී ලංකාවේ පිහිටි චීන තානාපති කාර්යාලයෙන් ඉල්ලා සිටියේ "මේ සම්බන්ධයෙන් වැඩිදුර උපදේශන දෙන තුරු යුවාන් වැන්ග් 5 යාත්‍රාව හම්බන්තොටට පැමිණීමේ දිනය කල් දමන" ලෙසයි. ඒ ලිපිය මගින් සහ අද(08) නිකුත් කරන ලද නිවේදනය මගින්ද ලංකාවේ විදේශ අමාත්‍යාංශ හෙළි කර ඇත්තේ මෙම නැවට අගෝස්තු 11 දා හම්බන්තොටට පැමිණීමට ප්‍රථම අවසරය දී ඇත්තේ ජුලි 12 වැනි දා ලෙසය. වාර්තා වන අන්දමට එම අවසරය දී ඇත්තේ ද නමක් ගමක් නැති නිවේදනයක් හෙවත් තුන්වැනි පාර්ශවයේ සටහනක් හෙවත් TPN සටහනක් ලෙස ය.

පලායන ගෝටා කොරහත් බිඳගෙන ගිය හැටි...

මෙම ජුලි 12 වැනිදා යනු කවදා ද? ජුලි 9 දා ජනාධිපති ධූරය හැරදා පළාගොස් සිටියේ ය. රටේ ආරක්ෂාවට බලපාන මෙවැනි බරපතල තීන්දුවක් ගැනීමට ආරක්ෂක මණ්ඩලය හෝ විදෙස් රාජ්‍යතාන්ත්‍රික කටයුතු වලට බලපාන මෙවැනි බරපතල තීන්දුවක් ගැනීමට විදේශ ඇමැතිවරයා සමග කැබිනට් මණ්ඩලය හෝ රැස්වීමට කාලයක්, සිහි කල්පනාවක් තිබුනේ නැත. රටේ ජනාධිපතිවරයා වූ ගෝටාබය පැන යෑමට රටක් නොමැතිව තැන් තැන් වල සැඟවෙමින් සිටි දිනයකි. ඒ වන විට ඔහුට ආරක්ෂාව දීමට ඉන්දියාව ප්‍රතික්ෂේප කර තිබිණ. ජුලි 12 දා යනු ඔහු පුරවැසියෙකු ද ලෙස වසර 15 කට අධික කාලයක් ජීවත් වූ ඇමරිකාවද ඔහුට තම රටට ඇතුළු වීමට වීසා ප්‍රතික්ෂේප කළ දිනය යි. එනම් ගෝටා ඇමරිකාවත් ඉන්දියාවත් සමග දැඩි කෝපයකින් පසුවූ දිනයයි.

ඔහු මේ තත්ත්වය ලංකාවේ චීන තානාපතිවරයා සමග සාකච්ඡා කර චීනයේ උදව් පැතුවේ ය.

ලංකාවේ ආර්ථික අර්බුදය හට ගනිද්දී ඊට ප්‍රධාන හේතුවක් වූ චීනුන්ගේ කුපාඩි ණය උගුල ගැන අවබෝධ වී රටේ ජනතාව ඒ වන විට සිටියේ චීනුන් සමග බද්ධ වෛරයකිනි. චීන ගූ පෝර නැවට ලංකාවට ඇතුළු වීමට පවා නොහැකිව හරවාගෙන යෑමට සිදුවීමෙන් මහා බලවතෙකු යි කියා ගන්නා චීනුන් සිටියේ ද ලෝකයාගේ ලැජ්ජාවට ලක්වෙමිනි.

වහාම තත්ත්වයෙන් ප්‍රයෝජනය ගැනීමට සැලසුම්කළ චීනය යුවාන් වැන්ග් 5 ද්විත්ව ඔත්තුකාර නෞකාවට හම්බන්තොට නැංගූරම් ලෑම සඳහා අවසර ඉල්ලුවේ ය. යන යකා කොරහක් බිඳ‍ගෙන යනවා යන කථාව සනාථ කරමින් ගෝටා විදේශ අමාත්‍යාංශයේ ලේකම්වරයාටවත් නොදන්වා තම හෙංචයියන් ලවා තුන්වැනි පාර්ශවයේ සටහනක් හෙවත් TPN සටහනක් ලෙස ජුලි 12 දා ඔත්තුකාර නෞකාවට අවසර දුන්නේ ය. 12 දා වන විටත් චීනයේ රට තුල පිහිටි ආරක්ෂිත ස්වභාවික වරායක් වූ ජියෑන්ජින් වරායේ නැංගූරම් ලා තිබූ යුවාන් වැන්ග් 5 ඔත්තුකාර නෞකාව පසුදාම එනම් 13 දා උදේ 9.00 ට හම්බන්තොට බලා ඒමට පිටත්විය.

ඉන්පසුව රටින් පලා ගිය ගෝඨා චීන මුහුදු කලාපයේ පිහිටි සිංගප්පූරුව බලා පියෑඹුවේ චීනය ආරක්ෂාව පිළිබඳ සහතිකයක් ඔහුට දුන් නිසා ය.

අතිශය සැක කටයුතු ගමන් සැළසුම සහ කියන බොරු හේතු..

මෙවැනි නෞකාවක මෙම ගමන් සැළසුම ද අතිශය සැක කටයුතු ය. ඔවුන් කියන පරිදි නෞකාව එන්නේ පර්යේෂන සහ සමීක්ෂණ සඳහා නම් ඒවා කල් ඇතුව සැලසුම් කරන අතර ඒ සඳහා අවශ්‍ය අවසරයන් ලබා ගන්නේ ද කල් තබා ය. 13 දා පිටත් වන එවැනි ගමනකට ගමනාන්තය වූ ලංකාවෙන් 12 දා තරම් ආසන්නයේ අවසර ලබා ගැනීමක් සිදුවීමට හැකියාවක් නැත. ඉන් ගම්‍ය වන්නේ එම නෞකාව එන්නේ වෙනත් අරමුණකට බවයි. ඉන්දියාව පුන පුනා ප්‍රශ්න කරන්නේද මේ නෞකාවේ ගමනේ සැබෑ අරමුණ හෙළිකළ යුතු බවයි.

අනෙක් අතට නෞකාව හම්බන්තොටට එන්නේ ඉන්ධන පුරවා ගැනීමට යයි ලංකාවේ ආණ්ඩුව කියන කතාව කොණ්ඩය බැඳපු චීනෙකුටවත් විශ්වාස කළ නොහැකි ය. උග්‍ර ඉන්ධන හිඟයකින් පෙළෙන රටකට යුවාන් වැන්ග් 5 වැනි යුදමය ඔත්තුකාර නෞකාවක් ඉන්ධන පුරවා ගැනීමට එන්නේ නම් ඒ එන චීනුන්ට පිස්සු විය යුතුය. අනෙක ලංකාවේ තිබෙන ඉන්ධන සොච්චමද ඇත්තේ ඉන්දියානු ඉන්ධනය.

යුවාන් වැන්ග් 5 නම් චීන ඔත්තුකාර නෞකාව ලංකාවට එන්නේ අන් කිසිවකට නොව ලංකාව පත්ව ඇති තත්ත්වය දඩමීමා කරගෙන ඉන්දියානු කලාපයට චීන බලය ප්‍රදර්ශනය කිරීමට ය. කෙටියෙන් කියනවානම් එන්නේ ඉන්දියාවට කෙළවීමට ය.

යුවාන් වැන්ග් 5 ද්විත්ව ඔත්තුකාර නෞකාව මොන ජාතියේ බඩුවක්ද?

* යුවාන් වැන්ග් 5 යනු අභ්‍යවකාශ සහ චන්ද්‍රිකා ලුහුබැඳීමටත් (tracking), අන්තර් මහාද්වීපික බැලස්ටික් මිසයිල දියත් කිරීමටත් නිශ්චිත හැකියාවක් සහ භාවිතයක් ඇති ඔත්තුකාර නෞකාවකි. ද්විත්ව භාවිත ඔත්තුකාර නෞකාවක් යයි කියන්නේ ඒ හැකියාවන් දෙක එකට ක්‍රියාත්මක කළ හැකි නිසාය. පර්යේෂණ සහ සමීක්ෂණ කතාව ලෝකයාට පෙන්වන කතාව ය.

* මෙම යාත්‍රාව චීන මහජන විමුක්ති හමුදාවේ (PLA) ඇති උපායමාර්ගික ආධාරක බලකාය (Strategic Support Force -SSF) නම් ඒකකය යටතේ පාලනය වේ. SSF යනු චීන යුද හමුදාව අභ්‍යවකාශය, සයිබර් සහ ඉලෙක්ට්‍රොනික යුද්ධ කෙරෙහි අවධානය යොමු කරන ඒකකයි.

* මේ නෞකාව 2007 සැප්තැම්බර් 29 දින චීනයේ Jiangnan නැව් තටාකයේ ඉදිකරන ලද සහ චීනයේ 708 පර්යේෂණ ආයතනය විසින් නිර්මාණය කරන ලද යුවාන් වැන්ග් ශ්‍රේණියේ තුන්වන පරම්පරාවේ ලුහුබැඳීමේ (tracking) නෞකාවකි.

* මේ නෞකාව චීන මිසයිල සහ රොකට් දියත් කිරීමටත් ඒවා ලුහුබැඳීමටත් සහාය වීම සඳහා ඉහළ පෙළේ ඇන්ටනා සහ ඉලෙක්ට්‍රොනික උපකරණ සහිත අති නවීන මිසයිල වලින්ද සමන්විත නෞකාවකි.

* පැසිෆික්, අත්ලාන්තික් සහ ඉන්දියානු සාගර පුරා ක්‍රියාත්මක විය හැකි මෙවැනි ලුහුබැඳීමේ නෞකා හතක් පමණ චීනය සතුව ඇත. මෙවැනි නෞකා බීජිං හි පිහිටා ඇති ගොඩබිම් ලුහුබැඳීමේ මධ්‍යස්ථාන සඳහා ඔත්තු සපයයි.

* දිගින් මීටර් 222 ක් සහ පළල මීටර් 25.2 ක් වන මෙම යාත්‍රාවේ අවසන් නිරීක්ෂණ මෙහෙයුම වූයේ චීනයේ ‘Long March 5B’ රොකට්ටුව දියත් කිරීමයි. චීනයේ Tiangong අභ්‍යවකාශ මධ්‍යස්ථානයේ ප්‍රථම විද්‍යාගාර මොඩියුලය දියත් කිරීමේ සමුද්‍ර නිරීක්ෂණ කටයුතු සඳහා ද එය මෑතකදී සම්බන්ධ විය.

යුවාන් වැන්ග් 5 චීන ඔත්තුකාර නෞකාව ලංකාවට එනවාට ඉන්දියාව මෙතරම් විරුද්ධ ඇයි..?

* ඉන්දියානු භූමිය තුළට ගැඹුරින් බැලීමට සහ සවන් දීමට හැකියාව ඇති අති නවීන උපකරණ වලින් යුවාන් වැන්ග් 5 සන්නද්ධය. එය යුදමය නෞකාවකි.

* ඉන්දියාවේ නැගෙනහිර වෙරළ තීරයේ පිහිටි ඉන්දීය නාවික හමුදා කඳවුරු සහ චන්දිපූර් හි පිහිටා ඇති ඉන්දීය අභ්‍යවකාශ පර්යේෂණ සංවිධානයේ දියත් කිරීමේ මධ්‍යස්ථාන (Indian Space Research Organisation launch stations) යුවාන් වැන්ග් 5 වැනි යාත්‍රාවක් ඉදිරියේ අවදානමට ලක්විය හැකි බව ඉන්දියානු තක්සේරුවයි.

* යුවාන් වැන්ග් 5 නෞකාවේ ගුවන් ප්‍රවේශය කිලෝමීටර 750 කට වඩා වැඩිය. එයින් වක්‍රව අදහස් වන්නේ කල්පක්කම්, කූඩන්කුලම් සහ ඉන්දියානු දේශසීමා තුළ ඇති පරමාණුක පර්යේෂණ මධ්‍යස්ථාන අනතුරට ලක්වන බවයි.

* යුවාන් වැන්ග් 5 නෞකාවට කේරළ, තමිල්නාඩු සහ ආන්ද්‍ර ප්‍රදේශ් යන වරායන් නිරීක්ෂණය කළ හැකිය. දකුණු ඉන්දීය වරායන් 6 ක් පමණ චීනයේ ඔත්තු බැලීමට ලක් වන අතර, දකුණු ඉන්දියාව ආශ්‍රිතව ඇති ඉන්දියානු අත්‍යවශ්‍ය ස්ථාපනයන් පිළිබඳ තොරතුරු සියල්ල මෙම නෞකාවට ලබා ගත හැකිය.

* 2014 වර්ෂයේ දී ද චීන න්‍යෂ්ඨික සබ්මැරීනයක් ඉන්දියාවට නොදන්වා මහින්ද රාජපක්ෂ ආණ්ඩුව කොළඹ වරායට පැමිණීමට ඉඩ දුන්නේ ය. ඉන් ඉන්දියාව බරපතල අනතුරකට ලක්විය.

මේ සියළු හේතු මත ඉන්දියාව මෙම යුවාන් වැන්ග් 5 චීන ඔත්තුකාර නෞකාව ලංකාවේ හම්බන්තොට වරායට පැමිණ සතියක් පමණ නැංගූරම් ලා සිටිනවාට විරුද්ධය. එය අතිශය සාධාරණය.

ලංකාව බංකොලොත් වෙද්දී දී චීනුන් අහක බලා ගත්තේ ය. උදව්වට ආවේ ඉන්දියාව ය. ඉන්දියාව මේ වසර තුල පමණක් ඩොලර් බිලියන 3-4 ත් අතර වටිනාකමක් ඇති විශාල සහනාධාර ප්‍රමාණයක් ලංකාවට ලබා දී තිබේ. එය නැතිනම් ලංකාව දැනටමත් හොම්බෙන් ගොස් හමාරය. ඉන්දියාව අත නොදුන්නා නම් ජනතාවගෙන් අඩක් මේ වන විට ඉන්නේ එක්සත් ජාතීන්ගේ ආධාර වලින් යැපෙන සාගත කඳවුරුවල ය.

දැනටමත් අයිඑම්එෆ් ණය සහනය ලංකාවට නොලැබී ඇත්තේ අන් කිසිවක් නිසා නොව චීනය ලංකාවට දී ඇති ණය ප්‍රතිව්‍යුහගත කරනවාට මාරාන්තික ලෙස විරුද්ධ බැවිණි. ඒ පිළිබඳ විග්‍රහයක් ලංකා ඊ නිව්ස් හි ආනුභාවනන්ද විසින් වෙනම ලිපියකින් හෙළිකර තිබිණ. (කියවන්න -චීනය ණය ප්‍රතිව්‍යූහගත කිරීමට බය රාජපක්ෂලාට අතයට දුන් රු.කෝටි ගණන් අල්ලස් හෙළිවන නිසා..!)

අලි සබ්‍රි හොරෙන්ම චීන විදේශ ඇමැතිව කාම්බෝජයේදී හමුවෙලා ගම කාලා..

මෙවැනි පසුබිමක් තිබිය දී ත් ලංකාවේ රනිල් රාජපක්ෂ ආණ්ඩුව ඉන්දියාවට සඟවා චීනය සමග අත යට ගේමක් ගසා තිබේ. එය හෙළිදරව්වන්නේ ශ්‍රී ලංකාවේ විදේශ අමාත්‍යාංශය ඊයේ (08) සවස ඉඳලා ඉඳලා මුඛය අරමින් නිකුත් කළ නිවේදනය මගිනි. ඉන් කියැවෙන්නේ මේ අර්බුදය පැන නැගුනාටත් පසුව පසුගිය අගෝ. 4 වැනිදා ලංකාවේ විදේශ ඇමැති අලි සබ්‍රි සහ චීන විදේශ ඇමැති 'වැන්ග් යී' කාම්බෝජයේ ෆොන් පෙං නුවරදී හමුවී ඇති බවයි. ඉන් පසුව දෙවන හමුවීමක් ද සිදුව ඇති නමුත් ඒ ගැන තොරතුරු එම නිවේදනව වසන් කරයි. ඉන්දියානුවන්ගේ අනතුර ගැන කිසිවක් නොකියන ලංකාවේ විදේශ අමාත්‍යාංශය ඒ වෙනුවට කියන්නේ චීනුන්ගේ අවශ්‍යතාවයක් වූ 'එකම චීනයක්' වෙනුවෙන් ලංකාව කැප වන බව අලි සබ්‍රි චීන විදේශ ඇමැතිට සහතික වු බව පමණි. 'එකම චීනයක්' ගැන කතා කිරීමට චීනය තුල බෙදුම්වාදයක් නැත. චීනය 'එකම චීනයක්' කියා කියන්නේ තායිවානය චීනයට අයිති යැයි ලෝකයාට තහවුරු කිරීමේ ව්‍යාපෘතියට ය. තායිවානය චීනයට අයිති යැයි කියන්නේ චීන්නු පමණි. තායිවානයේ ස්වාධීනත්වය ගැන අන් සමස්ථ ලෝකයම පෙනී සිටී. එනම් අලි සබ්‍රි චීන විදේශ ඇමැති හමුවී 'එකම චීනයකට' සහතික වී ඇත්තේ ලංකාව ලෝකයාගෙන් කොන් වී තවත් අමාරුවේ වැටෙන ක්‍රියාවකට ය.

කෙසේ වෙතත් අලි සබ්‍රිගේ හමුවීමෙන් පසු පණ ගසා ඇති කොළඹ චීන තානාපති කාර්යාලය ලංකාවේ සිටින තම සුරතලුන් යොදවා චීන ඔත්තු නැවට ලංකාවට පැමිණීමට ඉඩ දිය යුතුය යන කැම්පේන් එක ජයටම කරමින් සිටී. ඒ අනුව චීන යුවාන් වලින් ජීවත් වන ජනතා විමුක්ති පෙරමුණ, විමල් වීරවංශ, තවත් වෘත්තීය සමිති කිහිපයක්, බෞද්ධ සංවිධාන කිහිපයක් සේම චීනුන්ගේ සල්ලි වලින් යැපෙන ජඩමාධ්‍ය කාරයන් ද දැන් චීන ඔත්තුකාර නෞකාව හම්බන්තොටට පාවාඩ එලා කැන්දා ගැනීමේ කැම්පේන් එක කරගෙන යති.

'අබ සරණයි'

2014 දී ඉන්දියාවට නොදන්වා චීන න්‍යෂ්ඨික සබ්මැරීනයට කොළඹ වරායට එන්න දුන් මහින්ද රාජපක්ෂ 2014 අවසානයේ දී ගෙදර ගියේ ය. 2017 දී හම්බන්තොට වරාය චීනුන්ට ලියා දුන් රනිල් නන්නත්තාර වී ගෙදර ගියේ ය. දැඩි ඉන්දියානු විරෝධයක් මධ්‍යයේ යුවාන් වැන්ග් 5 චීන ඔත්තුකාර නෞකාව ගෙන්වා ගන්නා අයට ද 'අබ සරණ' වෙන බව නම් සහතික ය. ඒ මන්ද යත් දේවානම් පියතිස්සගේ සිට අද දක්වාම ලංකාවේ රාජ්‍ය පාලනය සිදුව ඇත්තේ ඉන්දියානු උප මහාද්වීපයේ කැමැත්ත අකමැත්ත අනුව නිසා ය. එය කිසිවෙකුට වෙනස් කළ නොහැකිය. එසේ වෙනස් කරනවා නම් ශ්‍රී ලංකාව නම් දූපත මුහුදේ ඉන්දියාවට ඈත වෙනත් ස්ථානයකට ඇදගෙන යා යුතුය.

-චන්ද්‍රප්‍රදීප්
ලියුම්කරුගේ ලිපි එකතුව
https://www.lankaenews.com/category/54

---------------------------
by (2022-08-09 15:03:30)

ආන්දෝලනාත්මක චීන නැවට හම්බන්තොට පැමිණීමට යළි අවසර; ඉන්දියාවෙන් ඔත්තුබලන්න ගුවන් යානයක්
August 15, 2022 0in ප්‍රමුඛ පුවත්

https://lankatruth.com/si/?p=138116

BBC-China-war-Ship-2022.08.15-LT-01

ආන්දෝලනාත්මක චීන නැවට හම්බන්තොට පැමිණීමට යළි අවසර; ඉන්දියාවෙන් ඔත්තුබලන්න ගුවන් යානයක්
භූ දේශපාලනික අර්බුදයක් දක්වා වර්ධනය වූ ආන්දෝලනාත්මක චීන පර්යේෂණ නෞකාවක් වන යුවාන් වැන්ග් 5 නෞකාවට හම්බන්තොට වරායට පැමිණීමට ශ්‍රී ලංකා රජය අද (අගෝස්තු 13) අවසර ලබා දී තිබේ.

විදේශ කටයුතු අමාත්‍යංශය සඳහන් කළේ, සියලු කරුණු පිළිබඳ සැලකිල්ල යොමු කිරීමෙන් පසු නෞකාවට මෙරටට පැමිණීම සඳහා වන අවසරය කොළඹ චීන තානාපති කාර්යාලයට අද(13) දැනුම් දුන් බවයි.

යුවාන් වැන්ග් 5 මුලින් අගෝස්තු 11 දා හම්බන්තොට වරායට පැමිණීමට නියමිතව තිබූ අතර, ඉන්දියාවේ විරෝධය මත සංචාරය දින නියමයක් නොමැතිව කල් දැමුණි.

නෞකාවේ හම්බන්තොට සංචාරය ප්‍රමාද කරන ලෙස විදේශ කටයුතු අමාත්‍යංශය කොළඹ චීන තානාපති කාර්යාලයට මීට පෙර දැනුම් දී තිබුණි.

විදේශ කටයුතු අමාත්‍යංශය සඳහන් කළේ අනතුරුව මෙම ප්‍රශ්නය විසඳා ගැනීම සඳහා රාජ්‍ය තාන්ත්‍රික මට්ටමින් ඉහළ මට්ටමේ උපදේශන පැවති බවයි.

“රාජ්‍යයයන්ගේ ස්වෛරී සමානාත්මතාවයේ මූලධර්මයට අනුකූලව, අදාළ සියලු පාර්ශ්වයන්ගේ අභිලාශයන් සැලකිල්ලට ගනිමින්, අන්‍යෝන්‍ය විශ්වාසය සහ සංවාදය තුළින් මෙය විසඳා ගැනීම සඳහා එම සාකච්ඡා පැවැත්වු” බව විදේශ කටයුතු අමාත්‍යංශය නිවේදනය කළේය.

එහි දැක්වෙන්නේ සියලු රටවල් සමඟ සහයෝගීතාවය සහ මිත්‍රත්වය පිළිබඳ ශ්‍රී ලංකාවේ ප්‍රතිපත්තිය නැවත අවධාරණය කිරීමට අමාත්‍යාංශය අපේක්ෂා කරන බවයි.

“අසල්වැසි රටවල ආරක්ෂාව සහ සහයෝගීතාවය අතිශයින්ම ප්‍රමුඛ” වන බවද විදේශ කටයුතු අමාත්‍යංශය අවධාරණය කළේය.

මේ අතර හාබර් මාස්ටර් නිර්මාල් පී සිල්වා කියා සිටියේ මෙම නෞකාව අගෝස්තු 16 සිට 22 දක්වා හම්බන්තොටට පැමිණීමට විදේශ අමාත්‍යාංශයේ අවසරය ලැබී ඇති බවයි.

“රාජ්‍ය තාන්ත්‍රික අවසරය අද ලැබුණා. වරායේ සැපයුම් සහතික කිරීම සඳහා අපි යාත්‍රාව විසින් පත් කරන ලද දේශීය නියෝජිතයා සමඟ කටයුතු කරනවා,” නිර්මාල් පී සිල්වා පැවසීය.

යුවාන් වැන්ග් 5 පර්යේෂණ සහ සමීක්ෂණ යාත්‍රාවක් ලෙස හැදින්වෙන, නමුත් ඉන්දියානු මාධ්‍ය එය හඳුන්වනු ලබන්නේ ඔත්තු බැලීමේ නෞකාවක් ලෙසටය.

යුවාන් වැන්ග් 5 අභ්‍යවකාශය සහ චන්ද්‍රිකා ලුහුබැඳීම සඳහා යොදා ගත හැකි අතර, අන්තර් මහද්වීපික බැලස්ටික් මිසයිල දියත් කිරීම් සඳහා ද විශේෂිත නෞකාවක් ලෙස සැලකෙයි.

භූ දේශපාලනික අර්බුදය මැද ඉන්දියාවෙන් ශ්‍රී ලංකාවට ඩෝනියර් ගුවන් යානයක්
උණුසුම්වන භූ දේශපාලනික වාතාවරණය මධ්‍යයේ ඉන්දියාවේ නිෂ්පාදිත ඩෝනියර් 228 වර්ගයේ සමුද්‍රිය නිරීක්ෂණ ගුවන් යානාවක් ශ්‍රී ලංකා ගුවන් හමුදාවට නොමිලයේ ලබාදීමට ඉන්දියාව පියවර ගෙන තිබේ.

ඉන්දීය නිදහස් දිනය යෙදෙන අගෝස්තු 15 වැනිදා මෙම ගුවන් යානය ශ්‍රී ලංකාව වෙත නිල වශයෙන් භාරදීමට නියමිතය.

ඒ ජනාධිපති රනිල් වික්‍රමසිංහ සහ ඉන්දීය මහ කොමසාරිස් මහකොමසාරිස් ගෝපාල් බාග්ලේගේ ප්‍රධානත්වයෙනි.

BBC-China-war-Ship-2022.08.15-LT-02

ඩෝනියර් ගුවන් යානය

ඉන්දියාවේ දී මාස 04ක විශේෂ පුහුණුව ලැබූ ශ්‍රී ලංකා ගුවන් හමුදාවේ ගුවන් නියමුවන්, නිරීක්ෂකයින්, ඉංජිනේරුවන් සහ තාක්ෂණ ශිල්පීන් ගෙන් සැදුම්ලත් 15 ක පමණ කණ්ඩායමක් විසින් ඉන්දීය රජයේ තාක්ෂණික කණ්ඩායමේ අධීක්ෂණය යටතේ ඩෝනියර් 228 ගුවන් යානාව , පියාසර කිරීම සහ නඩත්තු කටයුතු සිදුකරනු ඇතැයි ශ්‍රී ලංකා ගුවන් හමුදාව සඳහන් කළේය.

ගුවන් හමුදාව පැවසුවේ ශ්‍රී ලංකා ගුවන් සීමාව හා අනන්‍ය මුහුදු කලාපය තුළ ඩෝනියර් ගුවන් යානා ඵලදායි ලෙස යොදා ගනිමින් සමුද්‍ර හා වෙරළ නිරීක්ෂණ මෙහෙයුම්, සමුද්‍රීය දූෂණය නිරීක්ෂණය සහ පාලනය කිරීමේ කටයුතු පුළුල් කරමින් ශ්‍රී ලංකා ගුවන් හමුදාවේ දැක්ම වන ගුවන් බලය ඵලදායි ලෙස යෙදවීම තුළින් ජාතික ආරක්ෂාව සහතික කිරීමට කටයුතු කරනු ඇති බවයි.

ඉන්දියාව සහ ශ්‍රී ලංකාව අතර 2018 ජනවාරි මස 9 වැනි දින නවදිල්ලියේ පැවැති දෙරටේ ආරක්ෂාව පිළිබඳ සාකච්ඡාවක් අතරතුර දී ශ්‍රී ලංකාවේ සමුද්‍ර නිරීක්ෂණ හැකියාවන් වැඩි දියුණු කිරීම සඳහා ඉන්දියාවෙන් ඩෝනියර් වර්ගය සමුද්‍රීය නිරීක්ෂණ ගුවන් යානා දෙකක් ලබා ගැනීමේ හැකියාව පිළිබඳව අවධානය යොමු කර තිබේ.

ශ්‍රී ලංකාවේ එම ඉල්ලීමට ප්‍රතිචාර දක්වමින් ඉන්දියානු රජය විසින් ඉන්දියානු නාවික හමුදාවට අයත් ඩෝනියර් 228 සමුද්‍රීය නිරීක්ෂණ ගුවන් යානයක් ආරම්භක වසර දෙක සඳහා නොමිලේ ලබා දීමට එකඟ වී ඇත. ඒ, නව ගුවන් යානයක් නිෂ්පාදනය කිරීම සඳහා වසර දෙකක පමණ කාලයක් අවශ්‍ය වන බැවිනි.

ප්‍රථම දෙවන වසර අවසානයේදී නව ඩෝනියර් 228 සමුද්‍රීය මුර සංචාරක ගුවන් යානාවක් නොමිලේ ලබාදීමට ඉන්දීය රජය කැමැත්ත ප්‍රකාශ කර ඇති අතර ශ්‍රී ලංකා රජය විසින් අන්‍යෝන්‍ය වශයෙන් එකඟ වූ නියමයන් සහ කොන්දේසි මත තවත් ගුවන් යානයක් ලබාදීමට නියමිතව ඇතැයි ගුවන් හමුදාව සඳහන් කළේය.

ඩෝනියර් – 228 යනු කෙටි ගුවන් ධාවන පථයක් මත ගුවන්ගත කිරීම සහ ගොඩබ බෑම සඳහා වූ විශේෂිත වූ හැකියාවකින් යුත් ටර්බෝප්‍රෝප් (Turboprop) වර්ගයේ ද්විත්ව එන්ජින් (Twinengine) සහිත බහුකාර්ය සැහැල්ලු ප්‍රවාහන ගුවන් යානයක් (Multirole Light Transport Aircraft) වන අතර එය 1981 සිට ජර්මනිය තුළ නිෂ්පාදන කටයුතු සිදු කරන ලදී. ජර්මනියේ ඩෝනියර් GmbH සමාගම විසින් 1981-1998 කාල සීමාව තුල මෙම ගුවන් යානය 245 ක් පමණ නිපදවා ඇති අතර පසුව හින්දුස්ථාන් ගුවන්යානා සමාගම (Hindusthan Aeronautics Limited) 1993 සිට ඩෝනියර් GmbH බලපත්‍ර යටතේ මෙම ගුවන් යානා නිෂ්පාදනය කරනු ලබයි.

බීබීෂී සිංහල

!! ප්‍රජාතන්ත්‍රවාදී ලෝක සාමය විනාශ කර දැමීම සඳහා ශ්‍රී ලංකාව හරහා 3 වැනි ලෝක යුද්ධය ඇති කිරීමට උත්සාහ කරන ඒ සියලුම දුෂ්ට ලෝක අපරාධකරුවන්ගෙන් "ශ්‍රී ලංකාවේ ලෝක සාම භූමිය" කෙසේ හෝ ආරක්‍ෂා කර ගනිමු. !!

!! Let's somehow protect the "World Peace Land of Sri Lanka" from all those evil world criminals who are trying to create World War 3 through Sri Lanka to destroy the democratic world peace. !!

!! Protégeons d'une manière ou d'une autre la "Terre de paix mondiale du Sri Lanka" de tous ces méchants criminels du monde qui tentent de créer la troisième guerre mondiale à travers le Sri Lanka pour détruire la paix mondiale démocratique. !!