,
හිතා මතාම ආසාදිතයෙකු නොවන්න; කොරෝනා වෛරස් 'පාටියක් නොදැමීමට' හේතු 7 ක් මෙන්න..!
වසංගත රෝග සහ ජෛව සංඛ්‍යානය පිළිබඳ මහාචාර්ය ග්‍රේටා බයර්ගේ අතිශය වැදගත් අනතුරු ඇඟවීම
https://www.lankaenews.com/news/10591/si
Prof-Greta-Bauer-LeN-14.04.2020
(ලංකා ඊ නිව්ස් -2020.අප්‍රේල්.14, පෙ.ව.10.30) කොරෝනා වෛරසය පැතිර යන අතරතුර, ග්‍රේටා බයර් වැනි වසංගත රෝග පිළිබඳ වියතුන් ඉතා වැදගත් ප්‍රශ්න ඉදිරිපත් කිරීමට යොමු වී තිබේ. වෛරසය ආසාදිත ව පණ බේරා ගත්තවුන් එයින් මුළුමනින් ම සුවපත් වූවන් ලෙස සැළකිය හැකි ද? යන්න එවන් එක් වැදගත් ප්‍රශ්නයකි.
ඔවුනොවුන්ගෙන් ඈත්ව සිටීම නොතකා කටයුතු කරන හෝ රෝගී වූවන් නිරෝගී තැනැත්තන්ට නිරාවරණය වන සේ, 'පැපොළ සාද' පැවැත්වීමෙන් (පැපොළ රෝගයට හේතුවන වෛරෙල්ලා සොස්ටර් වෛරසය මර්දනයට එන්නතක් සොයා ගැනීමට පෙර, හිතාමතා ම නිරෝගී දරුවන්, ආසාදිත ව සිට සුවපත් වූ දරුවන් සමග එකතු කර රෝගය වැළඳීමට සැළැස්වීම හරහා නිරෝගී දරුවන් තුළ රෝගයට ඔරොත්තු දීමේ හැකියාව ඇතිකර විය හැකි ය යන මිත්‍යා විශ්වාසයෙන් දෙමාපියන් සංවිධානය කෙරුණ සාද විශේෂයකි.) කොරෝනා වෛරසය ආසාදනය නොවූවන් ද ආසාදනය වී සුවපත් වූවන් හා එක් ව එකිනෙකා ගැටෙන්නට සැළැස්වෙන සේ සාද පැවැත්වීමට යොමුවීමක් පිළිබඳ හා හෝවක් මට ඇසී තිබේ.
සමහරෙකුට, එය කෝවිඩ්-19 වෛරසයෙන් බරපතළ උවදුරකට ලක් නොවූ වයස් කාණ්ඩය වන තරුණ ප්‍රජාවට රෝගය වැළඳීමට සළස්වා එමගින් මහජනතාව අතර ප්‍රතිශක්තිය ඉහළ නැංවීමේ අදහස පෙරදැරි කරගත් 'සාමූහික ප්‍රතිශක්තිකරණ උපක්‍රමයකි.' නිවෙස්වල ම රැඳෙමින් තැති ගැන්මෙන් බලා සිටින අතර ම, ප්‍රතිශක්තිය වර්ධනය කිරීමෙහි ලා යමක් කරන අතර ම, ආපසු රැකියාවන්ට යොමු වී, තම ප්‍රජාවන්ටත් කිසියම් මෙහෙයක් ඉටුකර ලීමට අවස්ථාවක් සළසා ගන්නා අතරතුර, තම සමීපතමයන් ද ආරක්ෂා කර ගැනෙන වැඩ පිළිවෙළක් ලෙසත් මෙවැන්නක් විශ්වාස කරන්නවුන් ද නැත්තේ නොවේ.
මෙම ලෝක ව්‍යාප්ත අර්බුදයට ප්‍රතිචාර දැක්වීම් වශයෙන් තැතිගැන්ම, බිය සහ විසඳුමක් සෙවීම සාමාන්‍ය දෙයක් වන අතර ම, හිතාමතා ම කොරෝනා රෝගියෙකු වීමේ වියරු අදහස ඇතිකර ගැන්ම සැබවින් ම බියකරු දෙයක් ය යන්න වටහා ගැනීමට තුඩුදෙන හේතූන් 7 ක් මේ වනවිට පෙනෙන්නට තිබේ.
ඒ හැමෙකක් ම තවමත් අප නොදන්නා දේ ගැන ය.
1. ප්‍රතිශක්තිය නොවෙනස් ව තිබෙන දෙයක් නොවේ.
මෙම රෝගය වැළඳී සුවපත් වූවන් තුළ දිගුකාලීන ප්‍රතිශක්තියක් ඇති වන්නේ ද යන්න කිසිවෙකුත් තවම සත්‍ය වශයෙන් තහවුරු කරගෙන නැත. සාමූහික ප්‍රතිශක්ති කරණ වැඩ සටහනක් මුළුමනින් ම සැළසුම් කෙරෙන්නේ එවන් තිරසාර ප්‍රතිශක්තියක් මත වන අතර, එවැන්නක් ඇතිදැයි තවමත් අප නිශ්චිත සොයාගෙන නැත. එසේ වේවා යි ඉත සිතින් ප්‍රාර්ථනා කරන අතර, කීමට තිබෙන්නේ සෑහෙන කලක් සුවපත් වූවන් පිළිබඳ ව කෙරෙන අධ්‍යයනයන්ගෙන් තොර ව එය දැනගත නොහැකි වනු ඇති බව ය.
2. නැවත රෝගය වැළඳීම වියහැකි දෙයකි.
රෝගයෙන් සුවපත් වී යයි සැළකෙනවුන් පරීක්ෂා කිරීමේ දී නැවත ආසාදිත ව සිටි බව හෙළි වූ අවස්ථාවන් වාර්තා වී තිබේ. එය කෙටිකාලීන ප්‍රතිශක්තියක් වත් ඇතිවන්නේ ද යන්න සැක කිරීමට හේතුවක් වී තිබේ. නැවත ආසාදනය වීම පිළිබඳ ව අසන්නට ලැබෙන මේ තොරතුරු රෝගය සමනය වීමක්, නැවත නරක අතට හැරීමක් මෙන් ම, වැරදි පරීක්ෂණ වාර්තා නිසා සිදුවන්නක් ද විය හැකි ය. කෙසේ වුව ද, මෙම රෝගීන් තුළ සිදුවන්නේ සහ දැක ගැන්මට ලැබෙන්නේ කුමක්දැයි හඳුනා ගැනීමට පර්යේෂකයන්ට තව කාලය අවශ්‍ය ය.
සුවපත්වීමෙන් නොබෝ දිනකට පසු නැවත ආසාදනය වීම විය නොහැක්කක් යයි තීරණය කෙරුණ ද, තවදුරටත් අප දැන සිටිය යුත්තේ 'ප්‍රතිශක්තිය සෘතු අනුව වෙනස් වන්නක්' නිසා, වෛරසය ද නැවත නැවතත් ආසාදනය විය හැකි බව ය. නැවත ආසාදනය වීම නිශ්චිත ව විය හැකි වූවක් වේ නම්, රෝගය නැවත ඇතිවන්නේ එතරම් දරුණු නොවන ආකාරයට ද, එසේ නැතහොත්, ඉතාමත් දරුණු ලෙසට ද යන්න දැන ගැන්ම අවශ්‍ය ම ය. කලින් වැළඳුණ අවස්ථාවෙහි ඇති වූ ප්‍රතිදේහයන් සාමාන්‍යයෙන් අවදානම අව ම කරනු ඇති නමුත්, ඩෙංගු වෛරසය වැනි ඇතැම් වෛරස වර්ග නැවත ඇති වීමේ දී දුස්සාධ්‍ය හෝ සමහර විට මරණීය විය හැකි බව පෙන්වා දී තිබේ.
3. සුව වූ පසුත් කෙනෙකු තුළ වෛරසය පැවතිය හැකි ය.
සුවපත් වූ රෝගීන් කෙරෙන් වෛරසය මුළුමනින් ම තුරන් වන්නේදැ යි අපි තවමත් නොදනිමු. බොහෝ වෛරසයන් මිනිස් සිරුරෙහි ම සකසා ගැනෙන රහසිගත කඳවුරුවලට වී නිහඬව සැඟව සිට, ජීවිතයේ පසු කලෙක මතු වී ඒ තැනැත්තා රෝගී කරවනු අපට දැකිය හැක. නිදසුනක් ලෙස පැපොළ වෛරසය (වෛරෙල්ලා සොස්ටර්) හර්පීස් වශයෙන් නැවත මතුවන අතර, කහ උණ වැළඳීමට හේතුවන 'හෙපටයිටිස් බී' වෛරසය වසර ගණනාවක් පසු වී අක්මාවේ පිළිකා සාදවයි. අප දැනට දන්නේ, හොඳින් ම සුවපත් වූ සමහර කොරෝනා රෝගීන්ගේ අසුචි සමග මෙන්ම ලේ වලත් වෛරසය හඳුනා ගත හැකි ව තිබෙන බව පමණි. කොරෝනා වෛරසය සිරුරෙහි රැඳී සිටින්නේ ද, එසේ නොවන්නේ නම් මේවා ඒවායින් ඉතිරි වූ වැදගැන්මකට නැති කුඩා කොටස්දැයි තවමත් අපි නොදනිමු.
4. තරුණයන් වුව ද රෝහල්ගත කරවීමට සිදුවෙයි.
රෝහල් තුළ කෝවිඩ්-19 රෝගීන් සඳහා ඇඳන් සහ අනෙකුත් උපකරණ මේ දිනවල අවශ්‍ය වන්නේ ක්ෂණිකව ය. ලා බාළ නිසා, වෛරසය වැළඳුණ ද දරුවන් රෝහල් ගතකර වීම අවශ්‍ය නොවන්නේ යයි කිසිවෙකුත් තමන් ව රවටා නොගත යුතු ය. ඇමරිකා එක්සත් ජනපදයෙහි වසංගත පාලනය සහ වැළැක්වීමේ මධ්‍යස්ථානය ඇස්තමේන්තු ගත කරන ආකාරයට රෝහල් ගත කරවීමට සිදු වූ සෑම ආසාදිතයන් පස් දෙනෙකුගෙන් ම එක් අයෙකු අවුරුදු 20 - 44 අතර වයසේ පසු වූවෙකි. රෝහල් ගත වීම වළක්වා ගත හැකි වූවන් රෝගය වැළඳීම වළක්වා ගත නොහැකි වූවන් සතු බොහෝ වටිනා දේ පැහැර ගනියි.
5. රෝගයෙන් සුවපත් වූවන් දිගුකාලීන ආපදාවන්ට ලක්විය හැකි ය.
රෝගය පැතිරුණ මුල් කාලීන තොරතුරුවල අවධානය විශේෂයෙන් යොමු වී තිබුණේ, වෛරසයේ මරණීය අවදානම කෙරෙහි ය. එනිසා, කෝවිඩ්-19 වෛරසයේ අනෙකුත් බලපෑම් පිළිබඳ තවමත් අපි කිසිත් නොදනිමු. හොඳින් ම දැනෙන එක් කරුණක් වන්නේ, කලින් ඉතා හොඳ සෞඛ්‍ය තත්වයෙන් පසුවුණ වුන්, දිගුකාලීන ව ආබාධිත වූ පෙනහළු සහ හෘද රෝග සහිත ව නිවෙසට පැමිණි බව පමණි.
6. සාමාන්‍ය දෙයක් සාමාන්‍ය ලෙස ම නොපවතිනු ඇත.
සැළකිල්ලට භාජනය වූ බොහෝ රෝගීන් වෙහෙසකර කැස්ස, කල්පනාව අවුල්වීම, හුස්ම ගැනීමේ අපහසුතාව ආදියෙන් පෙළුණ ද, හඳුනා ගැනුණ රෝගීන්ගෙන් 80% ක් 85%ක් පමණ දෙනා, අප සිතන පරිදි සාමාන්‍ය තත්වයෙන් සිටියේ යයි සැළකුණ ද, එසේ නොවූ බව සහතික ය. කෝවිඩ්-19 පිළිබඳ පරීක්ෂණ කරන්නන් සහ සෞඛ්‍ය සේවා වෘත්තිකයන් 'සාමාන්‍ය' යන්න යොදා ගන්නේ රෝහල් ගත කිරීම අවශ්‍ය ම නැත, යන අදහසිනි. සාමාන්‍ය තත්වය සාමාන්‍ය ලෙස ම තිබෙනු ඇති අතර ම, එහි නිව්මෝනියාව ද ඇතුළත් ව තිබිය හැකි අතර ම, එය කුරිරු මෙන් ම බිය ජනක ද විය හැකි ය.
7. ප්‍රතිශක්තිය ඇතිකර ගැනීමට කෙටි මං නැත.
සාමුහික ප්‍රතිශක්තිය ලබාදීමේ දී ජනගහණයකින් සෑහෙන ප්‍රමාණයකට ප්‍රතිශක්තිය ලැබීම සිදුවිය යුතු ය (විවිධ ආසාදනයන් අනුව ප්‍රතිශතය වෙනස් වෙයි). එහෙත්, එය ලබා දිය හැක්කේ ඉතා සෙමෙන් මෙන් ම, ආදර්ශවත් ලෙස වැක්සීන මගිනි. වෛරසය හිතුමතේ පැතිරෙමින් බොහෝ දෙනෙකු රෝගී වන මේ අවස්ථාවෙහි සිදු වන්නේ, රෝහල් හිරිහැරයට භාජනය වීම, දරුණු ලෙස රෝගී වීම සහ මරණයයි. හිතුමතේ පැතිරෙන මෙවන් වෛරසයක් 'උපක්‍රමික පැතිරවීමක්' යයි සිතීමට තවමත් ඉක්මන් නොවිය යුතු ය.
කොරෝනා වෛරසය පැතිරීම පාලනය කිරීම හුදෙක් අපට ලබා දෙනු ඇත්තේ ඉදිරි මාස ගණනාවකට ජීවිත සුරක්ෂිත කිරීමට අවස්ථාවක් පමණක් නොවනු ඇත. එය අපට පිළියම් සොයා ගැනීමට මෙන් ම, කෝවිඩ්-19 රෝගීන් වෙනුවෙන් රෝහල් පහසුකම් තව තවත් පුළුල් කිරීමට ද අවස්ථාව ලබා දෙයි. ඉන් අදහස් වන්නේ, පසුව රෝගී වන්නන්ට ඵලදායක ඖෂධ සමග හොඳ රැකවරණයක් සැළසෙනු ඇති බව ය. ඇත්ත වශයෙන් ම එය, අපට වඩාත් නිවැරදි පරීක්ෂණ ක්‍රම සහ ධාරිතාවන් වැඩි දියුණු කිරීමටත්, වැක්සීනයක් සකසා ගැනීමටත් කාලය ලබා දෙනු ඇත.
විද්‍යාත්මක පර්යේෂණ මේ අවස්ථාවෙහි වේගවත් වී තිබෙන බව අප සිහියේ තබා ගැනීම අවශ්‍ය ම වන අතර, එක් දෙයක් ගැන හැදෑරීමට මේ සා විශාල පිරිසක් ජාත්‍යන්තර ව සහභාගි වූ අවස්ථාවක් මින් පෙර සිදුවී නැත.
දැනට ඉවසිලිවන්ත වීම නම් පහසු දෙයක් නොවන මුත්, මෙයින් ගැළවීමට තිබෙන හොඳ ම ක්‍රමය තව මාසයකින් හෝ දෙකකින් අපට දැන ගැන්මට ලැබෙනු ඇත. ඒ අතරතුර, වැදගත් වන්නේ අප නොදන්නා ප්‍රතිඵල වෙනුවෙන් අනවශ්‍ය අවදානම් නොගෙන සිටීම ය. රෝගය වැළඳීම වළක්වා ගත හැකි යමක් වේ නම්, සැබැවින් ම දැනට අප කළ යුත්තේ එයයි.
මහාචාර්ය ග්‍රේටා බයර්
නිව්යෝර්ක් ටයිම්ස් පුවත්පතෙහි 2020 අප්‍රේල් 8 දා පළවූ Please, Don’t Intentionally Infect Yourself ලිපියේ සිංහල පරිවර්තනය ලංකා ඊ නිව්ස් වෙත සකස් කළේ
කුඩගම්මන සීලරතන හිමි
---------------------------
by (2020-04-14 05:06:10)
|
Opinion
https://www.nytimes.com/2020/04/08/opinion/coronavirus-parties-herd-immunity.html
Please, Don’t Intentionally Infect Yourself. Signed, an Epidemiologist.
Here are seven reasons your “coronavirus party” is a bad idea.
By Greta Bauer
Dr. Bauer is a professor of epidemiology and biostatistics.
April 8, 2020
Bauer-superJumbo-against-Coronavirus-08.04.2020
Credit...Mikey Burton
As the coronavirus continues to spread, epidemiologists like me are starting to field a remarkable question: Would people be better off if they just contracted the virus and got it over with? I’ve heard rumblings about people avoiding physical distancing or hosting a version of “chickenpox parties,” where noninfected people mingle with an infected person in an effort to catch the virus.
For some, it is part of a “herd immunity strategy” to build population immunity by infecting younger people who seem to have mild cases of Covid-19. Others are frustrated with staying home. There are also those who hope they could better protect their loved ones, serve their communities or return to work if they could develop immunity.
While frustration, fear and solution-seeking are normal responses to this new global risk, there are seven clear reasons choosing to get intentionally infected would be a really horrible idea right now.
It is all about how much we just don’t know yet.
1. Immunity isn’t a sure thing
We have not yet established that those who recover from this infection indeed develop long-term immunity. Herd immunity projections depend completely on such a sustained immune response, and we haven’t found out whether that even exists. We all sincerely hope it does, but we won’t know for certain until we study recovered patients over time.
2. Reinfection could be possible
There are documented cases where people who appear to recover from the virus test positive again, which calls even short-term immunity into question. These apparent cases of reinfection may actually be remission and relapse, or false test results. However, researchers need more time to figure out what is happening with these patients, and the implications.
What’s more, even if it is determined that reinfection cannot occur shortly after recovery, it could still happen later if immunity is only seasonal. If reinfection is indeed possible, we need to know whether it will result in disease that is milder or more severe. While antibodies to a previous infection generally reduce risk the second time around, for some viruses, such as dengue fever, they can lead to severe and even fatal disease.
3. The virus could continue living inside you
We don’t know that recovered patients actually clear the virus from their bodies. Many viruses can remain in reservoirs, parts of the body where they hang out quietly, and re-emerge to cause disease later in life. For example, chickenpox can come back as shingles, and hepatitis B can lead to liver cancer years later. We now know that in some patients, detectable virus can be found in feces and even blood after apparent recovery. Does the coronavirus remain in the body, or are these just residual bits of virus?
4. Even the young can be hospitalized
Hospital beds and equipment are urgently needed right now for Covid-19 patients. People shouldn’t kid themselves that because they are young they will not be hospitalized if infected. In the United States, the C.D.C. has estimated that about one in every five or six people aged 20 to 44 with confirmed Covid-19 has required hospitalization. Avoidable hospitalizations take valuable resources away from others who were not able to avoid infection.
5. Survivors could suffer long-term damage
While early reports focused almost exclusively on the risk of death, we do not yet fully understand the other effects of Covid-19. We do know that previously healthy people are being left with potentially long-term lung and heart damage.
6. A ‘mild’ case is hardly mild
As more patients recount enduring painful coughing, disorientation and difficulties breathing, people are coming to understand that the 80 percent to 85 percent of cases considered mild are not necessarily “mild” in its usual sense. Researchers and health care professionals use the term “mild” to describe Covid-19 cases not requiring hospitalization. While “mild” can be truly mild, it can also include pneumonia, and be brutal and scary.
7. There’s no shortcut to immunity
Herd immunity requires a high proportion of a population to be immune (the actual percentage varies for different infections), but we want to get there slowly or, ideally, through vaccines. Right now, too many people are getting sick through non-intentional spread, burdening hospitals and leading to severe illness and death. It is far too early to think about intentional infection as a strategy.
Slowing down the spread of the coronavirus won’t just save lives in the coming few months; it also gives us time to study treatments, and to expand or reconfigure hospital services for Covid-19 patients. This means that those who get sick later may benefit from better care, including effective medications. Of course, it also gives us more time to improve testing accuracy and capacity, and to develop a vaccine.
We need to keep in mind that the science is moving fast right now. It is unprecedented to see such an intensive effort internationally being put into studying one disease.
While it is hard to be patient, the best way out of this will likely be much clearer to us in a month or two than it is now. In the meantime, it is important that we don’t take unnecessary risks with unknown consequences. If we can avoid infection, we need to do exactly that.
Greta Bauer is an epidemiologist and a professor of epidemiology and biostatistics at Western University in London, Ontario.
The Times is committed to publishing a diversity of letters to the editor. We’d like to hear what you think about this or any of our articles. Here are some tips. And here’s our email: letters@nytimes.com.
Follow The New York Times Opinion section on Facebook, Twitter (@NYTopinion) and Instagram.
Ahfesl-France Comment :
!! කොරොන වයිරසයට එරෙහිව තම ජීවිතය රැකගැනීමට නම්, සෑම කෙනෙකු විසින්ම, මෙම වැදගත් උපදෙස් අනිවාර්යෙන්ම පිළිපැදිය යුතුව ඇත !!
!! Pour sauver votre vie par le coronavirus, tout le monde doit suivre ces conseils importants !!
!! To save your life against the coronavirus, everyone must follow these important advices !!
!! To save your life from coronavirus, everyone must follow these important tips (advices) !!
|
චීනයෙන් ගත් පරීක්ෂණ කට්ටල මිලියනයකට වඩා ඩැනියුබ් ගඟට..! බලපත්‍ර නැති චීන සමාගම් පරීක්ෂණ කට්ටල රට පටවලා..!
කොරෝනාවට ගොදුරු වූ යුරෝපයට චීනය දක්වන කපටි සහාය
https://www.lankaenews.com/news/10655/si
China-kits-into-daniyub-river-LeN-28.04.2020
(ලංකා ඊ නිව්ස් -2020.අප්‍රේල්.28, ප.ව.11.00) කොරෝනා වයිරස් ගෝලීය වසංගතය සමග පොර බදමින් සිටින රටවල් කිහිපයකට මෑත සතිවල දී චීනය විසින් පර්යේෂණ සහ වෛද්‍ය උපකරණ ලබා දී ඇත. මුහුණු ආවරණ බිලියන 4කට ආසන්න ප්රමාණයක්, වෙන්ටිලේටර 16,000ක්, ආරක්ෂිත ඇඳුම් කට්ටල මිලියන 37.5ක්, සහ කොරෝනා වයිරස් පරීක්ෂණ කට්ටල (testing kits) මිලියන 2.84ක් මාර්තු 1 වනදා සිට රටවල් 50 කට වැඩි ගණනකට අපනයනය කර ඇති බව චීන රේගු නිලධාරියෙකු වන ජින් හායි පැවසුවේ යයි AFP ප්‍රවෘත්ති ඒජන්සිය වාර්තා කළේය.
ඔහු එසේ ප්‍රකාශ කළේ නෙදර්ලන්තය, ස්ලොවැකියාව හා ස්පාඤ්ඤය වැනි යුරෝපීය රටවල් චීන වෛද්‍ය උපකරණ අතිශයින් දැඩි පරීක්ෂාවට ලක් කරන අතරේය. වඩාත්ම රෝගයට ගොදුරු වූ රටක් වන ස්පාඤ්ඤය මාර්තු 27 වන දින චීන සමාගමකින් මිල දී ගත් කොරෝනා වයිරස් පරීක්ෂණ කට්ටල 58,000 ක් ඉවත් කර ගත්තේ ඒවායේ ඇත්තේ යාන්තම් සියයට-30 ක අනාවරණ සීග්‍රතාවයක් බව හෙළිදරව් වූ පසුවය.
බලපත්‍ර නැති චීන සමාගම් පරීක්ෂණ කට්ටල රට පටවලා.. බඩු රිටර්න්..
ස්පාඤ්ඤයේ චීන තානාපති කාර්යාලය පැවසුවේ කට්ටල සැපයූ Shenzhen Bioeasy Biotechnology සමූහායතනයට තම නිෂ්පාදන විකිණීම සඳහා චීනයේ වෛද්‍ය බලධාරීන්ගෙන් ලබා ගත් කිසිදු නිල බලපත්‍රයක් නොමැති බවයි. මාර්තු 31 වන දින චීනයේ ජාතික වෛද්‍ය නිෂ්පාදන පරිපාලනය (NMPA) කියා සිටියේ කොරෝනා වයිරස් පරීක්ෂණ (කට්ටල) අපනයනකරුවන් තම නිෂ්පාදන විකිණීමට පෙර ලියාපදිංචි සහතිකයක් ලබා ගත යුතු බවයි.
මුහුණ නිසියාකාරව නොවැසෙන හෝ සදෝෂී පෙරහන් සහිත මුහුණු ආවරණ දස දහස් ගණනක් නෙදර්ලන්තය විසින් මෑතකදී ආපසු යවන ලදී. චීනයට වෙනත් රටවලට වඩා වෙනස් ‘ප්‍රමිති සහ භාවිතා පුරුදු’ ඇති බව වටහා ගැනීම වැදගත් බව ඉරිදා පැවති ප්‍රවෘත්ති සාකච්ඡාවක දී වාණිජ කටයුතු අමාත්‍යාංශයේ නිලධාරියෙකු වන ජියැං ෆෑන් කියා සිටියේ උපකරණ අනිසි ලෙස භාවිතා කළේ නම් නිෂ්පාදනවල ගුණාත්මකභාවය පිළිබඳ සැකයක් වැපිරිය හැකි යයි අනතුරු හඟවමින් යයි AFP වාර්තා කළේය.
චීනයෙන් ගත් පරීක්ෂණ කට්ටල මිලියනයකට වඩා ඩැනියුබ් ගඟට...
ස්ලොවැකියානු අගමැති ඊගෝර් මැටොවික් පසු ගිය මාසයේ කියා සිටියේ තම රට චීනයෙන් ලබා ගත් පරීක්ෂණ (කට්ටල) මිලියනයකට වඩා වැඩි ප්රමාණයක් “කෙළින්ම ඩැනියුබ් ගඟට දැමිය යුතු” බවයි.
ගැටළු “නිසියාකාරව විසඳා ගත යුත්තේ කරුණු මත පදනම්ව මිස දේශපාලන අර්ථ නිරූපණ අනුව නොවේ,” යයි කියමින් චීන විදේශ අමාත්‍යාංශයේ ප්‍රකාශක හුවා චුනින්ග් ඊට ප්‍රතිචාර දැක්වූ බව බ්ලූම්බර්ග් වාර්තා කළේය. "ඇත්ත වශයෙන්ම, අපේ චීනය තුළ Covid-19 සමග සටන මුලින්ම පටන් ගත් විට, අපට ලැබුණු සමහර ආධාර දෝෂ සහිත විය; නමුත් අප තීරණය කළේ එම රටවල කාරුණික අභිප්‍රායයන් විශ්වාස කිරීමට හා ඒවාට ගරු කිරීමටය."
චීනයේ හුබෙයි පළාතේ අගනුවර වන වුහාන් තුළ කොරෝනා වයිරස් ආසාදනය පැතිර ගිය විට තුර්කිය, ප්‍රංශය ඇතුළු රටවල් දුසිමකට අධික සංඛ්‍යාවක් මානුෂීය හා වෛද්‍ය ආධාර යැවීය.
චීනය තම වැරදි හදා ගත යුතුයි..
හාවඩ් කෙනඩි පාසලේ දේශපාලන ආර්ථික විද්‍යාඥවරියක සහ ආසියානු සම්මාන සාමාජිකාවක වන ෂර්ලි ෂේ යූ කියන පරිදි විවේචන සම්බන්ධයෙන් චීනය වඩාත් සවන් යොමු කළ යුතුය; අඩුවෙන් සටන් කළ යුතුය. “යුරෝපීය රටවල චෝදනා ‘ඛණ්ඩනය කිරීම’ වෙනුවට චීනය තම රටේ වෛද්‍ය උපකරණ නිෂ්පාදකයින් පිළිබඳව විමර්ශනය කළ යුතු අතර රට තුළ ප්‍රමිතියෙන් තොර හෝ බලපත්‍ර රහිත නිෂ්පාදනවල පැවැත්ම තුරන් කළ යුතුය,” යනුවෙන් ඇය පැවසුවාය.
පසු ගිය දශක තුනක කාලය තුළ චීනය ‘ලෝකයේ කර්මාන්ත ශාලාව’ බවට පත්වී ඇති අතර, වෙනත් ඕනෑම රටකට එහි නිෂ්පාදන කාර්යක්ෂමතාවය සමග තරඟ කිරීම අභියෝගයක් වනු ඇතැයි ද ඇය පැවසුවාය.
“චීනය මෙම අවස්ථාව භාවිතා කළ යුත්තේ මිනිස් ජීවිත පමණක් නොව චීනයේ ගෝලීය නිෂ්පාදන කීර්තිය අවදානමට ලක් කරන, ලාභ අරමුණු කර ගත් ඕනෑම ව්‍යාපාරික කටයුත්තක් ශුද්ධ කිරීමටය. ගෝලීය වසංගතය අවසානයේ ලෝක නායකයින් පමණක් නොව ලොව පුරා සිටින සියලු දෙනා චීනය පිළිබඳව ඉතා පෞද්ගලික මතයක් ගොඩනගනු ඇත. චීනය තේරුම් ගත යුත්තේ නායකත්වය යනු ... ‘මිතුරන්ට’ හා සගයන්ට පමණක් උදව් කිරීම නොව, දුක් විඳිමින් සිටින සියල්ලන්ටම උදව් කිරීම බවයි.”
යුරෝපීය විදේශ සම්බන්ධතා කවුන්සිලයේ ආසියා වැඩසටහනේ අධ්‍යක්ෂ ජන්කා ඕර්ටෙල්, අල් ජසීරා සමග පැවසුවේ “මෙම අර්බුදය යුරෝපා සංගම්-චීන සබඳතාවල අනාගතය සඳහා තීරණාත්මක අවස්ථාවක් වනු ඇත - හොඳ හෝ නරක දැක ගත හැකි වනු ඇත,” යනුවෙනි.
'හෙළා දකින්නන්ගෙන් යුරෝපය ආරක්ෂා කිරීමට අපට ඕනෑ'
චීනය ක්‍රියා කරන්නේ මානුෂීය ස්වභාවයෙන් නොව භූදේශපාලනික දැක්මක් ක්‍රියාත්මක කිරීමට බව ඉහළ පෙළේ පුද්ගලයන් ගණනාවක් චෝදනා කරයි.
ස්පාඤ්ඤය සහ චෙක් ජනරජය චීන පරීක්ෂණ කට්ටල ආපසු යැවූ අතර යුරෝපා සංගමයේ විදේශ කටයුතු අමාත්‍ය ජොසෙප් බොරෙල් කියා සිටියේ, එක්සත් ජනපදය මෙන් නොව චීනය යනු “වගකිවයුතු සහ විශ්වාසදායක හවුල්කරුවෙකි” යන අදහස චීනය විසින් ආක්‍රමණශීලී ලෙස ‘ඔළුවට දමමින්’ සිටින බවයි. "(කතා) ගෙතීම සහ ‘සුලභ දේශපාලනය’ තුළින් බලපෑම සඳහා අරගලයක් ඇතුළත් වූ භූදේශපාලනික අංගයක් ඇති බව අප දැන සිටිය යුතුය," බොරෙල් පැවසීය. "යුරෝපය හෙළා දකින්නන්ට එරෙහිව කරුණු කාරණාවලින් සන්නද්ධව, අප යුරෝපය ආරක්ෂා කළ යුතුය."
ඕර්ටෙල්ට අනුව, බොරෙල්ගේ මතය “ප්‍රායෝගික තක්සේරුවක්” විය.
"යුරෝපය ඊටත් වඩා විශාල අභ්‍යන්තර සහයෝගීතාවයක් පෙන්විය යුතුය,” ඇය පැවසීය. “එහෙත් ඇත්ත වශයෙන්ම දැනටමත් ලබා දෙන සහ සම්බන්ධීකරණය කරන සහයෝගය කොයි තරම් විය යුතු ද යන්න වඩාත් පැහැදිලි විය යුතුය."
එහෙත් ඉස්ලාමාබාද්හි වෙසෙන මහජන හා ආර්ථික ප්‍රතිපත්ති විශ්ලේෂකයෙකු වන හසාන් කවාර් කියා සිටියේ, චීනය නැගී එන ලෝක නායකයෙකු ලෙස ස්ථාපිත වී ඇති අතර, බටහිර රටවල්වලට මෙම නව යථාර්ථයට ප්‍රතිචාර දැක්විය යුතු ආකාරය පිළිබඳ පූර්ණ විශ්වාසයක් නොමැති බවයි.
"මෙම ගැටළුව සම්බන්ධයෙන් [බොරෙල්ගේ] අදහස් ‘ඕනෑවට වැඩි’ හා අසාධාරණ යැයි මට හැඟේ," ඔහු අල් ජසීරා සමග පැවසීය. "වැදගත්ම දෙය නම්, මෙම අදහස් [සියලුම] සාමාජික රටවල අදහස් පිළිබිඹු නොකිරීමයි, මන්ද චීනය විසින් උදව් කරන ලද රටවල් ඒවා අතිශයින් අගය කොට ඇත." නිදසුනක් වශයෙන්, අර්බුදකාරී කාලයක අසාමාන්‍ය මිත්‍ර රාජ්‍යයන් වන චීනයෙන් සහ කියුබාවෙන් ඉතාලිය සහයෝගය ලබා ගෙන තිබූ අතරතුර, ජර්මනිය වැනි යුරෝපා සංගම් සාමාජිකයින් තමන්ගේම පුරවැසියන්ට අවශ්‍ය උපකරණ යැවීම ප්‍රතික්ෂේප කළහ.
වෛද්‍ය උපකරණ සහ වෛද්‍යවරුන් යැවීම පිළිබඳව ඉතාලි විදේශ අමාත්‍ය ලුයිගි ඩි මායෝ චීනයට ප්‍රශංසා කළ අතර, ඉතාලි දේශපාලකයින් සහ රාජ්‍ය තාන්ත්‍රිකයින් ඔවුන්ගේ සමීපතම අසල්වැසියන් විසින් පෙන්නුම් කරන ලද සහයෝගීතාවයේ ඌනතාවය පිළිබඳව කනස්සල්ල පළ කළහ.
ඉතාලියේ යුරෝපා සංගම් තානාපති මොරිසියෝ මසාරි මාර්තු 10 වන දින මෙසේ ලිව්වේය: වෛද්‍ය උපකරණ සැපයීම සඳහා යුරෝපා සංගමයේ සිවිල් ආරක්ෂණ යාන්ත්‍රණය ක්‍රියාත්මක කරන ලෙස ඉතාලිය ඉල්ලා සිටිය ද, “එකදු යුරෝපා සංගම් රටක්වත් කොමිසමේ ඉල්ලීමට ප්‍රතිචාර නොදැක්වීය”. "චීනය පමණක් ද්විපාර්ශ්විකව ප්‍රතිචාර දැක්වීය. ඇත්ත වශයෙන්ම මෙය යුරෝපීය සහයෝගීතාවයේ හොඳ සලකුණක් නොවේ," ඔහු තව දුරටත් පැවසීය.
-2020 අප්‍රේල් 6 දිනැති Why China's support to coronavirus-hit Europe stirs controversy නම් අල් ජසීරා ඉංග්‍රිසි වාර්තාව සිංහලට නැගුවේ,
- ආනන්ද
---------------------------
by (2020-04-28 20:10:34)
|
වැඩ ගන්න කොට රණවිරුවන්; කොරෝනා හැදුනහම පොල්කුඩු ගානට..! කන්න දුන්නේ රතු අලයි කැකිරියි..! සේයාරූ සාක්කි මෙන්න..!
https://www.lankaenews.com/news/10661/si
00-Anuradhapura-Air-force-LeN-29.04.2020
(ලංකා ඊ නිව්ස් -2020.අප්‍රේල්.29, ප.ව.4.25) බලය ගැනීම සඳහා හමුදා සෙබළුන් රණවිරුවන් යයි හඳුන්වමින් මුරුංගා අත්තේ තැබූ වැඩ (අල) කරන විරුවා සහ මැදමූලන නඩය හමුදා සෙබළුන් අනාරක්ෂිත ලෙස කොරෝනා මර්දනයට යෙදැවීම නිසා සෙබලුන්ට කොරෝනා වෛරසය වැළඳුණු පසු ඔවුන්ව පොල්කුඩු ගානට සලකා කටයුතු කර තිබෙන ආකාරය මෙහි දැක්වෙන සේයාරූ වලින් දැක්වේ.
මෙහි දැක්වෙන්නේ පසුගිය 27 දා අනුරාධපුරය ගුවන් හමුදා කඳවුරෙන් කොරෝනා පොසිටිව් සෙබළුන් රැසක් හමුවීමෙන් පසු ඔවුන් ඇසුරු කළ තවත් සෙබළුන් 196 දෙනෙකු නිරෝධායනය සඳහා යැවීමේ දී පොල්කුඩු ගානට දමා සලකා තිබූ ආකාරයයි.
ගුවන් හමුදා ට්‍රක් රථ වලින් රැගෙන ආ එම සෙබළුන් 196 දෙනා එදින රාත්‍රී ගාල් කරන ලද්දේ අනුරාධපුරයේ ජනාධිපති විද්‍යාලයට ය. එහි කිසිදු පහසුකමක් නැත. ඔවුන්ට නිදා ගැනීමට තිබුනේ බිමට තමන්ගේ සරමක් එළා ගැනීමෙනි. කන්නට දී තිබූ කෑම පාර්සලයේ තිබුනේ රතු අල හොද්දක් සහ කැකිරි මාලුවකි. පාසැලට වතුර බැරල් දෙකක් පමණක් ගෙනැවිත් දමා තිබුනේ බීමට සහ අනෙකුත් සියළු අවශ්‍යතා සඳහා ය. පාසැල වටා ගුවන් හමුදාවෙන් ආරක්ෂක පවුරක් දමා තිබූ අතර බැරියර් දමා පාර ද වසා දැමිණ. කිසිදු සෙබලෙකුට ජංගම දුරකථන භාවිතය තහනම් කෙරිණ. දුරකථන ගුවන් හමුදා ප්‍රධානීන් ලබා ගත්හ. (සඟවා ගත් දුරකථනයකින් ලබා ගත් පින්තූර මෙහි දැක්වේ) සෙබලුන් අප සමග කියා සිටියේ තමන් මිය ගියද කිසිවෙකු නොදැන මිනිය පුච්චා දමනු ඇති බවත් තමන්ට මෙලෙස සැලකීමට තමන් කළ වරද කුමක්ද කියා ප්‍රශ්න කරන බවයි.
ඔවුන්ට මේ අවනඩුව කියන්නට කෙනෙක් නැත. ජඩමාධ්‍ය මේවා වාර්තා නොකරයි. අනෙක් අය බියයි. ඇත්තේ ලංකා ඊ නිව්ස් පමණයි.
වැඩ (අල) කරන විරුවාගෙන් අප ප්‍රශ්න කරන්නේ රටක ආරක්ෂක සෙබළුන්ට සලකන්නේ මෙසේ නම් කොරෝනා මර්දනයට කියා ලැබෙන කෝටි ගණනක මුදල් වලින් කරන්නේ කුමක්ද? කියා ය.
---------------------------
by (2020-04-29 11:18:25)
|
ලොවෙත් නැති-ලොවි ගහෙත් නැති කොරෝනා බෙහෙත්..! ත්‍රිපෝෂ ගුලි වගේ හදන වෛරස්..! මිථ්‍යාවෙන් බොරුවෙන් ඇස් නීලංකාර කරගත් දූපතක්..!
විනිවිද ශ්‍රී ලංකා ලියයි
https://www.lankaenews.com/news/10658/si
Medicine-for-covid-19-from-Sri-Lanka-29.04.2020
(ලංකා ඊ නිව්ස් -2020.අප්‍රේල්.29, පෙ.ව.3.45) ඕනම රටක ජනතාව එන්න එන්න බෙදෙන එක ඕනම පාලකයෙකුට පහසුයි. රජවරු රට පාලනය කරන කාලේ පටන් යොදාගත්ත උපක්‍රමයක් ඒක. ඒ කාලේ බෙදුවේ උඩරට, පහතරට, කරාව, දුරාව ආදී ලෙස. රාජාන්ඩු යුගය පහුවෙලාත් මේ ආශික්ලන්තෙ දුවන්නේ තාම ඒ කන්සෙප්ට් එක උඩම තමා. ඒකට තව අඩුම කුඩුම විදියට මිථ්‍යාවත් එකතු කර ගන්නවා. මේ මිථ්‍යාවන්ගේ එල්ලිලා ඉන්න මිනිස්සු, පාලකයාගේ නොහැකියාව ගොඩක් වෙලාවට "කර්මය, දෙවියන්ගේ කැමැත්ත, අපේ නොලැබීම, අවාසනාව" වගේ දේකට ලගු කරගන්නවා. මේක අහන්නත් දෙයක් නෙවෙයි, රටේ ඉහළම පුටු වල ඉන්නේ, වශී බෝල මිරිකන, මොනව හරි උන ගමන් තිරුපති දුවන, ශිව ලිංග නාවන, දේවාල ගානේ පූජ වට්ටි අරන් දුවන, භාර හාර වෙනුවෙන් ඇත් දළ පූජා කරන ගැන්සියක්නේ.
කොරෝනාව උනත් එහෙමයි. මන් හිතන්නේ ඔය දූපතේ විතර බෙහෙත් සොයා ගත්තෙ නැහැ වෙන මොනම රටකවත්. ඒ වගේම "මීඩියා" කියන ලේබලේ බෙල්ලෙ එල්ලගත්තම තමන් පොරවල් කියලා සිතා ඉන්න බොහෝ මාජ්ජ වේදීන් කරන්නෙත් ඒකමයි. ඒකට විකල්පයක් ලෙස ආපු සමාජ මාධ්‍ය එහෙම නැත්නම් "ශෝෂල් මීඩියා" වල හැසිරීමත් ඊට නොදෙවෙනියි. එනිසා අද වෙද්දි ඇත්ත බොරුව මොකක්ද කියලා සොයන්න බැරි තරමට විකාරයක් බවට පත් වෙලා තියෙන්නේ.
ලොවෙත් නැති-ලොවි ගහෙත් නැති බෙහෙත්..
බලන්න, මේ මට පහු ගිය ටිකේ දූපතේ මීඩියා බලන කොට කොරෝනාවට එරෙහිව සොයාගත්තා කියලා හමු උන බෙහෙත් ගොඩ. ඒවා බටහිර, නැගෙනහිර, දේශීය, විජාතික, පජාත ඕන දෙයක් වෙන්න පුලුවන්. මේ ටික ගොඩ දා ගත්තා නම්, රටේ ණය එක රැයින් ගෙවලා ඉවර කරන්න පුළුවන්.
1. කොරෝනාවට බය වෙන්න එපා - බෙහෙත් මං ළඟ තියෙනවා - අබේවර්ධන හෙට්ටිආරච්චි
2. ජනපති අවසර දෙනවා නම් වෛරසයට බෙහෙත මං දෙන්නම් - පස්යාලෙ වෙද හාමුදුරුවෝ
3. කොරෝනා මඩින බෙහෙත තියෙනවා. ඒක රහසක් - වියත් මගේ වෛද්‍ය සීතා අරඹෙපොල
4. කනගාටුයි.. ජනපති තියා කවුරුත් කතා කළේ නෑ.. මං බෙහෙත පිට රටකට විකුණනවා - සෙන්ජිත් රාජගුරු
5. ජපානයට අභියෝග කරමින් හෙල ඔසුවක් අනුරපුරෙන් - අනුරාධපුරේ වෙද මහතා
6. විනාඩි 10 න් කොරෝනා විනාශයි - මැෂිම ලෝකෙටම දෙනවා - ශ්‍රී ලාංකික ඉංජිනේරුවෙක්
7. කොරෝනාවට ශ්‍රී ලංකාවෙන් සොයා ගත් බෙහෙත - කොළඹ විශ්ව විද්‍යාලයේ මහාචාර්යවරයෙක්
8. කිසිදු බෙහෙත් ගැල්වීමක්.. බීමක් නැත, කොරෝනා සුව කරමි - විශ්වනාත් වෙද මහතා
9. කොරෝනාවලට මේ රහස් ඖෂධ හතර තම්බා බොන්න - ගල් ලෙන් වාසි හිමි නමක්
10. කොරෝනා නසන විශ්වීය රහස මා සතුයි - උදේශා ගංගා මැණියෝ
11. දුමක් අල්ලා කැඳක් පොවා කොරෝනා සුව කළ හැකියි - හෙළ සුවය, පාදෙනිය ඇතුළු කණ්ඩායම
12. හිමාලයෙන් ආ හිමිනමක් කොරෝනා වලට කිවූ රහස් බෙහෙත
13. හෙළ ඖෂධ වලින් කොරෝනා මඩින හැටි ලොව පතල ඖෂධවේදියෙක් හෙලි කරයි - මහාචාර්ය චන්න ජයසුමන
14. කොරෝනා වලින් වලකින්න ගෙදරදීම බෙහෙතක් - ලංකේශ්වර වෙද මහතා
15. ලංකාවේ පළමු රෝගියා සුව කළ දුම - ඖෂධය ලංකාවටම බෙදන්න සූදානම් - වෛද්‍ය මලිත් බටගොඩ
16. මං ගාව කොරෝනා වලට බෙහෙත් තියෙනවා, දැන් බයවෙන්න දෙයක් නැහැ - මෙහෙනින් වහන්සේ නමක්
17. කොරෝනා වලට ආයුර්වේදයෙන් විසඳුමක් - වෛද්‍ය සම්පත් අත්තනායක
18. කොරෝනා මඩින්න විශ්වයෙන් ලැබුන පනිවුඩය - ශ්‍රී රාජි
19. දවස් දහයෙන් මං මුළු ලංකාවම සුවපත් කරනවා - වික්‍රමාරච්චි වෙද මහතා
ඇමරිකන් ජනාධිපති මේ වෛරසේ හඳුන්වන්නේ "චයිනීස් කොමියුනිස්ට් වෛරස්" කියලා. ඔවුන් මෙය චීනේ නිපදවපු එකක් බවටත් චෝදනා කළා. ඉන්දියාවේ විද්‍යාඥයන් පිරිසක් මෙය "මෑන් මේඩ්" වෛරසයක් වන බව පැවසුවා. නමුත් චීනය මේ චෝදනා ප්‍රතික්ෂේප කළා.
ත්‍රිපෝෂ ගුලියක් වගේ හදන වෛරස්..
නමුත් ලංකාවේ මේකට බෙහෙත් සොයා ගත්ත කෙනෙක් කියනවා, "මම ඉතා භයානක වෛරසයක් හැදුවා, මම ඒකෙන් තමා පරීක්ෂණ කළේ" කියලා. තමන් මොකක් හෝ කරපු දේ අතිශෝක්තිය දාලා කියන්න ගියාම වෙන අවුල මේක. ඒකට ඔය "පචබිම" පත්තරේ සහ "කොම්බු වාහිනිය" එහෙම ප්‍රචාරයකුත් දුන්නා. සාමාන්‍ය මනුස්සයො හිතන්නේ වෛරසයක් කියන්නේ, මේ ගෙදර බල්ලෙක්, පූසෙක් හදනවා වගේ, එහෙම නැත්නම් ත්‍රීපෝෂ ගුලියක් හදනවා වගේ දෙයක් කියලා. අර මීඩියා අයිඩෙන්ටිය වගේම මේකට අයථා සේවයේ යොදවන්නේ "නව නිපයුම් හැඳුනුම්පත" වීම කනගාටුවක්. මම කියන්නේ ඔහු කියන බෙහෙත ගැන නෙවෙයි, ගෙදර ඇති දැඩි කළ වෛරසේ. මොකද ඒ පුද්ගලයා කියලා තිබ්බා, 'කවුරුවත් අවධානයක් නැහැ, මම ඒක විකුණනවා පිට රටකට' කියලා. එහෙම වෛරස් හදන්න පුළුවන් නම් සොයන්න ඕන ඒ ගැන. මොකද ඕන වෙලාවක රටටම කෙළවෙයන් කියලා එකක් අත අරින්නත් පුළුවන්නේ. ඒ නිසා හරි නම් ආරක්ෂක අංශ ඒ ගැන අවධානය යොමු කරන ඕන. ට්‍රම්ප් ලොක්කා දන්නවා නම් කියාවි "චීනේ උවමනාවට ආශික්ලන්තයෙන් හදපු වෛරසයක් කියලා".
ජාතික ණය දෙන සමිතිය..
කොහොම උනත් ඔය මොනව උනත් අදාල ආයතන වලට වගේ වගක් නෑ. පසු ගිය දා, දොස්තරලා සෙට් එකක්, හෙළ සුවේ කැඳ ප්‍රමෝෂන් එකක් ගැන කරපු විගඩමක් ගැන අපි අනාවරනය කරපු එකට ප්‍රතිචාර දක්වමින් "ජාතික විද්‍යා සභාව" කිව්වේ, "අප ඒ පර්යේෂණය සඳහා මුදල් දීලා නැත, අප සොයන්නේ අප මුදල් යෙදවූ පර්යේෂණ ගැන පමනයි" කියලා. අපරාදේ ඔය ආයතනයේ නමට ඉස්සරහින් "ජාතික" කියන නමක් දාගෙන ඉන්නේ. "ණය දෙන සමිතිය" වගේ එකක් දා ගන්න තිබ්බේ. ඒක නිසා මේ වගේ විද්‍යාව ව්‍යාභිචාරයේ යොදවන අය (fraud article පල කළ අය) වෙනුවෙන් ජනාධිපති සම්මාන උනත් දෙන්න එයාලා යෝජනා කළොත් පුදුම වෙන්න දේකුත් නැහැ. මොකද වරක් එහෙම කෙනෙක්ට සම්මාන දෙන්න එයාල ට්‍රයි කළා කියලත් ආරංචියි. නමුත් මේ ජාතික ආයතනය එදත් වගකීම පැහැර හරිද්දි, අදාල විශ්ව විද්‍යාලය පරීක්ෂණයක් කරලා, වරද ඔප්පු වීම නිසා, ආයතනයෙන් ඉවත් කළා. තම ජාතික වගකීම පැහැර හරින පාලකයනුත්, ඒ හා සමානව බෝල පාස් කරන නිළධාරි පන්තියත්, පිස්සු කෙළිමින් මේ රට ගෙන යන්නේ කොතැනටද? එන්න සංවර්ධනයෙන් ඇස් නිලංකාර උන අපි, කොරෝනාවෙනුත් ඇස් නිලංකාර කර ගනිමු. බල්ටි නැතත් විසිල් රස විඳිමු. අවසානේ කියන්න තියෙන්නෙ, පණ්ඩිත් අමරදේව ශූරීන් කියන විදියට,
"මාගේ දේශය අවදි කරනු මැන පියාණෙනි" කියලා තමයි.
-විනිවිද ශ්‍රී ලංකා-
ලියුම්කරුගේ පෙර ලිපි එකතුව
https://www.lankaenews.com/category/65
---------------------------
by (2020-04-28 23:00:33)
|
වෛරසය යටපත් කරන හැටි මග පෙන්වූ ඕස්ට්‍රේලියාවෙන් සහ නවසීලන්තයෙන් ලංකාවේ පාලකයන් ඉගෙන ගත යුතු පාඩම්..!
නිව්යෝර්ක් ටයිම්ස් හි ලිපියක පරිවර්තනයකි
https://www.lankaenews.com/news/10659/si
NewYorkTimes-Article-learn-lesson-LeN-29.04.2020
(ලංකා ඊ නිව්ස් -2020.අප්‍රේල්.29, පෙ.ව.5.40) මතවාදීමය වශයෙන් එකිනෙකාට ප්‍රතිවිරුද්ධ දෙමගක ගමන් කරන දෙරට අතර, වෛරසය පිටුදැකීමේ අරමුණ වෙනුවෙන් කැපී පෙනෙන එකමුතුවක් සිදුවෙමින් තිබේ. දේශපාලනික නොවන ඔවුන්ගේ ප්‍රවේශය ඇති කරවන්නේ, ප්‍රජාතන්ත්‍රවාදය පිළිබඳ නව බලාපොරොත්තුවකි.
ජනාධිපති ට්‍රම්ප්ගේ ප්‍රහාරාත්මක ප්‍රවෘත්ති නිවේදනයන්ගෙන් සැතපුම් දහස් ගණනකට ඔබ්බෙන් වෙසෙන ඕස්ට්‍රේලියාවේ මධ්‍යස්ථ මතධාරී නායකයා සහ නවසීලන්තයේ ප්‍රගතිශීලී අගමැතිනිය වෛරසය පැතිරීම දැඩි ලෙස මර්ධනය කිරීමට ඔවුන්ගේ රටවල් මෙහෙයවමින් සිටිති.
ජාතීන් දෙක ම මේ වන විට සිටින්නේ, මාර්තුවෙහි සිය ගණනින් වාර්තා වූ දෛනික ආසාදිතයන් සංඛ්‍යාව අතළොස්සකට සීමා කර ගනිමිනි. ඔවුහු දැන් තවත් සුවිශේෂී අරමුණක් කෙරෙහි යොමු වී සිටිති. ඒ ඔවුන්ගේ දිවයින්වලින් වෛරසය මුළුමනින් ම තුරන් කර දැමීම ය.
"මේක දේශපාලනය කරන්ඩ වෙලාවක් නෙවෙයි"
ආසාදිතයන් සංඛ්‍යාව බින්දුව දක්වා අවම කිරීමේ අදහස ඉටු වුවත් නැතත්, ඕස්ට්‍රේලියාව සහ නවසීලන්තය මේ අත්පත් කරගෙන තිබෙන දෙය නම්, මහත් සේ බලාපොරොත්තු දල්වන සුළු ය. මධ්‍යස්ථ මතධාරි කිතුණුවෙකු වූ ඕස්ට්‍රේලියාවේ ස්කොට් මොරිසන් සහ නවසීලන්ත වැසියන්ගේ හදවත් දිනාගත් වමට බර ජසින්ඩා ආර්ඩෙන්, ප්‍රජාතන්ත්‍රවාදයේ පරිහානිය ජයගෙන තිබේ. එයින් ඉස්මතු කෙරෙන්නේ, මේ වැඩ පිළිවෙළට වෙඩි තබා පළවා හැරීමට වඩා, භේදභින්නතා අඩු වී යාමත්, සුවිශිෂ්ඨ නායකත්වයත්, සන්සුන් එකමුතු භාවයත් පදනම් කර ගැනෙන බව ය.
කලක් ලෝක සෞඛ්‍ය සංවිධානයේ සේවය කළ, වෛද්‍යවරයෙකු සහ ඕස්ට්‍රේලියානු ජාතික විශ්වවිද්‍යාලයේ ක්ෂුද්‍ර ජීව විද්‍යා මහාචාර්යවරයෙකු වූ, පීටර් කොලිංනන් පැවසුවේ මෙය සැබවින් ම එක්සත් ජනපදය පැත්තෙන් කැපී පෙනෙන්නක් බව ය. "මේක දේශපාලනය කරන්ඩ වෙලාවක් නෙවෙයි. මේක, තොරතුරු දිහා බලල, වඩාත් ම සංව්දී දෙයක් අපි කරමු යයි සිතිය යුතු වෙලාවක්."
සාමාන්‍ය තත්වයට ආසන්න වෙමින් තිබෙන සිහිනමය අපේක්ෂාව වන්නේ, වෛරස පරාජය වීමත් සමග, අවන්හල්වල පාරිභෝගිකයන් රංචු ගැසීම ය. සෑම දරුවෙකු ම ආපසු පාසැල් යාම ය. පරීක්ෂණ ප්‍රමාණවත් ව නොකෙරෙන, ට්‍රම්ප් මහතාගේ ප්‍රමාදය නිසා ම රෝගය පැතිරී ජනයා මරණයට පත්වීම ඉහළ යාමටත් කටයුතු සැළසුණ එක්සත් ජනපදයෙහි නම් මෙය සිතා ගැනීමටවත් නොහැකි දෙයකි. එය නිම වනු ඇත්තේ, ඕස්ට්‍රේලියාවේ සහ නවසීලන්යෙහි මිරිඟුවක් හෝ තාවකාලික ජයග්‍රහණයක් වශයෙනි. වසංගතයක් අතුගා දැමීම යනු, අලුත් රෝගීන් බිහි නොවන සේ, දිගින් දිගට ම නොකඩවා පවත්වා ගෙන යන ක්‍රියාමාර්ග මගින් කිසියම් භූගෝලීය ප්‍රදේශයකින් එය පැතිරීම මුළුමනින් ම නැතිකර දැමීම ය. රටවල් අතර ගමනාගමනය දිගින් දිගට ම අත්හිටුවා තබා ගැනීම එහිලා අවශ්‍ය ම දෙයකි. චීනය, සිංගප්පූරුව, හොංකොං වෛරසය පැතිරීම වළක්වා තිබෙන බවක් පෙනුණ ද, එයට විදේශයන්හි සිට පැමිණීමට ඉඩ සලසා දී තිබේ.
මානය යටපත් කර නිපුණත්වය ඔසවා තබා රෝගයෙන් අත් මිදීම..
එසේ තිබිය දී, මානය යටපත් කරවා නිපුණත්වය ඔසවා තැබෙන, ප්‍රජාතන්ත්‍රවාදී පාලනයක් පිළිබඳ විශ්වාසය නැවත තහවුරු කෙරෙමින් රෝගයෙන් අත්මිදීම පිළිබඳ ලොවට ම ආදර්ශයක් සපයන, මුළුමනින් ම මුද්‍රා තැබූ ජයග්‍රහණයක් අත්පත් කර ගතහැකි දෙරටක් වේ නම් ඒ, අඩු ජනගහණයක් සහිත, ප්‍රායෝගික විසඳුම් සෙවීම අතින් ඉතිහාස ගත වූ, පිළිගැනීමක් ඇති කරවා ගැනීමේ ආශාවෙන් පෙළෙන පීඩාවට පත් වූවන්ගෙන් ගහණ දිවයින් වූ, මේ ශාන්තිකර කලාපීය අසල්වැසියන් දෙදෙනා ය.
කවර හෝ ගෝලීය උණුසුම් ස්ථානයකට වඩා, ඔවුනට කාලයේ වාසිය අත්විය. ඕස්ට්‍රේලියාව ජනවාරි 25 වන දා පළමුවන ආසාදිතයා වාර්තා කරන අතර, නවසීලන්තය වාර්තා කරන්නේ, පෙබරවාරි 28 ය. එහෙත්, ට්‍රම්ප් මහතාට හෝ වෙනත් යුරෝපීය නායකයෙකු හා සැසඳීමේ දී, මොරිසන් මහතා සහ ආර්ඩෙන් මහත්මිය කටයුතු මෙහෙයවූ උද්‍යෝගය සහ නියෝග ඉතාමත් දැඩි ය.
චීන සංචාරකයින්ට රටට පැමිණීම තහනම් කළා... WHO කියන්නත් කළින් වැඩ ඇරඹුවා..
මොරිසන් මහතා පෙබරවාරි 1 දා, චීන සංචාරකයන්ට ඕස්ට්‍රේලියාව තහනම් කළේ, ඇමරිකාව තහනමක් පැනවීමට දිනකට කලින් ය. රෝහල් ධාරිතාව ඉහළ නැංවීම සහ රෝගයට ප්‍රතිචාර දැක්වීම් කටයුතු නියාමනය කිරීම සඳහා මධ්‍යම රජයේ සහ ප්‍රාන්ත ප්‍රධානීන් ඇතුළත් කරවා ජාතික විධායක සභාවක් පෙබරවාරි මස හත්වෙනි දින පත් කෙරුණේ, රෝගයේ පැතිරීම වසංගතයක් ලෙස ලෝක සෞඛ්‍ය සංවිධානය ප්‍රකාශයට පත් කිරීමට දෙසතියකට පෙර ය.
නවසීලන්තයේ, රජය සිටින්නේ වඩාත් මධ්‍යගත ව ය. ආර්ඩෙන් මහත්මිය හඳුන්වා දුන් සෝදිසි ක්‍රමය රට වසා තැබෙන තැනට යොමු වන්නේ, රටෙහි මුල් ම රෝගියා හමු වූ දින සිට මසකටත් අඩු කාලයකි.
"අප දැඩි සේ සටන් කළ යුත්තේ, ඉතාමත් කල් ඇති ව ය" ආර්ඩෙන් මහත්මිය පැවසුවා ය.
මුල දී ම විරෝධතා දැක්වූ දෙරටෙහි ම මහජනතාව සෑම මට්ටමක ම නිලධාරීන්ගෙන් ගලා ආ තොරතුරු නිවැරදි නිසා ම, පසුව එකඟ වූහ. ප්රධාන ම කරුණු පැහැදිළි කරන්නා වශයෙන් එකිනෙකා විසින් තෝරා ගැනුණේ ඔවුනොවුන්ගේ ම මාර්ග ය. මොරිසන් මහතා සාම්ප්‍රදායික ගුවන්විදුලියට වැඩි නැඹුරුවක් දැක්වූ අතර, ආර්ඩෙන් මහත්මිය තෝරා ගත්තේ සජීවී මුහුණු පොත ය. එහෙත්, විද්‍යාඥයන්ට සවන් දීම සහ ලැබෙන තොරතුරුවලට අනුගත වීම සම්බන්ධයෙන් ඒ දෙපළට ම ලැබුණේ පැසසුම් ය.
දේශපාලනඥයා විශේෂඥයන්ගෙ අදහස් විමසන්න පහළටම ආවා..
"එක විදිහකට ඉන්නෙ නැතිකම දේශපාලනඥයන්ගෙ හැටියක්." වසංගතයට ප්‍රතිචාර දැක්විය යුතු ආකාරය සැළසුම් කිරීමට සම්බන්ධ ව සිටි, ක්වීන්ස්ලන්ඩ් සරසවියේ වෛරස විද්‍යාඥ ඉයන් මැකායි පැවසී ය. "දේශපාලනඥයා එක එක දේවල්වල මිශ්‍රණයක් නෙ. ඒත්, එයා අදාළ විශේෂඥයන්ගෙ අදහස් විමසන්න පහළට ම එනව." එහි ප්‍රතිඵල පිළිකෙව් කළ නොහැක. ඕස්ට්‍රේලියාවත් නවසීලන්තයත් වක්‍රය තලා දමා තිබේ. ජනගහනය මිලියන 25කගේ රටක් වූ (ලංකාවේ ජනගහනයට සමානය) ඕස්ට්‍රේලියාව ඊස්ටර් දිනය වනවිට වාර්තා කර තිබුණේ, රෝගීන් 6,670 ක් සහ මරණ 78 කි. ලෝකයේ ඉහළ ම ඒක පුද්ගල පරීක්ෂණ අනුපාතයක් පවත්වා ගෙන ගිය එහි පැවති වර්ධන වේගය 1% කි.
මාර්තුවෙහි ඉහළට ම නැගුණ පසු ද, තහවුරු කෙරුණ රෝගීන් සංඛ්‍යාව 1,456 ක් සහ මරණ සංඛ්‍යාව 17 ක්ව තිබිය දී, නවසීලන්තයේ දෛනික වර්ධන මට්ටම පැවතියේ එකට අඩු ප්‍රතිශතයක ය. දශ ලක්ෂ පහක ජනගහණයක් සහිත එරට ඇත්තේ රෝගීන් 361 දෙනෙකි.
මේ දත්ත, දෙරට ම, සාර්ථකත්වය පිළිබඳ පුවත් පළ කර සිටින ජර්මනිය පවා තිබිය දී, එක්සත් ජනපදයටත් යුරෝපයටත් වඩා, සමීප කෙරෙන්නේ දැනට වෛරසය පාලනය කර තිබෙන තායිවානයට සහ දකුණු කොරියාවටයි.
සියල්ල කෙළේ විද්‍යාඥයින් සමග මිස හමුදාව සමග නොවේ..
මේ සියල්ල ඇරඹෙන්නේ, විද්‍යාඥයන් සමග ය. චීනය වෛරසයේ කේතය ප්රසිද්ධ කළ පසුගිය ජනවාරියේ මුල් භාගයේ දී ම ඕස්ට්‍රේලියානු මහජන සෞඛ්‍ය පර්යේෂණායතනයන්හි ව්‍යාධි වේදඥයින් පර්යේෂණ සඳහා වූ සැළසුම් බෙදා හදා ගත්හ. එයින්, හැම ප්‍රාන්තයක මෙන් ම, දේශ සීමාවක ද, ඔවුන් සිටියේ දේශපාලනඥයන්ට වඩා ඉදිරියෙනි. "එයින් අදහස් වන්නේ හැම තැනක් සමග ම දත්ත සසඳා බැලිය හැකි නිසා, පර්යේෂණයක් අවසන් කරන අපට යුහුව ඉදිරියට යාමේ හැකියාව තිබුණ බව යි" වෛද්‍ය කොලිංග්ටන් පැවසී ය.
ඒ සමග ම රජය, වෙහෙස වන සේවකයන්ට සහායක් වශයෙන් මූල්‍යමය මාර්ග විවර කර, සෞඛ්‍ය සේවා වෘත්තිකයන් සංඛ්‍යාව ඉහළ නැංවී ය. ආසාදනය ඉහළ නැගීම ඇරඹෙන විට, පර්යේෂණාගාර සහ රෝහල් දෙවන තුන්වන වටවල විද්‍යාඥයන් සේවා සහායට කැඳවී ය.
හඬ නැගුණේ ඒ සාමුහිකත්වයෙනි. මොරිසන් මහතා කල් ඇතිව ම ගත් පියවරයන් නිරතුරු ව ම අන්තර් සම්බන්ධතා පවත්වා ගත් බැවින්, වෛරසයේ පැතිරීම පිළිබඳ ආදර්ශයන් තැනීමට යොමුව සිටි ස්වාධීන විද්වතුන් රාජ්‍ය සහ පලාත්බද කාර්ය සාධක බලකායන් ඉක්මනින් ම ක්‍රියාත්මක විය. ඊමේල්, පණිවිඩ හෝ සමූහ දුරකථන සංවාද මගින් ඒ මේ අත විසුරුණ ඔවුන්ගේ සොයා ගැනීම්, ජාතික මට්ටමේ තීරණ ගන්නවුන් අතට පත්විය.
එකිනෙකා නොගැලපුනත් අදහස් බෙදා ගැනීම විස්මය දනවනවා..
අළුතින් පිහිට වූ නව ජාතික කැබිනෙට්ටුව, ඇමරිකානු ආණ්ඩුකාරවරුන් අතර සේ නොගැළපීම් බහුල ඒ ඒ ජනපදයන්හි අගමැතිවරුන් වැනි දේශපාලනඥයන්ගෙන් සමන්විත ඉහිල් මධ්‍යගත පාලන ක්‍රමයක් තිබෙන රටක් සඳහා වූ බොහෝ දෙනාගේ අදහස් බෙදාහැර තිබුණ ආකාරය විස්මය දනවන සුලූ ය.
නිදසුනක් වශයෙන්, අත්‍යාවශ්‍ය සේවාවන්හි නිරත නොවන සියලු ඕස්ට්‍රේලියානුවන්ට නිවෙස්වල රැඳී සිටින මෙන් දන්වා අන්තර් ජාතික ගමනාගමනය දැඩි ලෙස පාලනය කළ තහනම් නියෝග සහිත එකඟතාවක් මාර්තු අග දී මොරිසන් මහතා ප්‍රකාශයට පත් කළේ ය. බොහෝ දුරට, පාසැල්වල කටයුතු වැනි අවස්ථා සම්බන්ධයෙන් යම් යම් වෙනස්කම් සිදුවුව ද, ප්‍රාදේශීය නායකයින් ද්විපාර්ශවීය අනොන්‍ය සහයෝගය ප්‍රකාශ කළ අතර, සිදුවීම් සංඛ්‍යා පහත වැටෙද්දී පවා, එම තීරණවල ම රැඳී සිටියහ.
වෛරසය මැඩ පැවැත්වීමට නොව, තුරන් කර දැමීමට නැගූ හඬ..
නවසීලන්තයෙහි, මහජන සෞඛ්‍ය සේවකයෝ වඩාත් එඩිතර මගකට පිළිපන්හ.
වෙලිංටන් ඔටාගෝ සරසවියේ මහාචාර්යවරයෙකු වූ වෛද්‍ය මයිකල් බේකර් රජයෙන් පරිබාහිර ව හුදෙක් වෛරසය මැඩ පැවැත්වීමට නොව, තුරන් කර දැමීම සඳහා නැගූ හඬ ඉතාමත් ප්‍රබල ය. ඔහු වාද කළේ, සීමිත රෝගීන් සංඛ්‍යාවක් සහිත දිවයිනක් වූ නවසීලන්තය වෛරසය සැළකිය යුත්තේ සරම්ප වෛරසයට වඩා දුර්ලභ වෙනස්කම් සහිත ව එකවර ම අතුරුදන් වී යා හැකි ඉන්ෆ්ලූවෙන්සා වෛරසයක් ලෙස යනුවෙනි.
"වෛරසයේ ආකෘතීන් නිපදවූවන් පැවසූයේ, මුළුමනින් ම වෛරසය අතු ගා දැමීමේ හැකියාව ඇත්තේ කෙසේ ද? යි විමසා බැලීමට රට දෙමසකට අගුළු දැමිය යුතු බව යි." ඔහු පැවසී ය.
"සංඛ්‍යාවන් ඉතාමත් පහළට වැටෙන තෙක් ඔබට බලා සිටීමට සිදුවේ. පැතිරීමක් වේ නම්, වෛරසය මුද්‍රා තැබිය හැකි වනු ඇත්තේ එවිට ය."
වෛරසය වේගයෙන් පැතිරෙනු ඇතැයි කනස්සලූ වූ වෛද්‍ය බේකර් පැවසුවේ, වෛරසය නවසීලන්තය ආක්‍රමණය කළ මුල් සති කිහිපයෙහි නොසන්සුන් බව ඔහුව බෙහෙවින් වෙහෙස කරවූ බව ය. "අප සිටියේ පිහි තුඩකය" ඔහු පැවසී ය. "අප ඇත්තෙන් ම ඉන්නෙ කැපවීමෙන් ද?" ඔහු ප්‍රශ්න කෙළේය.
දූපතකින් වෛරසය තුරන් කිරීම පුළුවන්ද?
ආර්ඩෙන් මහත්මිය නවසීලන්තයෙන් වෛරසය තුරන් කිරීමට අදහස් කරන බව ප්‍රකාශ කළේ මාර්තු 23 දින ය. වෛරසය තුරන් කර දැමීමක් සහතික විය නොහැකි කාරණා රාශියක් තිබිය දී එය කළහැක්කක් වනු ඇත් දැයි විචාරකයෝ ප්‍රශ්න කළහ.
තායිවානය නිදසුන් ලෙස දක්වමින්, එයට පිළිතුරු දුන්නේ වෛද්‍ය බේකර් ය. සමාජයීය වශයෙන් දුරස්ථ භාවය පවත්වා ගනිමින් සාමාන්‍ය ජන ජීවිතයට ආපසු ආ හැකි පරිදි දශ ලක්ෂ 23 ක දැඩි තදබදයක් සහිත ජන ගහනයක් සහිත දූපතක් මතු කරවමින් තායිවානය වෛරසය පැතිරීම පාලනය කර තිබේ.
"ඒක දේශ සීමා, සබඳතා පැවැත්වූවන් හඹා යාම, සෙවිල්ලෙන් සිටීම ආදි හැම වැඩ පිළිවෙළක් ම ක්‍රියාත්මක වීම පිළිබඳ කාරණයක්." වෛද්‍ය බේකර් පැවසී ය.
දුක සේ ලැබිය යුතු නිවන් දැකීමක් වැනි..
ඕස්ට්‍රේලියාවෙහි, නිලධාරීන් බොහෝ වේලාවන්වල සිටියේ පෞද්ගලික ව වෛරසය නැතිකර දමන ආකාරය ගැන කතා කරමිනි. මර්දනය ඒ වැඩ පිළිවෙළෙහි සැඟව තිබෙන අතුරු කාරණයකි. ඕස්ට්‍රේලියාවෙහි ප්රධාන වෛද්‍ය අධිකාරිවරයා වූ වෛද්‍ය බ්‍රැන්ඩන් මර්ෆි නවසීලන්ත පාර්ලිමේන්තු කමිටුවකට පසුගිය සතියේ පැවසුවේ, වෛරසය නැතිකර දැමීම, එන්නතක් සොයා ගැනෙන තෙක්, දින නියමයක් නොමැති ව අන්තර් ජාතික ගමනාගමනය තහනම් කෙරෙමින් හෝ දින දාහතරක් නිරෝධායනයට ලක් වෙමින් දුක සේ ලැබිය යුතු නිවන් දැකීමක් වැනි සිද්ධියක් බව ය.
එහෙත්, එය සිදුවන්නේ නම්, අත්‍යන්ත ගෞරවයට පාත්‍ර වන්නේ වෛද්‍ය මර්ෆි සහ ඔහුගේ නිව්සීලන්ත සහායකයා වන වෛද්‍ය ඈෂ්ලි බ්ලුම්ෆීල්ඩ් ය. ඇමරිකානු රජයේ විද්‍යාත්මක ප්‍රතිචාරයන් එළිදක්වන මුහුණ වූ වෛද්‍ය ඇන්තනි ෆවුසි මෙන්, සන්සුන් හැසිරීමක් සහ විකාර නොදොඩවන ඔවුනට මහජන සෞඛ්‍ය පිළිබඳ දිගුකාලීන උරුමයක් තිබේ. දිනපතා අන්තර්ජාලය ඔස්සේ ප්‍රශ්නවලට පිළිතුරු දීමේ වැඩ සටහනක් පවත්වමින් සහතික වශයෙන් කියන දෙය කෙළින් කියන පුද්ගලයෙකු වශයෙන් කීර්තියක් අත් කරගෙන තිබෙන, ටයි පටියක් නොපළඳින, බොකුටු කෙස් සහිත වෛද්‍ය බ්ලුම්ෆීල්ඩ්ගේ මුහුණ වටකරගත් හදවත් රූප මුද්‍රණය කළ තුවායක් විකිණීමට වෙලින්ටන්හි කලාකරුවෙකු පටන් ගෙන තිබේ.
ඔහු සහ ඔහු වැනි ම වූ අනෙක් තැනැත්තන්, ඡන්දයකින් පත් ව නැවත ඡන්දයකට යාමට සූදානමින් සිටින රජයේ ප්‍රතිරූපය ප්‍රාදේශීය මට්ටමෙන් ඉහළ නංවන ප්රධාන සාධක බවට පත් වී තිබේ. රටවල් දෙකක් වශයෙන් වුව ද, ආර්ථිකයන් සකසුරුවම් ලෙස පාලනය කර තිබෙන අතර, එදිනෙදා ජන ජීවිතයට දැඩි ලෙස විලංගු දම්මවා ගන්නා ලෙස ජනතාව දැනුවත් කරවා තිබේ.
ගැටළුව වන්නේ, එම තත්වය ඇති කරවන අනාගත ආරාවුල් කවරේ ද යන්නයි.
ආර්ඩේන් මහත්මිය සහ මොරිසන් මහත්මා දෙරට අතර සංචාරක දොරටු විවෘත කිරීම සම්බන්ධයෙන් දැනටමත් සාකච්ඡා කර තිබේ. හොඳ කළමනාකරණයක් යටතේ වෛරසය තුරන් කිරීම මගින්, ප්‍රජාතන්ත්‍රවාදය කෙරෙහි පමණක් නොව, දක්ෂ පුද්ගලයන්ගේ වටිනාකම පිළිබඳ ව ද යම් විශ්වාසයක් ගොඩ නගා ගැනීමට හැකිවනු ඇතැ'යි ඒ අතර විද්‍යාඥයෝ කල්පනා කරති. "මේ අවස්ථාවෙහි පෙනෙන්නේ අප හැම දෙන ම එක් ව, එක ම දිසාවකට ඇදගෙන යන බව යි." ක්වීන්ලන්ඩ් සරසවියේ ප්‍රතිශක්තිකරණය පිළිබඳ විද්‍යාඥ වෛද්‍ය මැකායි පැවසී ය.
"මං හිතනව, ඒක අපිට කරගෙන යන්න පුලුවන් කියල. විද්‍යාවේ පුනරාගමනයක් සමහර විට, අපට දකින්න පුලුවන් වෙයි. ඒ ගැන මට සැකයකුත් තියෙනව. ඒත්, කවුද දන්නෙ?" වෛද්‍ය මැකායි එක් කළේ ය.
(පසුගිය අප්‍රේල් 24 දා නිව්යෝර්ක් ටයිම්ස් හි පළ වූ Damien Cave විසින් ලියූ Vanquish the Virus? Australia and New Zealand Aim to Show the Way නමැති ලිපියේ සිංහල පරිවර්තනයකි)
-තම වටිනා කාලය මිඩංගු කරමින් ලංකා ඊ නිව්ස් සිංහල පාඨකයන් වෙනුවෙන් සිංහලට පරිවර්තනය කෙළේ,
කුඩගම්මන සීලරතන හිමි
---------------------------
by (2020-04-29 00:29:20)
|
කොරෝනා මර්දනයට කියා චීනය බාල බඩු ලොව පුරා බෙදද්දී රු. මි. 211 කට අධික වෛද්‍ය උපකරණ තොගයක් ලංකාවට දුන්නා යැයි සෞඛ්‍ය අමාත්‍යාංශය කියයි; ප්‍රමිතිය ගැන නොකියයි..!
https://www.lankaenews.com/news/10656/si
China-Donation-27April2020-LeN-28.04.2020
(ලංකා ඊ නිව්ස් -2020.අප්‍රේල්.28, ප.ව.11.30) චීනයෙන් මිලදී ගත් කොරෝනා පරීක්ෂණ කට්ටල මිලියනයකට වඩා වැඩි තොගයක් ඩැනියුබ් ගඟට දමන්නට සිදුව ඇතැයි ස්ලෝවැකියා අගමැති පවසද්දී සහ බලපත්‍ර නැති චීන සමාගම් පරීක්ෂණ කට්ටල රට පටවන ලදැයි ස්පාඤ්ඤයේ චීන තානාපති කාර්යාලයම පවසද්දී ලංකාවේ කොරෝනා වෙරසය පාලනයට චීන රජයෙන් රුපියල් මිලියන 211 කට අධික වෛද්‍ය උපකරණ තොගයක් දෙවන වරටත් පරිත්‍යාග කරන ලදැයි ද, තව සති දෙකකින් තවත් තොගයක් ලැබෙනු ඇතැයි ද, ලංකාවේ සෞඛ්‍ය අමාත්‍යාංශය මහ ඉහලින් වාර්තා කරයි. එම උපකරණ වල ප්‍රමිතිය පිළිබඳ කිසිවක් නොකියන සෞඛ්‍ය අමාත්‍යාංශය චීන පරිත්‍යාගය පිලිබඳ නිකුත් කළ නිවේදනය පහත දැක්වේ.
"කොරෝනා වෛරසය රට තුල පැතිරීම පාලනය සහ වැළැක්වීම සඳහා අතිගරු ජනාධිපතිතුමන් සහ ගරු අග්‍රාමාත්‍යතුමන් ප්‍රමුඛ ශ්‍රී ලංකා රජය ගෙන වැඩ වැඩපිළිවෙල සහ ක්‍රියාත්මක සෞඛ්‍ය සේවා ශක්තිමත් කිරීමේ අරමුණින් චීන රජය විසින් ඊයේ දින (27) රුපියල් මිලියන 211 කට අධික වටිනාකමකින් යුතු අත්‍යාවශ්‍ය වෛද්‍ය උපකරණ සහ ආරක්ෂිත සෞඛ්‍ය උපකරණ ශ්‍රී ලංකාවේ වැඩ බලන චීන තානාපති Hu Wei මහතා විසින් සෞඛ්‍ය හා දේශීය වෛද්‍ය සේවා අමාත්‍ය පවිත්‍රා වන්නිආරච්චි මහත්මිය වෙත සෞඛ්‍ය අමාත්‍යාංශයේ වෛද්‍ය සැපයීම් අංශයේදී ප්‍රදානය කරන ලදි.
චීන රජය විසින් මෙරට කොරෝනා වෛරසයට එරෙහි සෞඛ්‍ය සේවා ශක්තිමත් කිරීම සඳහා ලබාදුන් වෛද්‍ය උපකරණ අතර Novel Coronavirus (2019-ncoV)Nucleic Acid Diagnosic Kit (PCR-Fluorescence PProbing) 20016 ක් ද , Medical Protective Face Mask 10000 ක්ද , Surgical mask 100000 ක්ද, Disposable Coverall 10000 ක්ද, Medical Goggle 1000 ක්ද, Single -use Rubber Sugial Gloves 5000 ක්ද වේ.
ඒමෙන්ම කොරෝනා මර්දනය සදහා චීනය ගත් ක්‍රියාමාර්ග ඇතුලත් වාර්ථාවක් ද වැඩ බලන චීන තානාපති Hu Wei මහතා විසින් සෞඛ්‍ය හා දේශීය වෛද්‍ය සේවා අමාත්‍ය පවිත්‍රා වන්නිආරච්චි මහත්මිය වෙත ප්‍රදානය කරන ලදී.
මෙහිදී අදහස් දක්වමින් අමාත්‍යවරිය කියා සිටියේ චීනය යනු ලෝකයේ බලවත් රාජ්‍යයක් වන අතර අප රටට දීර්ඝ කාලීනව උදව් කරන සාම්ප්‍රදායික මිතුරෙක් බවය. අප රට කරදරයට පත් සෑම අවස්ථාවකදීම චීනය අපට උදව් කල බවත් දෙවෙනි වරට අද විශාල ලෙස ආධාර ලබා දුන් අතර තව සති දෙකකින් තවත් ආධාර තොගයක් අපට ලබා දීමට චීනය කටයුතු කරන බවය. අප වෙනුවෙන් ලබා දෙන පරිත්‍යාග වලට චීන රජයට අප විශේෂ ස්තූතියක් කරන බවත් පැවසුවාය.
මෙම අවස්ථාවට සෞඛ්‍ය ලේකම් භද්‍රානි ජයවර්ධන මහත්මිය, අතිරේක ලේකම් වෛද්‍ය සුනිල් ද අල්විස් මහතා, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා, අමාත්‍යතුමියගේ පෞද්ගලික ලේකම් සබරගමු පලාත්සභාවේ සභාපති කංචන ජයරත්න මහතා ඇතුලු පිරිසක් එක්ව සිටියහ."
විරාජ් අබේසිංහ
(මාධ්‍ය ලේකම්)
සෞඛ්‍ය හා දේශීය වෛද්‍ය සේවා, කාන්තා හා ළමා කටයුතු සහ සමාජ ආරක්ෂණ අමාත්‍යාංශය
---------------------------
by (2020-04-28 21:22:21)
|
මිනුවන්ගොඩ රෝහල් කාර්ය මණ්ඩලයට නාවික හමුදාවෙන් කොරෝනා..! පරීක්ෂණ කරන්නේ හිතවතුන්ගේ පමණයි..!
https://www.lankaenews.com/news/10657/si
Corona-to-Minuwangoda-Hospital-By-Navy-LeN-29.04.2020
(ලංකා ඊ නිව්ස් -2020.අප්‍රේල්.29, පෙ.ව.3.05) වැඩ (අල) කරන විරුවා විසින් භයානක වසංගතයක් මර්දනයට කියා හමුදාව යොදවා ගැනීමෙන් මේ වන විට රට පුරා වසංගතය මර්දනය කිරීම වෙනුවට වසංගතය පැතිරවීමට හමුදා සෙබලුන් දායක වී තිබීම අතිශය කණගාටුදායක ය. මෙහි තවත් බරපතල සිද්ධියක් වී ඇත්තේ නාවික හමුදා සෙබලුන් නිසා මිනුවන්ගොඩ රෝහල් කාර්ය මණ්ඩලය වෛරසයට ගොදුරු වීමයි. මේ සම්බන්ධයෙන් බස්නාහිර සෞඛ්‍ය ලේකම්ට ලිපියක් යවන සමස්ත ලංකා හෙද සංගමයේ ප්රධාන ලේකම් මැදිවත්ත කියන්නේ ගොදුරු වූ කාර්ය මණ්ඩලයෙනුත් තෝරා ගත් පිරිසකට පමණක් පරීක්ෂණ සිදුකරන බවයි. මෙය බරපතල චෝදනාවකි. එම ලිපිය සම්පූර්ණයෙන් පහත දැක්වේ.
බස්නාහිර පලාත් සෞඛ්‍ය ලේකම්තුමා
පලාත් සෞඛ්‍ය අමාත්‍යංශය,
අංක 175, ස්ටැන්ලි තිලකරත්න මාවත,
නුගේගොඩ.
"කොවිඩ්- 19 රෝගීන්ට ප්රතිකාර ලබාදෙන රෝහලක් බවට පත් කර තිබෙන මිනුවන්ගොඩ මූලික රෝහලේ අත්‍යාවශ්‍ය අළුත්වැඩියා කටයුතුවල නිරත වෙමින් සිටි නාවික හමුදා නිලධාරීන් පිරිසක් කොවිඩ්- 19 වෛරසයේ ආසාදිතයන් ලෙස හඳුනාගෙන තිබේ.
හෙද හෙදියන් ඇතුළු කාර්ය මණ්ඩලයේ විශාල පිරිසක් රෝහල තුල ඔවුන්ගේ දෛනික රාජකාරී කිරීමේදී මෙම නාවික හමුදා නිලධාරීන් සමග සමීපව කටයුතු කර තිබේ. එනිසා තමන්ට ද වෛරසය අසාදනය වී ඇති බවට වූ දැඩි භීතියක් කාර්ය මණ්ඩලය අතර පැතිර ගොස් ඇත.
ඒ අනුව ප්රදේශයේ සෞඛ්‍ය වෛද්‍ය නිලධාරියා සහ මහජන සෞඛ්‍ය පරීක්ෂකවරයා විසින් ආසාදිතයන් සමග ගැටුනු පිරිස් හඳුනාගෙන ඔවුන් විද්‍යානුකූල ක‍්‍රමවේදයකට අනුව වර්ගීකරණය කර ඇත.
එහිදී අවදානම් කාණ්ඩයට අයත් බවට හඳුනාගත් පිරිසට PCR පරීක්ෂණ සිදුකිරීමට කටයුතු සූදානම් කර ඇත. පසුව කිසියම් බලපෑමක් මත එම PCR පරීක්ෂණ සිදුකිරීම නවතා දමා ඇත. නමුත් රෝහල් කාර්ය මණ්ඩලයේ දැඩි ඉල්ලීම මත අද දින (2020. 04. 27) රෝහලේ වෛද්‍ය අධිකාරීවරයාගේ සහ තවත් රෝහල් සේවකයින් කිහිප දෙනෙකුගේ පමණක් PCR පරීක්ෂණ සිදු කර ඇත. මේ පිළිබඳව කිසිසේත්ම සෑහීමකට පත් විය නොහැකි බව ඔවුහු පවසා සිටිති.
තම ජීවිත අවදානම පවා නොතකා රාජකාරියේ නිරත වී සිටින සෞඛ්‍ය කාර්ය මණ්ඩලයේ ආරක්ෂාව සම්බන්ධයෙන් වගකිවයුතු සෞඛ්‍ය බලධාරීන් දක්වා ඇති අඩු සැලකිල්ල පිළිබඳව අපගේ බලවත් අප‍්‍රසාදය පලකරමු. කෙසේ වූවද හෙද හෙදියන්ගේ ආරක්ෂාව සම්බන්ධව මැදිහත්වීමට වෘත්තීය සමිතියක් ලෙස අපටද වගකීමක් ඇති බව අවධාරණය කරමු.
එබැවින් ඉහත සිදුවීම නිසා තම සෞඛ්‍ය තත්වය පිළිබඳ අවිනිශ්චිත තත්වයකට මුහුණ පා ඇති හෙද හෙදියන් ඇතුළු මිනුවන්ගොඩ මූලික රෝහලේ කාර්ය මණ්ඩලයේ ආරක්ෂාව වෙනුවෙන් සිදු කල යුතු PCR පරීක්ෂණ ප‍්‍රමාදයකින් තොරව සිදුකර ඔවුන්ට නිදහස් මනසකින් සේවය කිරීමට අවශ්‍ය පරිසරය රෝහල තුල ඇති කරන ලෙස ඉල්ලමු.
හෙද නිලධාරී එස්. බී. මැදිවත්ත
ප්රධාන ලේකම්
සමස්ත ලංකා හෙද සංගමය.
පිටපත්
01. සෞඛ්‍ය ලේකම් භද්‍රානී ජයවර්ධන මහත්මිය (අ.ක.ස)
02. සෞඛ්‍ය සේවා අධ්‍යක්ෂ ජනරාල්තුමා (අ.ක.ස)
03. බස්නාහිර පලාත් සෞඛ්‍ය සේවා අධ්‍යක්ෂතුමා (අ.ක.ස)
04. කර්තෘ ලංකා ඊ නිව්ස්
---------------------------
by (2020-04-28 21:48:37)
|
මේ මොහොතේ ගෝඨාභයට සහයෝගය දෙන්න දඟලන්නේ පයිත්තියන් ද..? ගොබ්බ පක්ෂ නායකයන්ගෙන් ආනුභාවනන්ද අසයි
https://www.lankaenews.com/news/10654/si
Anubhawananda-ask-Party-leaders-LeN-28.04.2020
(ලංකා ඊ නිව්ස් -2020.අප්‍රේල්.28, පෙ.ව.9.15) ගෝලීය කෝවිඩ් 19 වසංගතයට මුහුණ දීම සඳහා ජනාධිපති ගෝඨාභය රාජපක්ෂ ගනු ලැබූ පළමු පියවරක් වූයේ "සාක්" කොරෝනා අරමුදලට රුපියල් කෝටි 100 ක් එනම් ඇමරිකානු ඩොලර් මිලියන 5 ක ප්‍රදානයක් කිරීමය. දකුණු ආසියානු සාක් කලාපයේ රටවල කෝවිඩ් 19 වසංගතය පැතිර යෑමට එරෙහිව සටන් කිරීම මේ අරමුදල පිහිටුවීමේ අරමුණ විය. මේ අරමුදලට ලැබෙන මුදලින් සාක් කලාපයේ රටවල කොරෝනා වසංගත සටන ජය ගත නොහැකි නමුත් මෙය කලාපීය සහයෝගය ප්‍රදර්ශනය කරන සංකේතාත්මක අරමුදලකි.
දකුණු ආසියානු කලාපයේ ආර්ථික සහ දේශපාලන බලවතා ඉන්දියාවයි. සාක් කලාපයේ සමස්ත ආර්ථිකයට 80% ක දායකත්වයක් ලබාදෙන්නේ ඉන්දියාවයි. නැගී එන ලෝක ආර්ථික බලවතා ඉන්දියාවයි. මිලදී ගැනීමේ ශක්තිය අනුව ලෝකයේ තුන්වන ස්ථානයත්, ලෝකයේ පස්වන ශක්තිමත්ම ආර්ථිකය හිමිවන්නේ ඉන්දියාවට ය. ඉන්දීයාව G 20 ලෝක ආර්ථික බලවතුන් අතර ද සිටියි. එවැනි ආර්ථික බලවතකු වන ඉන්දීයාව සාක් කොරෝනා අරමුදලට ලබාදුන්නේ ඇමරිකානු ඩොලර් මිලියන 10 කි. ඉන්දියාවේ ජනගහනය බිලියන 1.4 කි. ඒ අනුව ඉන්දියාවේ ජනගහනයෙන් මිලියනයක් මේ අරමුදලට ඇමරිකානු ඩොලර් 7142 ක් බැගින් ලබා දී තිබේ.
බංගලිදේශය යනු වර්තමානයේ නැගී එන ආසියාවේ ආර්ථික බලවතෙකි. දකුණු ආසියාවේ ඉන්දියාව පසුපසින් සිටින ආර්ථික බලවතා බංගලිදේශයයි. වසර 2018 දී එහි ආර්ථික වර්ධනය 8% කි. ඔවුන් සාක් අරමුදලට ලබා දුන්නේ ඇමරිකානු ඩොලර් මිලියන 1.5 කි. එහි ජනගහනය මිලියන 161 කි. ඒ අනුව බංගලිදේශයේ ජනගහනයෙන් මිලියනයක් මේ අරමුදලට ඇමරිකානු ඩොලර් 9317,ක් බැගින් ලබාදී තිබේ.
නේපාලය සාක් අරමුදලට ඇමරිකානු ඩොලර් ලක්ෂයක් ලබාදුන්නේ ය. නේපාලයේ ජනගහනයෙන් මිලිනයක් මේ අරමුදලට ඇමරිකානු ඩොලර් 3413 ලබාදී ඇත.
ගෝඨාභයගේ පුහු මමංකාරය..
මිලියන 21 ක ජනගහනයක් සිටින ශ්‍රී ලංකාව ඇමරිකානු ඩොලර් මිලියන 5 ක් මේ අරමුදලට ලබාදුන්නේ චීනයෙන් විශාල ණයක් ලබා ගෙන පැය 48 ක් යෑමටත් පෙරය. ශ්‍රී ලංකාවේ ජනගහනයෙන් මිලියනයක් මේ අරමුදලට ඇමරිකානු ඩොලර් 238,095 ක් ලබාදී තිබේ. ජනගහනය සමඟ සංසන්දනය කරන විට විශාලම ප්‍රදාන සාක් කොරෝනා අරමුදලට සිදු කර ඇත්තේ ශ්‍රී ලංකාවයි. එහෙත් එවැනි ප්‍රදානයක් කිරීමේ ආර්ථික ශක්තියක් අපට නැත. නැත. නැත.
ශ්‍රී ලංකාව යනු ඇමරිකානු ඩොලර් බිලියන 15 ක ණය උගුලක සිරවී සිටින රටකි. වාර්ෂික ආර්ථික වර්ධනය අනෙකුත් කලාපයේ රටවල් සමඟ සංසන්දනය කරන විට නොසැලකිය හැකි තරම්ය. ශක්තිමත් ආර්ථිකයක් පවතින ඉන්දියාව පවා එවැනි විශාල ප්‍රදානයක් නොකරන්නේ එය අනවශ්‍ය මූල්‍ය පිරිවැයක් බැවිනි. මෙවැනි අරමුදල්වලට ඇත්තේ සංකේතාත්මක වටිනාකමක් පමණි.
එහෙත් ජනාධිපති ගෝඨාභය රාජපක්ෂ රටට දැරිය නොහැකි මුදලක් තම පෞද්ගලික අභිමතය පරිදි මෙසේ ප්‍රදානය කරන්නේ මන්ද? මේවා මමංකාර කේන්ද්‍රීය (egocentric) තීරණය. මෙවැනි පුද්ගලයන් මෙහෙයවනු ලබන්නේ හුදු මමංකාරය විසිනි. ඕනෑම අවස්ථාවක තමන්ගේ මතුවීම ගැන සිතනවා හැරෙන්නට සාමූහිකව කටයුතු කිරීමට මෙවැනි පුද්ගලයන්ට අවශ්‍යතාවයක් නැත. ජනාධිපති ගෝඨාභය රාජපක්ෂ මහජන මුදල් රුපියල් කෝටි 100 ක් ප්‍රදාන කරනුයේ සිය මමත්වය ඉහළ දමා ගැනීමටය. සාක් කලාපයේ රටවල් අතරින් වැඩිම ප්‍රදානය කළ රාජ්‍ය නායකයා වීමේ ආශාව සහ ඒ පසුපස තිබෙන පුහු මාන්නය රඳවා ගැනීමේ අවශ්‍යතාව නිසාය.
ගෝඨාගේ මමංකාරයට එල්ල වූ ප්‍රබල ප්‍රහාරය..
ඕස්ට්‍රේලියානු lCMA (lnstiute of Chartered Accountant Association) විසින් ප්රසිද්ධ කළ සමීක්ෂණ වාර්තාවක් අනුව කොවිඞ්-19 පාලනයට ගත් පියවර අනුව ලංකාව ලොව හොඳම රටවල් අතර 9 වැනි ස්ථානයට පත්ව ඇති බවට බයි මාධ්‍ය ගෙන ගිය ප්‍රචාරය ද ජනාධිපති ගෝඨාභය රාජපක්ෂගේ හුදු මමංකාරය තෘප්තිමත් කිරීමට දියත් වූ ව්‍යාපෘතියකි.
පළමු කෝවිඩ්-19 රෝගියා මුණගැසුණු මොහොතේ සිට බයි මාධ්‍ය සිය බයි ජනතාව ගොනාට ඇන්ද වූයේ පළමු ලෝකයේ ධනවත් රටවලට වඩා විශිෂ්ට ලෙස ජනාධිපති ගෝඨාභය රාජපක්ෂ ලංකාවේ කොරෝනා වෙෙරසය මර්දනය කරන බව කියමිනි. ‘ස්වෝත්තමවාද වෙෙරසය’ දැඩිව වැළඳී සිටි දේශීය සහ විදේශීය බයියන් ඒ දිනවල යුරෝපා සහ උතුරු ඇමරිකාවේ ජනතාව දහස් ගණනින් මිය යන ආකාරය දකිමින් ප්‍රීතියෙන් ඉපිලී ගියහ. එහෙත් ලෝකයේ ප්‍රකට Forbes සඟරාව අප්‍රේල් මාසයේ මුල් සතියේ පල කළ සමීක්ෂණ වාර්තාවකින් බයි ජනතාවගේ සිහින ලෝකය බිඳ වැටුණි. කොවිඩ් 19 වසංගතයෙන් සෞඛ්‍යමය, ආර්ථිකමය හා සමාජමය වශයෙන් ඇතිවිය හැකි බලපෑම අනුව වැඩිම අවදානමක් ඇති රටවල් 20 අතරින් ශ්‍රී ලංකාව 16 ස්ථානයේ සිටියි.
මේ සමීක්ෂණ සිදු කරනු ලැබූවේ Deep Knowledge Group ආයතනය විසිනි. එම ආයතනය අවධානයට යොමු කළ ලෝකයේ රටවල් 150 කට වැඩි ප්රමාණයක් අතරින් වැඩිම අවදානමක සිටින රටවල් අතර 16 වන ස්ථානය ශ්‍රී ලංකාවට හිමිවිය. ලෝක ප්‍රකට Forbes සඟරාව උපුටා දැක්වූ සමීක්ෂණ වාර්තාව හේතුවෙන් ඒ වන තෙක් බයි මාධ්‍ය නිර්මාණය කළ ගොබෙල්ස් මිථ්‍යාව බිඳ වැටුණි.
අමුඩයේ කැත කර ගත් ආචාර්ය නාලක ගොඩහේවා..
මෙයට ප්‍රතිකර්මයක් වශයෙන් ICMA ඕස්ට්‍රේලියානු සමීක්ෂණය නිර්මාණය කළේය. lCMA ශ්‍රී ලංකා ශාඛාවේ සභාපතිවරයා වන්නේ කුප්‍රකට චරිකයක් වන ආචාර්ය නාලක ගොඩහේවා ය. ඔහු රාජපක්ෂ රෙජීමය සමයේ රුපියල් මිලියන ගණනාවක් වංචා කිරීම සම්බන්ධයෙන් අධිකරණයෙන් ඇප ලබා සිටින චුදිතයෙකි. ඉදිරි මහ මැතිවරණ සඳහා ගම්පහ දිස්ත්‍රික්කයට පොහොට්ටුවෙන් තරඟ කරන අපේක්ෂකයෙකි. ජනාධිපති ගෝඨාභය රාජපක්ෂගේ සමීපතම ආධාරකරුවෙකි. ලංකාවේ කොරෝනා මර්දනයේ සාර්ථකත්වය පිළිබඳ ඔස්ට්‍රේලියානු ශාඛාවට අදාළ නිර්දේශ ලබාදී ඇත්තේ නාලක ගොඩහේවා ය. ඔහු ඒ සඳහා මූලාශ්‍ර වශයෙන් භාවිතා කර ඇත්තේ බයි මාධ්‍ය වාර්තාය.
කොවිඩ් 19 පාලනයට ගත් පියවර අනුව ලංකාව ලොව හොඳම රටවල් අතර 9 වැනි ස්ථානයට නම් කර තිබෙන එම සමීක්ෂණ පිළිබඳ ගූගල් කළ විට දක්නට ලැබෙන්නේ ලෝකයේ කිසිදු ප්‍රකට මාධ්‍ය ආයතනයක් මේ සමීක්ෂණ වාර්තාව උපුටා දක්වා නැති බවයි. ඒ වාර්තාව උපුටා දක්වා ඇත්තේ ලංකාවේ බයි මාධ්‍ය පමණි. මේ සමීක්ෂණ වාර්තාවට නාලක ගොඩහේවාගේ සම්බන්ධතාව හෙළිවීමත් සමඟ එය තවත් ගොබෙල්ස් මාදිලියේ මාධ්‍ය මෙහෙයුමක් බව තහවුරු වෙමින් පවතියි.
මමංකාර ව්‍යාධිය දිගටම...
ගෝඨාභය රාජපක්ෂගේ මෙම මමංකාර ව්‍යාධිය කොරෝනා මර්දනයට පමණක් අදාළ වන්නක් නොවෙයි. එය ඔහු තුළ ජන්මගතව තිබෙන ව්‍යාධියකි. රජයේ හමුදා සහ එල්.ටී.ටී.ඊ සංවිධානය අතර තීරණාත්මක ගැටුම් ඇතිවූ අසූව දශකයේ අගභාගයේ දී ගෝඨාභය රාජපක්ෂ හමුදා සේවයෙන් ඉල්ලා අස්වී ඇමරිකාවේ ස්ථිර පදිංචිය සඳහා සිය පවුල සමඟ නික්ම ගියේය. ඉන්පසුව ඇමරිකාවේ පුරවැසිභාවය ලබා ගන්නා ඔහු නැවත ශ්‍රී ලංකාව දෙස හැරී බලන්නේ සිය සොහොයුරා වන මහින්ද රාජපක්ෂ වසර 2005 දී ජනාධිපතිධූරයට පත්වීමත් සමඟය. ඔහු ආරක්ෂක අමාත්‍යාංශයේ ලේකම්වරයා වශයෙන් වැඩ භාර ගත්තේය. එල්.ටී.ටී.ඊ සංවිධානය යුධමය වශයෙන් පරාජය කිරීමේ වැඩපිළිවෙළේ දී ඔහු විශේෂ වැඩකොටසක් ඉටු කළේය. ඒ යුද්ධයට අවශ්‍ය අවි ආයුධ ඇතුළු සම්පත් අඛණ්ඩව සැපයීම සහ ත්‍රිවිධ හමුදාව සහ පොලීසිය අතර අවශ්‍ය සම්බන්ධීකරණ ඇති කිරීම මගිනි. ඒ ගෞරවය ඔහුට හිමිවිය යුතුය. එහෙත් යුද්ධය මෙහෙයවූයෙත් යුධ සැලසුම් නිර්මාණය කළේත් ත්‍රිවිධ හමුදාපතිවරුන්ය.
යුද්ධයේ විශාල වැඩ කොටසක් පැවරුණේ යුධ හමුදාවටය. එබැවින් යුද්ධය මෙහෙයවීමට මෙන්ම එහි සැලසුම් ක්‍රියාත්මක කිරීමේ වැඩි වගකීම පැවරුණේ යුධහමුදාපති සරත් ෆොන්සේකාට ය. යුද්ධය ජයගත් පසුව එහි ජයග්‍රාහී පොදු ජන ප්‍රශංසාව හිමිවූයේ සරත් ෆොන්සේකාටය. මෙය ගෝඨාභය රාජපක්ෂගේ මමංකාරයට එල්ල වූ ප්‍රබල ප්‍රහාරයක් විය. එල්.ටී.ටී.ඊ යට එරෙහි යුධ ජයග්‍රහණයේ අයිතිය තනි භුක්තියට නතු කර ගැනීමට ඔහුට අවශ්‍ය විය. ඒ සඳහා දැවැන්ත මාධ්‍ය මෙහෙයුමක් දියත් කළේය. සරත් ෆොන්සේකා දේශද්‍රෝහියෙක් කර සිර ගත කළේය. අවසානයේ කුලී ලියන්නෙකු ලවා "Gotas' War" (ගෝඨාගේ යුද්ධය) නමින් පොතක් රචනා කර එල්.ටී.ටී.ඊ යට එරෙහි යුධ ජයග්‍රහණය තම ගිණුමට බැර කර ගත්තේය. එම ග්‍රන්ථයට අනුව යුද්ධය මෙහෙයවා තිබෙන්නේ ගෝඨාභය රාජපක්ෂය..!!!
රාජ්‍යය යනු මමයි...ගෝඨාගේ නෛසර්ගික රෝගය..
ප්‍රංශයේ 14 වන ලුවී රජු "රාජ්‍ය යනු මමයි" යන්න තරයේ ඇදහූයේය. ජනාධිපති ගෝඨාභය රාජපක්ෂගේ දැඩි මමංකාරය ගෙන ගොස් ඇත්තේ ද "රාජ්‍ය යනු මමයි" යන අහංකාර, උද්දච්ඡ, ඒකාධිපති ස්වරූපයටය. මේ තත්ත්වය කොරෝනා වසංගතය හේතුවෙන් මතුවූවක් නොවේ. මෙය ගෝඨාභය රාජපක්ෂගේ නෙෙසර්ගික ගති ලක්ෂණයකි. ජනාධිපතිධූරයේ දිවුරුම් දුන් අවස්ථාවේ සිට ඔහු අධිකරණයට සහ ව්‍යවස්ථාදායකට කිහිපවිටක්ම තර්ජනය කළේ තමන්ගේ වැඩ කටයුතුවලට බාධා නොකරන ලෙස කියමිනි. මේ අතර පැමිණි කොරෝනා වසංගතය ඔහුට වෙස්වලාගෙන පැමිණි ආශීර්වාදයක් විය. පාර්ලිමේන්තුව විසුරුවා හැරීමට ලැබෙන පළමු අවස්ථාවේදීම ඔහු පාර්ලිමේන්තු විසුරුවා හැරියේය. කොරෝනා වසංගතය පිහිටෙන් ඔහු අධිකරණ ද වසා දැම්මේය. දැන් "රාජ්‍ය යනු මමයි" කියමින් සිය ඇම්බැට්ටයන් සමඟ විවිධ ‘කාර්ය සාධක බලකා’ නමින් රට පාලනය කරන්නේය.
2005 මැයි මස 13 දින පාර්ලිමේන්තුවේ සම්මත කල 2005 අංක 13 දරණ ශ්‍රී ලංකා ව්‍යසන කලමනාකරණ පනත මගින් මෙවැනි වසංගතයක් හෝ ස්වාභාවික විපතකදී ස්ථාපිත කළ යුතු ආයතනික ව්‍යුහයක් හඳුන්වා දී ඇත. එහෙත් ගෝඨාභය රාජපක්ෂ ඒ සියල්ල නොසලකා හැර හමුදාව සහ සිය ඇම්බැට්ටයන් එක්ව කෝවිඩ් 19 වසංගතය මර්දන වැඩපිළිවෙළ ක්‍රියාත්මක කළේය. ආරම්භයේ දී අගමැතිවරයාට හෝ එහි භූමිකාවක් නොවීය. ඔහු සිය ස්ථානය තහවුරු කරගත්තේ බලහත්කාරයෙනි. කැබිනට් ඇමතිවරුන්ට අදටත් තැනක් නැත. මෙවැනි අවස්ථාවක ක්‍රියාත්මක වීමට ජාතික ආපදා කළමනාකරණ මධ්‍යස්ථානය නමින් ආයතනයක් ඇත. එහි ශාඛා දිස්ත්‍රික්ක මට්ටමින් ස්ථාපිත කර තිබේ. එහි නිළධාරීහු දෙස් විදෙස් පුහුණුව ලැබූවෝ වෙති. ගෝඨාභය රාජපක්ෂ එම නිළධාරීන්ගේ සහයෝගය ලබාගන්නවා වෙනුවට එම ආයතනය යුධහමුදාවේ ආධිපත්‍යයට යටත් කළේය. ආපදා කළමනාකරණ ගැන දැනුමක් ඇති නිලධාරිහු යුධහමුදා නිළධාරීන් අනුගමනය කරන වැරදි ප්‍රවේශ පෙන්වාදීමට උත්සාහ කළහ. එහෙත් හමුදා නිලධාරීහු සුපුරුදු තර්ජනය භාවිතා කරමින් ඔවුන් නිහඬ කළහ. අත්දැකීම් සහිත එම නිලධාරීහු දැන් "දෙන දෙයක් කා වෙන දෙයක් බලාගෙන සිටීමේ" ප්‍රතිපත්ති අනුගමනය කරති.
කොරෝනා වැළඳුනු සැනින් දේශද්‍රෝහී වූ රණවිරුවා..
ජනාධිපති ගෝඨාභය රාජපක්ෂ සහ ඔහුගේ වහල් බයි ජනතාවත් ඔවුන්ව ගොනාට අන්දවන බයි මාධ්‍යයත් සිතා සිටියේ හමුදාවේ බාහු බලයෙන් කොරෝනා වසංගතය මර්දනය කළ හැකි බවයි. හමුදාවට කළ හැකි සුවිශේෂී කාර්යයක් තිබුණ ද මූලිකත්වය දිය යුත්තේ ප්‍රජා සෞඛ්‍ය සේවකයන්ට බව අපි දිගින් දිගටම පෙන්වා දුන්නෙමු.
දැන් වැඩේ "අල" වී තිබේ. නොදන්නා ප්‍රජා සෞඛ්‍ය කටයුතු වලට යොදා ගැනීම හේතුවෙන් නාවික හමුදා භටයන් විශාල පිරිසකගේ ජීවිත අවදානමකට ලක් කර ඇත. රටක් වටිනා නාවික නිළධාරියකුගේ ජීවිතය අහිමි වීය. පසුගිය කාලය පුරා කොරෝනා මර්දනය කරන "රණවිරුවන්" වශයෙන් බයි ජනතාව සහ බයි මාධ්‍ය උත්කර්ෂයට නැංවූ හමුදා සාමාජිකයන්, කොරෝනා වැළඳුනු සැනින් දේශද්‍රෝහී වී තිබේ. බයි මාධ්‍ය මේ නාවික හමුදා සාමාජිකයන්ගේ නිවාස ආක්‍රමණය කරමින් ඔවුහු අපහසුතායට පත් කරමින් සිටිති. බයි ජනතාව ගමට පැමිණි නාවික හමුදා භටයන් සිය නිවෙස් වලින් එලවා දැමීමට කටයුතු කරති. "රණවිරුවන්" සුරුකීමට පැමිණි "විරුවා" මේ සියල්ල නොදැක්කා මෙන් සිටියි.
"රාජ්‍ය යනු මමයි" යන උද්දච්ඡ ඒකාධිපති ස්වරූපයෙන් කටයුතු කරන ගෝඨාභය රාජපක්ෂ කොරෝනා වසංගතයට මුහුණ දීම සඳහා විපක්ෂයේ සහයෝගය කිසිවිටෙක බලාපොරොත්තු වූයේ නැත. විපක්ෂයේ තබා සිය කැබිනට් මණ්ඩලයේ සාමාජිකයන්ගේ සහයෝගය පවා ලබා ගත්තේ නැත. ඔහු සියල්ල මෙහෙයවන්නේ යුධ හමුදාපතිවරයාගේ මූලිකත්වයෙන්ය. අනෙක් පසින් රජයේ කිසිදු වගකීමක් නොදරන බැසිල් රාජපක්ෂය. විපක්ෂ දිගින් දිගට ඉල්ලා සිටින්නේ පාර්ලිමේන්තුව යළි කැඳවන ලෙසය. ඒ පිළිබඳව ඉතා උද්දච්ඡ ප්‍රතිචාර දක්වන ජනාධිපතිවරයා කියා සිටින්නේ කිසි විටෙක පැරණි පාර්ලිමේන්තුව යළි නොකැඳවන බවයි. ඔහු සැලසුම් කර ගෙන සිටියේ අප්‍රේල් 19 වන දා කොරෝනා වසංගතය අවසන් කළ බව ජයග්‍රාහීව ප්‍රකාශයට පත් කර මැයි මස මහ මැතිවරණය පැවැත්වීමටය. ඒ සඳහා වන මූලික පදනම බයි මාධ්‍ය ඒ වනවිටත් සකස් කර තිබිණි.
එල්.ටී.ටී.ඊ මරණ ලැයිස්තුවේ සිටි මහාචාර්ය හූල් ..
මළකඳන් උඩින් හෝ හැකි ඉක්මනින් මහ මැතිවරණය පැවැත්වීම රාජපක්ෂ පවුලේ දේශපාලන උවමනාව විය. මහ මැතිවරණය ඉක්මනින් පැවැත්වීමට විරුද්ධ වූ මැතිවරණ කොමිසමේ සාමාජික මහාචාර්ය හූලේට එල්.ටී.ටී.ඊ හංවඩුව ගැසීමට බයි මාධ්‍ය ඉදිරිපත් විය. මහාචාර්ය හූලේ යනු එල්.ටී.ටී.ඊ මරණ ලැයිස්තුවේ සිට දිවි ගලවාගත්තෙකු බව මේ බයියන් නොදැනීම කණගාටුදායකය. කෙසේ නමුත් රාජපක්ෂ පවුලේ සැලසුම් බිඳවැටුණේ රටපුරා කෝවිඩ් 19 රෝගීන් මුණ ගැසීමත් සමඟිනි. දැන් බයි මාධ්‍ය එහි වගකීම ජනතාව මත පටවමින් සිටියි.
සුනාමි ව්‍යසනයේදී චන්ද්‍රිකා...
රටේ ව්‍යසනයක් ඇති වූ අවස්ථාවක විපක්ෂය ආණ්ඩුවට සහයෝගය ලබාදීමත්, ආණ්ඩුව ඒ සහයෝගය ගෞරවනීය ලෙස ලබා ගැනීමත් ප්‍රජාතන්ත්‍රවාදී ක්‍රමයේ ලක්ෂණයකි. සුනාමි විපත ඇතිවූ අවස්ථාවේ චන්ද්‍රිකා බණ්ඩාරනායක කුමාරතුංග ජනාධිපතිනිය එජාපයේ සහ ජ.වි.පෙ සහයෝගය පුනරුත්ථාපන වැඩපිළිවෙළ සඳහා ලබා ගත්තාය. උතුරු නැගෙනහිර දී එල්.ටී.ටී.ඊ සංවිධානය සමඟ පවා යම් සහයෝගයකින් වැඩ කළාය. ඒ අවස්ථාවේ දී ඇය උද්දච්ඡ ඒකාධිපති ස්වරූපයකින් කටයුතු නොකළා ය.
තවදුරටත් මේ උද්දච්ඡ මිනිසා පිටුපස බඩ ගෑම..
එහෙත් මේ අවස්ථාවේ දී ජනාධිපති ගෝඨාභය රාජපක්ෂ කටයුතු කරන්නේ "රාජ්‍ය යනු මමයි" යන ඔහුගේ සුපුරුදු ඒකාධිපති ස්වරූපයෙන්ය. විපක්ෂ සම්පූර්ණයෙන්ම නොසලකා හැර තිබේ. ඒ වෙනුවට විපක්ෂය මර්දනය කරමින් සිටියි. රංජන් රාමනායක හිටපු මන්ත්‍රීවරයා නිකරුණේ අත්අඩංගුවට ගත්තේය. සමාජ ක්‍රියාකාරීන්, නීතිඥයන් විරුද්ධ මතධාරීන් අත්අඩංගුවට ගනියි. සමාජ මාධ්‍යයන්හි ආණ්ඩුවට විරුද්ධ මත ප්‍රකාශ කරන්නන් අත්අඩංගුවට ගනිමින් විශාල භීෂණයක් නිර්මාණය කර ඇත. විපක්ෂයේ සැබෑ සහයෝගයක් බලාපොරොත්තු වන්නේ නම් ජනාධිපතිවරයා මෙලෙස හැසිරෙන්නේ නැත. ඔහු ලබා දෙන දේශපාලන පණිවිඩය පැහැදිලිය.
මේ අතර රනිල් වික්‍රමසිංහ, ආර් සම්බන්ධන්, සජිත් ප්‍රේමදාස, රවුෆ් හකීම්, රිෂාඩ් බදියුද්දීන්, මනෝ ගනේෂන් සහ පාඨලී චම්පික රණවකගේ අත්සනින් යුතුව ජනාධිපති ගෝඨාභය රාජපක්ෂට ලිපියකින් දැනුම් දී (27 අප්‍රේල් ) ඇත්තේ 2020 මාර්තු 2 විසුරුවා හරින ලද පාර්ලිමේන්තුව නැවත කැඳවන්නේ නම් ‘වගකීමෙන් සහයෝගය දීමට’ තමන් එකඟ බවයි. පසුගිය මාස කිහිපයක කාලය පුරා මේ ආයාචනය විපක්ෂය දිගින් දිගටම කළේය. එහෙත් ජනාධිපතිවරයා එම ඉල්ලීම් තඹ පයිසෙකටවත් ගණන් ගත්තේ නැත.
ඒ වෙනුවට පාර්ලිමේන්තුවේ බාහිර ආරක්ෂාව සඳහා සිටි පොලිස් නිළධාරීන් ඉවත්කර යුධ හමුදාව ඒ සඳහා ස්ථාන ගත කළේය. එබැවින් යළිත් වරක් එම ඉල්ලීම ඉදිරිපත් කිරීමේ තේරුමක් නැත. තවදුරටත් මේ උද්දච්ඡ මිනිසා පිටුපස බඩ ගෑමේ තේරුමක් නැත. මේ තත්ත්වය තේරුම් ගනිමින් ජ.වි.පෙ මෙම ලිපියට අත්සන් නොකිරීම නිවැරදිය. මෙවැනි ඉල්ලීම් හේතුවෙන් ගෝඨාභය රාජපක්ෂගේ මමංකාර ව්‍යාධිය තවදුරටත් උත්සන්න වෙනවා හැරෙන්නට සිදුවන සුගතියක් නැත.
කටට්ටිවාදී ආණ්ඩුවකට සහයෝගය ලබාදිය යුතු ද? පැහැදිලිවම නැත...
ජ.වි.පෙ සිය බිම් මට්ටමේ කාඩරය මෙහෙයවමින් ස්වේච්ඡාවෙන් සෞඛ්‍ය සේවකයන්ට මෙන්ම ජනතාවට හැකි අයුරෙන් උදව් කරමින් සිටියි. ඔවුහු දහස් ගණනින් මුව ආවරණ මසමින් ඒවා ඉදිරි පෙළ සෞඛ්‍ය සේවකයන්ට ලබාදෙති. එහෙත් මේ ස්වේච්ඡා මැදිහත්වීමට ආණ්ඩුව ප්‍රතිචාර දක්වන්නේ සිය සමාජ මාධ්‍ය මෙහෙයුම් කණ්ඩායම් උපයෝගී කරගනිමින් ජ.වි.පෙට එරෙහිව මඩ, අවලාද සහ වෙෙරය වැපිරීම මගිනි. පීඩාවට පත් වූ ජනතාවට සහල් සහ ආහාර ද්‍රව්‍ය බෙදූ රංජන් රාමනායකව ක්‍රමන්ත්‍රණකාරී ලෙස අත්අඩංගුවට ගත්තේය. ජනතාවට ලබා දෙන රුපියල් පන්දාහේ දීමනාව සම්පූර්ණයෙන්ම දේශපාලනීකරණය කර ඇත. එම මුදල් බෙදන්නේ පොහොට්ටුවේ ප්‍රාදේශීය සභා මන්ත්‍රීවරුන්ගේ නිවෙස්වලය. ජනතාවට ලබාදෙන සහන බඩු මල්ල පවා ලබාදෙන්නේ පොහොට්ටුවේ බයි ජනතාවට පමණි. මෙවැනි කටට්ටිවාදී දේශපාලනයක නිරත වන ආණ්ඩුවකට කොරෝනා වසංගතය පරාජය කිරීමට අප මේ මොහොතේ සහයෝගය ලබාදිය යුතු ද? පැහැදිලිවම නැත.
මෙවැනි උද්දච්ඡ, ඒකාධිපති ආණ්ඩුවකට කොන්දේසි විරහිතව සහයෝගය දීමට විපක්ෂයක් ඉදිරිපත්වේ නම් එහි නායකාධිකාරීන්ගේ මොළය පරීක්ෂා කළ යුතුය. මේ මොහොතේ ජනතා හිතකාමී විපක්ෂයක වගකීම වන්නේ කොරෝනා වසංගත මර්දනයට මුවා වී ආණ්ඩුව ගෙන යන ප්‍රජාතන්ත්‍ර විරෝධී, ඒකාධිපති, ෆැසිස්ට්වාදී වැඩපිළිවෙළ පරාජය කිරීමය. මුව ආවරණ මසනවාට හෝ ජනතාවට ආධාර බෙදනවාට වඩා එය මහඟු සේවයකි. එය සැබෑ විපක්ෂයකට අත්නොහැරිය හැකි වගකීමකි.
අනුභාවනන්ද
anubhawananda1@gmail.com
ලියුම්කරුගේ පෙර ලිපි පහත දිගුවෙන්
https://www.lankaenews.com/category/33
---------------------------
by (2020-04-28 04:25:49)
|
කොරෝනා මර්දනයට උපාය මාර්ගයක් නැතිකම වැඩ අල කරන විරුවාගේ එකම උපාය මාර්ගයයි..! නාවික සෙබලුන් අසාදිත වෙද්දී නාවික විරුවා ටික්ටොක් බාල් නටයි..!
විශේෂ ලියුම්කරුවෙක් ලියයි
https://www.lankaenews.com/news/10652/si
No-Stratagies-LeN-27.04.2020
(ලංකා ඊ නිව්ස් -2020.අප්‍රේල්.27, ප.ව.11.30) කොරෝනා වයිරස පවුලේ ඉතිහාසය 1930 වැනි අතීතයකට යයි. ඒ ගෘහාශ්‍රිත කුකුළන්ට වැළඳුනු ස්වසන රෝගයක් ලෙසය. මිනිසුන්ට වැළඳුනු කොරෝනා වෛරසයක් හමුවන්නේ 1960 දී ය. වර්ෂ 90 ක් වැනි කාලපරාසයක් තුල මෙම වයිරසය සියදහස් වාරයක් විපර්යාසයන්ට භාජනය වී පරිණාමීය වෙමින් පැමිණ තිබේ .
SARS-CoV in 2003, HCoV NL63 in 2004, HCoV HKU1 in 2005, MERS-CoV in 2012, යන වයිරස වලින් පසුව SARS-CoV-2 in 2019 ලෙස වත්මන් කාලයේ මානව ජීවිතවලට දැඩි බලපෑමක් එල්ල කරමින් සිටී. මුලදී කුරුල්ලන්ට මෙම වයිරසයෙන් මරණ හානිය 40% 90% අතර වූ අතර SARS-CoV in 2003 අවස්ථාවේදී එය 9% ක මරණ අනුපාතයක් විය 2003 කාලයේදී ලෝකයේ සාමාජ මාධ්‍ය ප්‍රබල නොවූ බැවින්ද ප්රධාන ධාරාවේ මාධ්‍ය SARS-CoV in 2003 සඳහා වර්තමානයේ මෙන් ලොකු ඉඩක් මාධ්‍ය තුල ලබා නොදීමද විශේෂයි. ඊට ප්රධාන හේතුව වුයේ 2003 වසරේදී ඇමරිකාව සිදුකළ ඉරාක යුධ ආක්‍රමණයයි. සියලු මාධ්‍ය ඉරාක යුද්දය සඳහා ඉඩ ලබා දී තිබිණ. නමුත් 2019 වසරේදී ඇතිවුන SARS-CoV-2 2019 පිළිබදව මුළු ලෝකයේම සමස්ත අවධානය දිනාගෙන තිබිණ. ඇමෙරිකානු මාධ්‍ය දිනපතා 90% කට වඩා SARS-CoV-2 in 2019 සඳහා ලබා දීමත් සමග සමාජ මාධ්‍ය තුල SARS-CoV-2 in 2019 පිළිබඳ තොරතුරු වැඩිවශයෙන් සංසරණය විය.
'බොරළුගොඩ පිනා' කී සියවසේ විහිලුව..
2019 දෙසැම්බර් වන විට ලොව පුරා අනෙක් රටවල් මේ සඳහා විද්‍යාත්මකව සුදානම් විය. නමුත් අපේ රටේ පාලකයන් පැවසුවේ නැනෝ තාක්ෂණයෙන් ගුවන් තොටුපොලෙන් වයිරසය රටට පැමිණීම නවතා ඇතිබවයි. 'බොරළුගොඩ පිනා' යන අන්වර්ථ නමින් හඳුනන කිසිදා අගමැති නොවන ලංකාවේ විදේශ ඇමතිවරයාගේ කටින්ම එය පැවසීමද සියවසේ මහා විහිලුවකි. විද්‍යාත්මකව ගුවන් මගීන්ගේ ශරීර උෂ්ණත්වයෙන් පමණක් SARS-CoV-2 2019 වයිරසය ආසාදිත බව සොයාගත නොහැකි බව රටේ ගොන් පාලකයින් දැන සිටියේ නැත හෝ අසා සිටියේ නැත. රටේ බහුතරයක් බත් කන හරක් නිසාදෝ ගුවන්තොටුපොළේ උෂ්ණත්ව මානක කැමරා සවිකර හිරු , දෙරණ වැනි ජඩ මාධ්‍ය ඔස්සේ ලංකාව ආරක්ෂිත බව රටේ මතය බවට පත් කළේය
ලෝකයම චීන සංචාරකයින්ට ගුවන් තොටුපොල වසද්දී පෙබරවාරියේ පමණක් චීන ජාතිකයින් 22000 කට වඩා ගෙන්වා ගත්තේ කිසිදු විද්‍යානුකුල ක්‍රමවේදයකින් තොරවයි. මේ අතර SARS-CoV-2 2019 වයිරසය දරුණු වෙමින් විපර්යාසයන් තුනක් ඇතිවී A /B /C ලෙස වයිරස කාණ්ඩ තුනකින් විනාශ කරමින් සිටින විට ඉතාලියේ /කොරියාව/ ප්‍රංශය ඇමෙරිකාව වැනි රටවල්වල සිටි ශ්‍රී ලාංකිකයින් නැවත ලංකාවට පැමිණෙන්ට විය. එහිදී ද කිසිදු පරීක්ෂාවක් සිදු නොකොට ගුවන්තොටුපොලෙන් පිටවීමට ඉඩ ලබාදී තිබු අතර නැවත ජඩ මාධ්‍ය හිරු /දෙරණ මගින් සමාජ ගත කළ බොරුව වූයේ සියලුදෙනා තම නිවෙස්වල සිට නිරෝධායනයට ලක් කරන බවයි. ලංකාවේ ජනතාවගේ විනය ගැන දන්නා සියලු දෙනා දන්නා එක දෙයක් ඇත. එනම් ලංකාවේ මිනිසුන් විනයගරුකව එවැනි නිරෝධායන කටයුතු සිදුනොකරන බවයි. සිදුවුයේ ජනතාව අතර රෝගය වේගයෙන් පැතිර යාමයි. හොඳම උදාහරණය ඉතාලියෙන් පැමිණි එක අයකු නිවාස 26 කට ගොස් තිබීමයි.
විනාඩි 15 න් පරීක්ෂා කළ හැකි කට්ටල කලින්ම ලංකාවට ගෙනාවා නම්..
ඉන් අනතුරුව අධෝමුඛය කැඩුණු කඩියා මෙන් විදේශ ගතවී පැමිණි අය සොයා මෙහෙයුම් කරන්නට විය. කුඩු ලන්සා නිසා අසමත් වූ හැඳල නිරෝධායන මධ්‍යස්ථානය පසුව මඩකලපුවට ගෙන ගියේය. විද්‍යානුකුලව SARS-CoV-2 2019 පරීක්ෂාව සඳහා ඉක්මන් වී පරීක්ෂණ විනාඩි 15 න් කළ හැකි කට්ටල කලින්ම ලංකාවට ගෙන ආවා නම් ගුවන් තොටුපොලෙදීම පරීක්ෂා කොට SARS-CoV-2 2019 රෝගය වැලඳුන අය පමණක් නිරෝධායනය කළ හැකි විය. එසේ නොමැති වීමෙන් SARS-CoV-2 2019 වැළඳුණු හඳුනා නොගත් අය සමග එකම ශාලාවක පොදු වැසිකිලි ලබා දීමෙන් SARS-CoV-2 2019 රෝගය වැළඳී නොසිටි අහින්සකයිනටද කොරෝනා වැළඳී මරණය පවා උදාවිය .
රෝගීන් 28 ක් සිටියදී ගුවන්තොටුපොළ වැසීම අනවශ්‍යයයි කියමින් රෝගය පාලනයකින් තොරව රට තුලට රැගෙන ඒමට ඉඩ දී සිටියේය. පාලකයින් නිරෝධායනය පිලිබඳව විශ්වාස නොකළ බවට හොඳම උදාහරණය නම් චීනය සඳහා පියාසර කළ ගුවන් යානයේ කණ්ඩායම දින 14 ක නිරෝධායන කාලයට දින 9 ක් තිබියදී ජනාදිපති මන්දිරයේ රාත්‍රී භෝජන සංග්‍රහ පවත්වමින් මාධ්‍ය ප්‍රචාරණය ජඩ මාධ්‍ය ඔස්සේ ලබාදීමය.
මාධ්‍ය සංදර්ශන බොරු; කළ යුත්ත සහ නොකළ යුත්ත..
එළැඹෙන මැතිවරණය නිසා කතුවරුනටත් පුවත් පත් හිමිකරුවන්ටත් මුදල් ගෙවමින් කොරෝනා රට අල කරන විරුවාට පහව ගිය බව තහවුරු කිරීමට පුවත් මවමින් සිටින මුත් දැන් දැන් දින 2 කට රෝගීන් 100 කට වඩා හමුවීමෙන් ඔවුන්ගේ මාධ්‍ය සංදර්ශන බොරු බව බුද්ධිමත් අතොලොස්සක් වූ ජනතාව අවබෝධ කරගෙන සිටිති.
කොටි ත්‍රස්තවාදී යුද්ධය මෙන් කොරෝනා යුද්ධය ජය ගන්නා බව කීවද කොරෝනා යුද්ධය ජයගැනීමට රාජපක්ෂ ආණ්ඩුවට STRATEGY එසේත් නැතිනම් උපාය මාර්ගයක් නොමැති බව දැන් පැහැදිලිය. එකම උපාය මාර්ගය වී ඇත්තේ මැතිවරණය පැවැත්වීමට පමණි. රටේ කොරෝනා මර්දන ව්‍යාපාරය සඳහා රාජ්‍ය යාන්ත්‍රණය නිසිපරිදි යොදා නොගන්නා රජය ත්‍රිවිධ හමුදාව ඉදිරිපෙල තබා වීශේෂ දැනුම ඇති අය දෙවැනි පෙළ තබා කටයුතු කිරීම දැන්වත් නවතා දැමිය යුතුව තිබේ.
පළමුව කොරෝනා පිළිබඳ තොරතුරු ජනාධිපති මාධ්‍ය අංශයට අනුව හැසිරවීමත් අනිල් ජාසිංහ, ශවේන්ද්‍ර සිල්වා මාධ්‍යට පවසන තොරතුරු ජනාධිපති මාධ්‍ය අංශයෙන් සංස්කරණය කොට ලබා දීමත් නතර කළ යුතුය. ජනතාවට ගෝඨාභයගේ බොරු ජාසිංහගේ හෝ සිල්වාගේ කටින් ඇසීම මගින් සෙතක් සිදුනොවේ.
මේ වන විට ලංකාවට ලැබී ඇති රුපියල් බිලියනයකට ආසන්න ආධාර මුදල් මගින් SARS-CoV-2 2019 විනාඩි 15 වේ පරීක්ෂණ කට්ටල මිලියන 2.5 ක් වත් ලංකාවට ගෙන ආ යුතුය. එනම් ලංකාවේ ජනගහනයෙන් සියයට 10% වත් ජනතාව ප්‍රතිශතයක් ලෙස බහුලව ජීවත් වන ප්‍රදේශවල සිදු කළ යුතුව ඇත.
වෛරසයේ අලුත්ම පරිණාමය..
වර්තමානයේ පරීක්ෂණ මගින් සොයා ගෙන ඇති අන්දමට SARS-CoV-2 2019 රෝග තත්වය ඇති බොහෝ දෙනෙකුට දින 21 කට වඩා කිසිදු රෝග ලක්ෂණයක් නොමැතිව ජීවත් වන නිසා එහි දරුණු බවය. පෙර තත්වයට වඩා දරුණු වී ඇති බව පිළිගැනීමයි. වර්තමානයේ සොයා ගෙන ඇති අන්දමට SARS-CoV-2 2019 වයිරසයේ පරිණාමය තව දුරටත් සිදු වෙමින් පවතී. ජපානයේ වාර්තා වූ පරිදි එක රෝගියකු කොරෝනා වාහකයකු සමග ගැටී දින 31 කින් පසුව පමණ වයිරසය ශරීරයෙන් මතුව තිබේ. විවිධ පුද්ගලයන්ගේ ප්‍රතිශක්තිකරනයේ මට්ටම අනුව SARS-CoV-2 2019 වයිරසයේ ලක්ෂණ මතුවීමේ කාලය තීරණය වේ. ලෝක ජනගහණයෙන් 2-3% අතර පිරිසක් මෙම වයිරසයට ස්වභාවිකව ඔරොත්තු දීමේ හැකියාව උපතින් ලබන ශක්තියකින්ද යුක්ත වීම විශේෂයි.
ඕස්ට්‍රේලියා උදාහරණය සහ ලංකාවේ මන්ද බුද්ධික ජනයා..
කොරෝනා වසංගත අර්බුදයේදී ලංකාවට හොඳම උදාහරණය ලෙස සමාන ජන අනුපාතයක් සහිත ඔස්ට්‍රේලියාව ගත හැක. ඔස්ට්‍රේලියාව කොරෝනා සටන සඳහා මුලික අවිය කොටගෙන තිබෙන්නේ හැකිතාක් නියැදි පරීක්ෂණ සිදුකිරීමයි. මේ වන විට එය දිනකට 16000 ත් 18000ත් අතර ඉහල අගයක් ගනී. ලොකුම විහිලුව මේ දක්වා ලංකාවේ සමස්ථ පරීක්ෂණ ප්‍රමාණය ඕස්ට්‍රේලියාවේ දිනකට සිදුකරණ පරීක්ෂණ වලින් 50% වත් ආසන්න ප්‍රමාණය වත් නොවීමයි. බ්‍රිතාන්‍යයේ මෙම ප්‍රමාණය දිනකට පරීක්ෂණ 100,000 දක්වා ඉහල අගයකට ලඟා වෙමින් තිබේ . අවාසනාවකට ලංකාවේ සමස්ත මන්ද බුද්ධික ජනයා දියුණු රටවල් වලට වඩා ලංකාවේ කොරෝනා පාලනය ඉහල යයි උපකල්පනය කරන්නේ ලංකාවේ කොරෝනා පරීක්ෂණ සැලකීමට ලක්කිරීමට පවා අවම මට්ටමක පවතින අවදියකයි.
පසුගිය කාලය පුරා හදිසි බෝම්බ ප්‍රහාර වලට ලක්වුනා මෙන් ලංකාව පුරා රෝහල් වලින් කොරෝනා රෝගීන් අසත්‍ය ලිපිනයන් මගින් රෝහල් වල ලියාපදිංචි වීමෙන් රෝහල්වල කාර්ය මණ්ඩල සේවයෙන් ඉවත්කොට නිරෝධායනයට ලක් කිරීමට සිදුවිය. රජය සෑම රෝහලකටම රෝගීන් ඇතුලත් වීමේදී හෝ සායන වලට පැමිණීමේදී පරීක්ෂණ කට්ටල ලබා දුන්නේනම් එවැනි කරදර කිසිවක් සිදුනොවන්නට ඉඩ තිබුණි.
තවමත් පූර්ව පරීක්ෂණ සිදුනොවන බැවීන් රෝහල් කාර්යය මණ්ඩල බලකිරීමෙන් හෝ රජයෙන් මෙම වැඩපිළිවෙල ක්‍රියාත්මක කළ යුතුව තිබේ
රට අල කොරන විරුවාට කවුරුන් හෝ බල කර සිටිය යුතුය.
චිචීගේ යෝශිතගේ ඇඹේනියන්ගේ උපදෙස් හෙවත් හැඳුනුම්පත් අංක වැඩේ..
රට අල කරන විරුවාට උපදෙස් දෙන්නේ චිචී හෝ යෝශිතගේ හෝ ඇඹේනියන් වැනි පිරිසක් වික හැකිය. මක් නිසාද යත් පසුගියේ සතියේ හැඳුනුම් පතේ අවසන් අංකය අනුව ඇඳිරි නීතිය පවත්නා දිනවල නිවසින් බැහැරවීමට පවුලේ සියලුදෙනා යොමු කිරීමෙන් සමස්ථ පවුලටම කොරෝනා බෝ කිරීමේ මෝඩ කර්තව්‍යට රාජපක්ෂලා අතගසා ඇති නිසා ය. මෙය නවතා නොදැමුවහොත් ඉදිරි මස තුල ලංකාවේ කොරෝනා පවුල් සියගණනක් ඇති වනු ඇත.
සිදු කළ යුතු වන්නේ දිවයින පුරා ජනතාව ගැවසෙන ප්රධාන සුපිරි වෙළද සැල් වැනි ස්ථානවල දිනපතා පරීක්ෂණ කටයුතු සිදුකිරීමත් පවුලේ එක් අයකු පමණක් පිටතට යාමට සැලස්වීමත්ය. රජය පවසන පරිදි යා හැක්කේ නිවාස අසල වෙළඳ සලට පමණක් නම් පවුලේ සියලු දෙනා ඇයි ?
කොරෝනා පොකුරු මතුවීමේදී සිදුකළ යුතු දේ..
පසුගිය කාලයේ කෙසෙල්වත්තේ මෙන් කොරෝනා පොකුරු මතුවීමේදී සිදුකළ යුතුව ඇත්තේ සමස්ත පොකුරු ප්‍රදේශයම කොරෝනා පරීක්ෂාවට ලක් කිරීමයි . එසේ නොමැතිව හඳහන් බලන්නා සේ සීමිත පිරිසක් පමණක් කොරෝනා මධ්‍යස්ථාන වෙත ප්‍රවාහන /ඉන්ධන /ආහාරපාන වැයකරමින් ත්‍රිවිධ හමුදා සාමාජිකයන්ගේ ද ජීවිත නිසි ආරක්ෂිත ක්‍රම නොමැතිව සේවයට යවා බිලිදීම නවතා දැමිය යුතුය. ත්‍රිවිධ හමුදා සාමාජිකයින් පරීක්ෂණ කරන රෝහල් පරීක්ෂණ කාර්ය මණ්ඩල ආරක්ෂාවට පමණක් යොදාගත යුතුය.
හමුදා සාමාජිකයන් සඳහා ගත යුතු ක්‍රියාමාර්ගය..
කොරෝනා සඳහා රාජකාරි කරන හමුදා සාමාජිකයින් නැවත හමුදා කඳවුරු වලට යැවීමට පෙර තාවකාලික කදවුරු (පාසල්) වලදී කොරෝනා පරීක්ෂාවට ලක්කිරීමෙන් පමණක් නැවත කඳවුරු හෝ නිවාඩු සඳහා හෝ යැවිය යුතු අතර නිවෙසින් කඳවුර වෙත පැමිණීමේදී නැවත කොරෝනා පරීක්ෂාව සිදුකළ යුතුය. වත්මන් රජය සිදුකරන තවත් බරපතල වැරද්දක් වනුයේ කොරෝනා වලදී සුවවී නිවෙස්වලට යැවූ පිරිසට සහ පවුලේ අයට නැවත කොරෝනා පරීක්ෂණ සිදුනොකිරීමයි. මේ වනවිට සොයාගෙන ඇති අන්දමට කොරෝන වැළඳී සුව වූ බොහෝදෙනා නැවත ආසාදනයට ලක්වීමත් ඔවුන්ගෙන් පවුලේ අයට කොරෝනා ආසාදනය වී තිබීමත්ය. වහාම ක්‍රියාත්මක වන පරිදි කොරෝනා සුව වූවන් සතියකට වරක් පසු පරික්ෂාව ඇරඹීමට රජයට බල කළ යුතුය.
පුද්ගලික රෝහල් ජාලය භාවිතා නොකිරීමේ ගොංකම..
කොරෝනා පාලනයේදී රජය පුද්ගලික රෝහල් ජාලය හා ඔවුන්ගේ සම්පත් නිසිලෙස භාවිතා නොකිරීම ලොකුම ගොන් කමකි. ලංකාවේ මන්ද බුද්ධික මධ්‍යම පාන්තිකයින් රජයේ රෝහල්වලින් කොරෝනා ප්රතිකාර ගැනීමට බියක් දක්වයි. ජාතිවාදී හිරු /දෙරණ ජඩ මාධ්‍ය නිසා මුස්ලිම්ජාතිකයින් පවා බියක් දක්වයි. ගල්කිස්සේ මුස්ලිම් ව්‍යාපාරිකයා සැඟවී සිටීමට හේතුවද එයයි. පුද්ගලික රෝහල් ජාලය කොරෝනා මර්දනයට දායක කර ගැනීමෙන් කොරෝනා නිසා සැඟවෙන පිරිස අවම කර ගත හැකිය.
රට අල කරන විරුවාගේ අපූරු බුද්ධි අංශ..
රට අල කරන විරුවාගේ නිතර පුරසාරම මහා බුද්ධි අංශයක් පවතින බවයි. නමුත් සමාජ මාධ්‍ය ඔස්සේ ඉතාලියෙන් පැමිණි කිහිප දෙනකු තවමත් සොයාගැනීමට නොහැකිව සිටීමෙන් පෙනෙන්නේ කොරෝනා වෙනුවට බෝම්බ කරුවන් සැඟවුනානම් සොයා ගැනීමට සිදුවන්නේ අපිටම බවයි. රට අල කරන විරුවා තම බුද්ධි අංශය නිසියාකාරව කොරෝනා මර්දනයට භාවිතා නොකරන බවට තවත් උදාහරණ අවශ්‍යද..?
කොරෝනා ලංකාවට උදාකළ සත්‍යය..
කොරනා නිසා ලංකාවේ වරප්‍රසාද ලාභී ඉහල පන්තියක් බිහි වී ඇත. සාමාන්‍යය ආහාර වෙළඳ ව්‍යාපාර වැසෙද්දී piza /dominos /takobell /kfc වැනි අහාර ජාල වැසුවේ නැත. ජඩ මාධ්‍ය වන හිරු /දෙරණ ටෙලිනාට්‍යය තවමත් පොලිස් ආරක්ෂාව යටතේ පටිගත කරයි. ලක්ෂ්මන් හුළුගල්ලලා හිල්ටන් හෝටල්වල මත්පැන් බොමින් සිටි. දහම් සිරිසේනලා රූෆ් ටොප් සාද දමයි. චිචිලා දරුවන් සමග සිංහල අවුරුද්දට දළදා වඳී. සාමාන්‍යය නාවික සෙබලු රට අලකරන විරුවා වැලිකඩින් නිදහස් කළ කුඩු කාරයින් ඇල්ලීමට ගස් නැග කූඩු කාරයන්ගෙන් කොරෝනා හදාගෙන දුක් විඳින විට, මිය යන විට, රාජපක්ෂ හොර නාවික විරුවා බිරිඳ සමග ටික්ටොක් පැමිණ බාල් නටයි. කොරෝනා ලංකාවට උදාකළ සත්‍යය මෙය පමණයි.
කොරෝනා අසාදිතයකු පිළිබඳ ආරක්ෂක අංශ සහ සුවසේවා අංශවලට තොරතුරු ලැබුණු සැනින් එම තොරතුරු සඳහා රුපියල් 2000 බැගින් ගෙවීමට හිරු /දෙරණ ජඩ මාධ්‍ය පෙළඹී සිටීමද මහා කණගාටුවකට කරුණකි. අවම තරමින් මූලික මිනිස් අයිතිවාසිකම් නොදන්නා දිලිත්, රෙනෝ වැනි ජඩ මාධ්‍ය ලොක්කන් රටේ ජනතාව යනු පොල්කුඩු යයි සිතා සිටිති.
-විශේෂ ලියුම්කරුවෙක් විසිනි-
---------------------------
by (2020-04-27 20:15:56)
|
Ahfesl-France Comment :
චීන රජය දැනුවත්ව කෙරෙන මෙම බලු සත්ව හිංසා අපරාධ අප තරයේ හෙළා දකිමු. බල්ලා යනු මිනිසාගේ පළමු සත්ව හිතවතා වේ, සුරතලා වේ, ආරක්'ෂකයා වේ. එම සුනඛ සත්වයන් හට මෙසේ කුරිරු ලෙස දස වධ දී මරා ආහාරයට ගැනීමට තම ජනතාවට ඉඩ ලබා දේ නම්. අන් වෙනත් පිට ජාතික මිනිසුන්, සත්වයන් කෙසේ ආරාක්‍ෂා කරයි ද?
We vehemently condemn these animal cruelty crimes committed by the Chinese government. The dog is man's first animal companion, pet, protector. Chinese government, If they allow these people to torture and kill their dogs. How do other foreign people and animals be protected?
Nous condamnons avec véhémence ces crimes de cruauté envers les animaux commis par le gouvernement chinois. Le chien est le premier compagnon animal, animal de compagnie et protecteur de l'homme. Gouvernement chinois, s'ils permettent à ces personnes de torturer et de tuer leurs chiens. Comment protéger les autres personnes et animaux étrangers?
පණ පිටින් බල්ලන්ගේ කකුල්, ශිෂ්ණ කපා දහන ලාම්පුවෙන් පුළුස්සා ස්නැක් හදති..! 'ලේ විලේ පිහිනන චීනයේ කුරිරු බලු මස් වෙළඳාම..!
සන් පුවත්පතේ පළවූ වාර්තාවක සිංහල පරිවර්තනයකි
https://www.lankaenews.com/news/10651/si
Dog-meat-trade-in-china-LeN-27.04.2020
(ලංකා ඊ නිව්ස් -2020.අප්‍රේල්.27, ප.ව.11.00) උන්ගේ බූල් සහිත, දීප්තිමත් මුහුණු සන්තෝෂයේ පින්තූරයක් ලෙස පෙනෙන නමුත් බම්බි සහ බොනී දැන් මරණයට වඩා දරුණු අස්වාභාවික ඉරණමකින් බේරී ඇත. චීනයේ වේගයෙන් වර්ධනය වන සුනඛ මස් වෙළඳාමට හසුව සිටි කුඩා බලු පැටවුන් දෙදෙනා, පණ තිබිය දීම කකුල් කපා දමා අනතුරුව දහන ලාම්පුවෙන් පුළුස්සනු ලැබීමට පෙර ගලවා ගනු ලැබිණ.
ටින් කළ සුනඛ මස්, සුනඛ සොසේජස්, රෝස් කළ සුනඛ කකුල් පමණක් නොව සුනඛ ශිශ්න ස්නැක් ඇසුරුම් පවා විකුණන වෙළඳුන් විසින් සෑම වසරකම මිනිස් පරිභෝජනය සඳහා සුනඛයන් මිලියන 10 ක් ඝාතනය කරනු ලැබීමට වගකිව යුතු රට චීනය බව ගණන් බලා තිබේ.
අවන්හලක මුළුතැන්ගෙය තුළ දී බම්බි සොයා ගන්නා විට ඇයගේ කකුල් දැඩි ලෙස කැඩී ගොස් තිබූ අතර අස්ථි සම්පූර්ණයෙන්ම වෙන්ව තිබිණ. නමුත් ‘Slaughterhouse Survivors’ ගලවා ගැනීමේ සංවිධානයේ ආරම්භක සාමාජිකාවක් වන, එමිලි පාකර් පවසන්නේ උගේ තත්වය බොහෝ නරක අතට හැරී ඇති බවයි.
“බේරා ගැනීමට පෙර කල් තබාම වධහිංසාවට හෝ අපයෝජනයට ලක් වූ සුනඛයන් නිතිපතා අප වෙත ලැබී තියෙනවා,” ඇය පැහැදිලි කරයි. “ස්ටාර්ක් ද ඩෝබමන් වැනි සුනඛයන් අප ළඟ සිටි අතර උගේ කකුල් කපා දමා තිබුණා. වම් පැත්තෙන් කකුල් දෙකම කපා දැමූ තවත් සුනඛයෙක් ද අප ළඟ සිටියා.”
මස් හදන අතරතුර සුනඛයා පණපිටින්..
“ඔවුන් සාමාන්‍යයෙන් කකුල් කපා දැමීමෙන් පටන් ගන්නේ එයින් සුනඛයා නොමැරෙන නිසාය, එබැවින් එයින් අදහස් කරන්නේ බල්ලාගේ කායික පද්ධතිය වටා ඇඩ්‍රිනලින් සංසරණය වන බවයි. මස් පිළියෙළ කරන අතරතුර සුනඛයා පණපිටින් තබා ගත හැකි බව ඔවුන් විශ්වාස කරයි, එමගින් ඔවුන්ට වඩාත් හොඳ මසක් ලැබෙනු ඇත."
මෙම පුණ්‍යායතනය 2016 දී පිහිටුවන ලද දින සිට සුනඛයන් 3,000 ක් බේරාගෙන ඇති නමුත් ලොව පුරා පවුම් මිලියන 209 කට වඩා වටිනා කර්මාන්තයක් තුළ තවත් සුනඛයන් මිලියන ගණනක් ආබාධිතව ඝාතනයට ලක්ව ඇත.
සාමාන්‍යයෙන් ඊසානදිග පළාතේ හාර්බින්වල ජීවත් වන එමිලි, කොරෝනා වෛරස ව්‍යාප්තිය හේතුවෙන් ආපසු ඩෙවොන් වෙත පැමිණ සිටී. ඇය සන් ඔන්ලයින් වෙත මෙසේ පවසයි: “මිනිසුන්ට එවැනි දෑ කිරීමට හැකියාවක් ඇති බව දැන ගැනීමත් මට හිතෙන හැටියට අමාරුම දෙයක්.”
සුනඛ මාංශ උළෙලේ දී පණපිටින් දහන ලාම්පුවෙන් පුළුස්සයි..
සෑම ජුනි මාසයේම, ගිනිකොනදිග නගරයක් වන යුලින්වල දින දහයක ලිචී සහ සුනඛ මාංශ උළෙල සඳහා සුනඛයන් දහස් ගණනක් ඝාතනය කිරීම, මස් කිරීම, පිසීම සහ අනුභව කිරීම සිදු කරනු ලබන අතර, එහි දී සමහරු විශ්වාස කරන්නේ පලතුරු සහ මස් සංයෝජනය දිගු ශීත කාලය තුළ සෞඛ්‍යය ළඟා කර දෙනු ඇති බවයි.
ගිය වසරේ උළෙලේ දී, බල්ලෙකු පණපිටින් දහන ලාම්පුවකින් පුළුස්සන අයුරු දැක්වෙන සිනමා පටය මුළු ලෝකයේම කෝපයට හේතු විය.
සුනඛ මස් චීන ආහාරයේ ප්රධාන ධාරාවේ කොටසක් නොවූව ද, චීනය ලෝකයේ විශාලතම සුනඛ මස් වෙළඳ පොළ වන අතර සෑම වසරකම ටොන් 97,000ක් නිෂ්පාදනය කරයි. මෑතක ඇති වූ ඌරු මස් හිඟය නිසා සුනඛ මස් මිල අහස උසට ඉහළ ගිය අතර සුනඛ නිෂ්පාදන අලෙවිය ද වැඩි විය.
සුරතල් සහ දඩාවත සුනඛයන්ට පොල්ලෙන් තලා මරා දමයි..
මස් ලැබෙන්නේ නීත්‍යානුකූල 'සුනඛ මස් ගොවි පොළවලින්' යැයි නිෂ්පාදකයින් කියා සිටිය ද, මෙම ලාභදායී වෙළඳාම සුරතලයට සතුන් ඇති කරන්නන්ගෙන් සුනඛයන් සොරකම් කිරීමේ වසංගතයකට තුඩු දී ඇත. එක් අධ්‍යයනයකට අනුව පසු ගිය වසර කීපය තුළ එක්තරා ගමක ගෙවල්වලින් සියයට 87 කින් සුරතල් බල්ලන් නැතිවී තිබේ. සුනඛ සොර කල්ලි සුරතල් සුනඛයන් සහ අයාලේ යන සුනඛයන් අල්ලා ගන්නේ විදුම් පයිප්පයකින් හෝ හරස් දුන්නකින් විදින නිර්වින්දක සහිත ඉඳිකටු භාවිතා කිරීමෙනි.
සුනඛයන් සාමාන්‍යයෙන් එකිනෙකා ඉදිරිපිට මරා දමනු ලැබේ, ලොම් ඉවත් කිරීම සඳහා කෙස්හරණ යන්ත්‍රයකට දමා, ඉන් අනතුරුව වෙළඳ පොළට විකිණීම පිණිස දහන ලාම්පුවෙන් පුළුස්සනු ලැබේ.
“මා ගිය බොහෝ ඝාතකාගාරවල දි සුනඛයන්ගේ කොලර දැක්කා,” හූස්ටන්-ඩවුන්ටවුන් විශ්ව විද්‍යාලයේ නැගෙනහිර ආසියානු දේශපාලනය පිළිබඳ සහකාර මහාචාර්ය පීටර් ලී පවසයි. “සමහර බල්ලන්ට ජැකට්ටුවක් පවා තිබුණා. ඝාතන වාරය එන තෙක් සුනඛයන් බලා සිටින අයුරු මා දැක්කා, ඔවුන් වෙවුලමින් එකිනෙකා සමග තෙරපෙමින් සිටියා.”
"ඔවුන් පසු දිනය සඳහා සුනඛයන් 12 දෙනෙකු ඉතිරි කර ගෙන උදේ කාලයේම සියලුම සුනඛයන් ඝාතනය කරනවා. මේ සුනඛයන් දොළොස් දෙනා සිටියේ ලේ විලකයි."
සුනඛ සොරුන්ට විෂ සිරින්ජ ලක්ෂ දෙකක්..
2017 දෙසැම්බරයේ දී විෂ සහිත සිරින්ජ 200,000කට ආසන්න ප්රමාණයක් සුනඛ සොරුන්ට විකුණූ කල්ලියක් අන්හුයි පළාතේ චීන පොලිසිය විසින් අත්අඩංගුවට ගෙන තිබේ. එම මාසයේම ෆුජියන් පළාතේ උසාවියක් විසින් පිටිසර ගමක සුනඛ සොරෙකුට මරණ දණ්ඩනය නියම කරන ලද්දේ විෂ සහිත උලකින් බල්ලෙකුට විදීමට තැත් කළ නමුත් අහම්බෙන් එය වැදී ගැබිනි කාන්තාවක මරණයට පත්වීම නිසාය.
මේ අතර, පසුගිය මැයි මාසයේ දී සුනඛයින්ට වස පොවා උන් සොරකම් කර යුවාන් 400,000 (£44,000)ක් වටිනා සුනඛ මස් කිලෝග්‍රෑම් 40,000 කට වඩා අලෙවි කිරීම සම්බන්ධයෙන් ජියැන්ග්සු පළාතේ පුද්ගලයන් 16 දෙනෙකුගේ කල්ලියකට වසර 1 සිට 6 දක්වා සිර දඬුවම් නියම විය.
නීත්‍යානුකූල ලියකියවිල් නොමැතිව සතුන් දේශ සීමා හරහා හොර රහසේ ගෙන යන සුනඛ වෙළෙඳුන් විසින් බොහෝ විට ආහාර සුරක්ෂිතතා නීති කඩ කරනු ලැබේ. නමුත් නිහඬ ග්‍රාමීය පාරවල්වල තදබදව ගමන් කරන ට්‍රක් රථ නැවැත්වීමට සහ ඔවුන් පිළිබඳව වාර්තා කිරීම මගින් ඒවාට මැදිහත් වීමට ක්‍රියාකාරීන්ට අවස්ථාවක් ලැබේ.
“බල්ලන් ට්‍රක් රථවල සිටින්නට හේතුවක් නැති බව දන්නා නිසා ඔවුන් ප්‍රාදේශීය බලධාරීන් කැඳවනු ඇත - උන් නීති විරෝධී ලෙස ප්‍රවාහනය කරමින් තිබේ,” එමිලි පවසයි. “ප්‍රාදේශීය ක්‍රියාකාරීන් බොහෝ දෙනෙක් සිටිති, ඔවුන් ඇත්ත වශයෙන්ම ට්‍රක් රථවලට බාධක දැමීමට උත්සාහ කරනු ඇත, ඔවුන් ප්‍රාදේශීය බලධාරීන්ට [එහි ළඟා වීමට] කාලය ලබා ගැනීම සඳහා ඇත්ත වශයෙන්ම උත්සාහ කරයි. එසේ වූ විට සුනඛයන් අප වැනි සංවිධානවලට භාර දෙනු ඇත.”
එය දැවැන්ත ඇස් පෑදීමකි..
රෝග පරීක්ෂා කිරීමෙන් සහ එන්නත් ලබා දීමෙන් පසුව, සුනඛයන් ලොව පුරා නැවත පදිංචි කිරීමට පෙර හාර්බින් නිවාසයට ගෙන යනු ලැබේ. “උන්ගෙන් බොහෝ දෙනෙක් සමග, විශ්වාසය ගොඩනඟා ගැනීම සඳහා අප චර්යාත්මකව බොහෝ කාලයක් ගත කළ යුතුයි,” කියා එමිලි පවසයි.
සෙසු සුනඛ ලෝලීන් වන අයිමී ක්ලාක් සහ හේලී හේස් සමඟ හාර්බින් SHS මධ්‍යස්ථානය ආරම්භ කළ එමිලි, මුලින්ම චීනයට පැමිණියේ සංචාරය හා ඉගැන්වීම සඳහා නමුත් ඇගේ පවුලේ සුනඛයා අතුරුදහන් වීම නිසා ඇය ප්රදේශයේ ඇති එකම සුනඛ නිවාසයේ සේවය කිරීමට ස්වේච්ඡාවෙන් ඉදිරිපත් වූවාය.
"සුනඛ මස් වෙළඳාම ගැන මා කිසිවක් දැන සිටියේ නැත. එය දැවැන්ත ඇස් පෑදීමකි," ඇය පැවසුවාය. "මා දැනගෙන හිටියේ නැහැ ඒ වගේ දෙයක් එතන වෙනවා කියා. එහෙම දෙයක් වෙනවා කියලා දැනගත්තම ඔබට ඇත්තටම ඇස් පියාගන්න බැහැ. ඊට පස්සේ මට අනිත් කෙල්ලන් දෙන්නා මුණගැහුණා. ඔවුන්ගේ මානසිකත්වය ද හැම අතින්ම මට සමානයි."
හේලී මුල දී උදව් අවශ්‍ය සුනඛයන් පස් දෙනෙකු සොයා ගත් අතර සරණාගත නිවාසයක් පිහිටුවීමට ගැහැනු ළමයින් තිදෙනා තීරණය කළහ. "අප මේ සුනඛයන් පස් දෙනා සමගයි පටන් ගත්තේ. පසුව එය බල්ලන් පස් දෙනෙකුගේ සිට 10 දක්වාත්, පසුව 15 සහ 20 දක්වාත්, එතැන් සිට ගොඩනැගී ආවා."
චීන සත්ව ලෝලීන් කැරලි ගසයි..
සුනඛ මස් වෙළඳාම දියුණු වෙමින් ඇති නමුත්, චීනයේ සත්ව ලෝලීන් මෙන්ම සුනඛයන් ඝාතනය කිරීමට එරෙහි විරෝධය ද වැඩි වෙමින් පවතී. පීටර් ලී පවසන්නේ, “සත්ව ලෝලීන් විවාදය ජය ගනී” කියායි. “අනෙක් පැත්ත නියත වශයෙන්ම ආරක්ෂා වීමට සටන් කරයි.”
වාර්ෂික යුලින් සුනඛ මාංශ උළෙල නවතා දමන ලෙස ඉල්ලා 2018 දී චීන සත්ව ආරක්ෂණ කණ්ඩායම් 87ක සහාය ඇතිව මිලියන 1.5ක ජනතාවක් අත්සන් කළ ලිපියක් අන්තර්ජාතික මානුෂීය සමාජය (HSI) විසින් භාර දෙන ලදී.
එක්සත් රාජධානියේ HSI අධ්‍යක්ෂ ක්ලෙයාර් බාස් මෙසේ පැවසීය. “බටහිර රටවල බොහෝ දෙනෙකුගේ උපකල්පනවලට පටහැනිව, චීනයේ බොහෝ මිනිසුන් සුනඛයන් අනුභව කරන්නේ නැහැ. ඇත්ත වශයෙන්ම මෙම වෙළඳාම ඔවුන්ගේ බලු සුරතලුන් ඔවුන්ගෙන් ඈත් කරන්නක් ලෙස සිතා ඔවුන් බය වෙලා ඉන්නේ.”
කොරෝනා වෛරසයේ ව්‍යාප්තියත් සමඟ චීන රජය කැලෑ සතුන් විකිණීම හා පරිභෝජනය තහනම් කරන නීති හඳුන්වා දුන් අතර, දකුණු චීන නගරයක් වන ෂෙන්ෂෙන් පළාත ද සුනඛ මස් අනුභව කිරීම පැහැදිලිවම තහනම් කරන නීති සම්පාදනය කළේය.
අප කරන්නේ මෙයයි, ඔබ කැමති නම් අප අනුගමනය කරන්න..
සුනඛයන් ඝාතනය හා අනුභව කිරීම තවමත් එක්සත් රාජධානිය තුළ නීති විරෝධී නොවන අතර ලෝක සුනඛ සන්ධානය වැනි ප්‍රචාරක කණ්ඩායම් කියා සිටින්නේ එවැනි තහනමක් නොමැතිකම බලු මස් කෑමේ පුරුද්ද බහුලව පවතින වෙනත් රටවලට නරක ආදර්ශයක් සපයන බවයි. ක්ලැක්ටන් පාර්ලිමේන්තු මන්ත්‍රී ගයිල්ස් වොට්ලින් මෙහි නීතිය වෙනස් විය යුතු බවට එකඟ වේ. “අප සත්ව සුභසාධනය පිළිබඳ ලෝක නායකයෙකු වන නිසා, අප සෙසු ලෝකයට සහාය විය යුතුයි,” ඔහු පවසයි.
“අපට කළ හැක්කේ සුනඛ හා බළල් මස් පරිභෝජනය තහනම් කරන නීතියක් සම්මත කිරීමයි. වෙනත් සංස්කෘතීන්ට ඔවුන් අනුභව කළ යුතු හෝ නොකළ යුතු දේ නියම කිරීම අපට අයත් නොවේ, නමුත් අප කිව යුත්තේ මෙයයි: අප කරන්නේ මෙයයි, ඔබ කැමති නම් අප අනුගමනය කරන්න.”
එමිලි වෙහෙස මහන්සි වී දිගටම වැඩ කරන නමුත් එහි ශුභඵල නැත. පරිත්‍යාගශීලීන්ගේ ආධාර ලැබූ වාර්ෂික වියදම පවුම් 600,000 කට වඩා වැඩි වන අතර එමලි ඇස්තමේන්තු කර ඇති පරිදි ඇයගේම මුදල් පවුම් 30,000 ක් පමණ සතුන් ගලවා ගැනීමේ ප්‍රයත්න සඳහා වියදම් කර ඇත.
“කිසිසේත්ම මා කිසිම කරුණක් නිසා එය වෙනස් කරන්නේ නැහැ, සියලුම දේට වඩා උන් වටිනවා,” ඇය පවසයි. “සුනඛයන් උන්ගේ අවසාන පවුල් සමග උන්ට ජීවත් වීමට සුදුසු ජීවිත ගත කරමින් සතුටින් සිටින විට ඇති වන හැඟීම අතිශයින් හොඳ යයි හැඟේ.”
-2020 මාර්තු 11 දා බ්‍රිතාන්‍යයේ සන් පුවත්පතේ පළවූ 'POOLS OF BLOOD' Inside China’s brutal dog meat trade where live dogs have legs hacked off and are blowtorched to make snacks නම් ඉංග්‍රීසි ලිපිය සිංහලට නැගුවේ,
-ආනන්ද
---------------------------
by (2020-04-27 18:34:14)
|
|
c
