Present By Humanitaire Franco-Europe Sri Lanka in France (AHFESL-France) (Ahfesl-France මානව සංවිධානය ඉදිරිපත් කරනු ලබයි.)
එසේ නම්, මේ ජනතා විරෝධී දෘශ්‍යයමාන සහ අදෘශ්‍යයමාන සියලු බලවේගයන් පලවා හරින්නට නම්, නුඹේ බුද්ධිමත් පුරවැසි ඡන්ද බලය මෙවර එම සියලු වර්ගයේ අපරාධ කරුවන්ට එරෙහිව පාවිච්චි කරන්නට වගබලා ගන්න, අප-ඔබ අවංක සියල්ලෝම මෙසේ කල්තබා සූදානම් වෙමු. සැබෑ අවංක උගත් බුද්ධිමත් පළපුරුදු නව දේශප්‍රේමී තරුණ කැලකට කිසිදු දේශපාලන පක්ෂ භේද සහ ජාති-ආගම් භේද නොතකා ඡන්දය ලබා දී මහා අඳුරු ආගාධයකට දවසින් දවස ගිලිහි යන ඒ අප ආදරණීය ලක් මාතාව සහ ඒ අහිංසක ඔබේ-අපේ ජනතාවෝ බේරා ගන්න වහා නොපමාව ඉදිරිපත් වෙමු. ඒ උදෙසා ලක්වැසි ඔබේ වටිනා ඡන්දය මින් ඉදිරියට බුද්ධිමත්ව පාවිච්චි කරන්නට ඔබ අවංක විය යුතුව ඇත.
සියලු දේශපාලන පක්'ෂවල ඉන්නා වංචනිකයන් සියල්ල පලවා හැර ඒ ඒ ඔබ කැමති ඒ දේශපාලන පක්ෂය නොපමාව පිරිසිදු කර ගතයුතුව ඇත. එය එසේ ඔබ සැමට කරගැනීමට පහසු වන්නේ වසර පහක (5) කෙටි කාල පරිච්ඡේදයකට පමණක් මෙවර අවංක උගත් බුද්ධිමත් පළපුරුදු ජනතා විමුක්ති පෙරමුණට රාජ්‍ය බලය ලබා දීමෙන් පමණී. එවිට වංචනික අන් සියලු දේශපාලනිකයනට අනිවාර්‍යෙන්ම එදාට වැටහී යනු ඇත, ඉන් ඉදිරියට හොර-මැර-වංචා-දූෂණ සහ ශෝභන නාස්තියට රාජ්‍ය මුදල් අවිභාවිතා කරලීමට මුළු මහත් බුද්ධිමත් ලාංකීය ජනතාවගෙන් කිසිදු ඉඩක් සහ ඡන්දයක් නොලැබෙන බව. අන්න එදාට නුඹලාගේ සියලු දේශපාලන පක්'ෂ ද මේ දියණු යුරෝපයේ පවත්නා සැබෑ ප්‍රජාතන්ත්‍රවාදී ගුණයන්ගෙන් පිරී ඉතිරී යනු ඇත.
මෙම යුරෝපීය රටවල් අති දියුණු තත්ත්වයන්ට පත්ව ඇත්තේ කුමන හේතුන් නිසා ද?
යුරෝපීය බහුතර බුද්ධිමත් ජනතාවට ලංකාවේ බහුතර නූගත් ජනතාවට මෙන් නියමයක් සහ අනිවාර්යක් යැයි කියා බෙදා-ගත්ත, බදා-ගත්ත, ඔතා-ගත්ත, යල්පැන ගිය, පිළුණු වු, ජරා වූ, දේශපාලන පක්ෂ භේදයන් නොමැත.
යුරෝපීය බහුතර බුද්ධිමත් ජනතාව විසින් මැතිවරණනයකට පෙර දේශපාලන පක්'ෂ විසින් ලබා දෙන ඒ ඡන්ද පොරොන්දු බොරු ද - නැද්ද - ඉටුකළ හැකිද, නොහැකිද, යන්න සහ ඒ වෙනුවෙන් ඉදිරිපත් වන දේශපාලකයන් ගේ උගත්-බුද්ධිමත්-අවංකභාවය මෙන්ම ජනහිතකාමී අවංක ජන මාධ්‍යයන් ඔස්සේ ඉදිරිපත් වන බුද්ධිමත් තර්ක-විතර්ක වලට ඔවුන් පිළිතුරු දෙන්නේ කෙසේ ද යන්න බලා, මෙරට යුරෝපිය මහජනතාව බුද්ධිමත් ලෙස ඡන්දය පාවිච්චි කර යම් දේශපාලන පක්'ෂයක් බලයට පත්කරනු ඇත.
කෙසේ හෝ බලයට පත්වීමෙන් පසු කුමන තරාතිරමේ හෝ මැති-ඇමතිවරයෙක් හෝ මන්ත්‍රීවරයෙක් කුමන හෝ වර්ගයේ වංචනික අපරාධයක් කළහොත් වහාම නීතිය ක්‍රියාත්මක කර නිසි ඳඬුවම් ලබා දිය යුතුව ඇත. නැතහොත් එය ඉෂ්ට කරන තුරාවටම බුද්ධිමත් ජනතාවෝ වීදි බැස ජීවිත පරදුවට තබා මාස 3 - 4 ක නොව අවුරුදු 3 - 4 ක වුව හෝ නොනවත්වා හරි නිමාවක් දකින තුරාවට උද්ඝෝෂණ කරනු ඇත.
යුරෝපයේ වසර 40 ක කාලයක් පුරා ජීවත්ව ඉන්නා අප ලාංකීය සංවිධාන පිරිසට සුර-සැප විඳීමට තිබිය දී ඇයි මෙතරම් අපගේ පුද්ගලික ශ්‍රමයෙන් උපයාගත් අති මහා ධනස් කන්දයත් සහ කාලයත් වැය කොට එල්ලවන විවිධ ජීවිත අනතුරු ද නොතකා, කිසිම දේශපාලන පක්ෂ භේදයකින් මෙන්ම කිසිම දේශපාලන පක්ෂ සාමාජිකත්වයකින් ද තොරව, සෑම දේශපාලන පක්ෂයකම ඉන්නා යහපත් යැයි සිතනා ඒ අහිංසක ජනතාවෝ සහ ඒ සියලු අවංක දේශපාලකයන් රැක ගැනීම උදෙසා අප මෙසේ දිවා-රැ නොබලා නොනවත්වාම නොමිළයේම කටයුතු කරන්නේ අප කුමක් අරඹයා ද?
ඒ අපගේ සත්ගුණවත් අවංක මානුෂීය ගති ගුණ සහ අවංක සැබෑ දේශ ප්‍රේමය නිසා බවත් සහ එම අප ලක් දෙරණේ නිරපරාදේ දුක් විදින අහිංසක ජනතාවෝ මුදවා ගෙන ඔවුනට යම් ස්ථිර සැපතක් ලබා දීමටත්, ලංකාවේ අරක්ගෙන ඒ ඉන්නා ජඩ වංචනික දේශපාලකයන් කෙසේ හෝ පලවා හැරීමටත් බව කිසි මොහොතක අමතක නොකරන්න.
ඔබ සැම හොඳින් දන්නවා අප මානව සංවිධානය කිසිම දේශපාලන පක්'ෂ භේදයන් ගෙන් තොරව අත්‍යාවශ්‍ය කරනා සෑම තීරණාත්මක මොහොතකදී ම සියලු දේශපාලන පක්ෂ වලට සමබරව සහයෝගය දුන් බව. එය නොදන්නා අපගේ නවක පාඨකයිනට එම සත්‍යය අවංක දේශපාලන සේවාව අපගේ මෙම http://ahfesl.free.fr වෙබ් අඩවිය හොඳින් නරඹන අයට ඕනෑම වේලාවක දැකගත හැකි වනු ඇත.
එසේ අප අවංකව ක්‍රියාකර තිබියදී, අපගේ ඒ අවවාද සහ උපදෙස් නොතකා නොනවත්වාම හොර-දූෂණ-වංචා අපරාධ කරනවා නම් තව දුරටත් එවන් වංචනික කම්බ හොරුන්ට පක්'ෂව දැන දැනම අපගේ ජාත්‍යයන්තර සේවාව ලබා දිය නොහැක. එසේ සිදුකිරීම අප සංවිධානයේ ජාත්‍යයන්තර කීර්ති නාමයට මෙන්ම අප රටේ සහ ලක්වැසි ජනතාවගේ ද ජාත්‍යයන්තර කීර්ති නාමයට නිගරුවකි. එනිසා මෙවන් අවංක කැපකිරීමකින් යුතුව අප ලබා දෙන අපගේ මෙම කාලෝචිත උපදේශයන් කිසිදු ජාති-ආගම්-දේශපාලන භේදයන්ගෙන් තොරව පොදුවේ රටේ සහ ඔබ අනාගත දරුවන්ගේ යහපත ගැන සිතා බව අද සිට සත්‍යයක් ලෙස එය එළෙසින්ම පිළි ගන්න.
එනම් මෙවර අප Ahfesl-France මෙන්ම ලාංකීය ඔබ සියල්ල ද එක්ව සියලු වංචනික දේශපාලකයන් පලවා හැර, හොර-මැර-වංචාවන් ගෙන් තොර, කාටත් පොදු යහපත් සාධාරණ සමාජයක් උදාකරලීමේ පරම අවංක චේතනාවෙන් යුතුව, මෙවර පළමු වතාවට වසර 5 ක් උදෙසා ජනතා විමුක්ති පෙරමුණට අවශ්‍ය ඒ රාජ්‍ය බලය අප-ඔබ එක්ව ලබා දෙමු.
එසේ ජනතා විමුක්ති පෙරමුණට රාජ්‍ය බලය ලබා දී ගතවන ඒ වසර 5 කාලය අතරතුර අන් සියලු දේශපාලන පක්ෂ කෙසේ හෝ වංචනිකයන් ගෙන් තොරව අප-ඔබ එක්ව පිරිසිදු කර ගනිමු. ඒ උදෙසා අප දැනටමත් ඉතාම මෑතක දී (සති තුනකට පෙර) අප සංවිධානයේ ගත් පොදු තීරණයක් අනුව අපගේ මිතුරු ගිණුමට කිසිදු ජාති-ආගම් සහ දේශපාලන පක්ෂ භේදයන් ගෙන් තොරව අවංක දේශප්‍රේමී සියළු බාල-මහලු-තරුණ-තරුණියන් බඳවා ගැනීමට අප තීරණය කළෙමු.
ඒ අනුව අපගේ මෙම ජාතික ජාත්‍යයන්තර සේවාව කෙරෙහි දිනෙන් දින සැදී පැහැදී අවංක Facebook මිතුරු මිතුරියන් ජන කණ්ඩායම් වශයෙන් බැඳී එන ප්‍රමාණය මේ මොහොත වන විට සති තුනකට ආසන්නව තිබියදී එය 2500 ය ඉක්මවා යාමට ආසන්නය. තව බොහෝ දෙනෙක් ඇතුල් වීමට ද නියමිතව ඇත.
මේ හරහා අප බලා පොරොත්තු වන්නේ සත්‍යය දේශපාලනයේ ඇති වැදගත් කම ලොව අන් දියුණු රටවල් දියුණු වුයේ කේසේ ද යන්නත් එම රටවල ජනතාවගේ බුද්ධිමත් තීරණ සහ සැබෑ ක්‍රියා කලාපයන් මොනවා ද යන්නත්, දේශපාලනික සහ සමාජ සේවා වංචනිකයන් කවුද යන්නත් එම වංචනිකයන් කෙසේ පලවා හරිමුද යන්නත් අවබෝධ කර දීමටය. ඒ තුලින් නුදුරු අනාගතයේ දී ම අප රත්තරං මව් බිම ද දූෂිතයන්ගෙන් තොර දිව්‍යය සැපසම්පත් වලින් පිරුණු ලෝකයේ ඇති සුන්දරම පාරාදීසය බවට පත්වනු නොඅනුමානය.
ලාංකීය ඔබ සැමට "ජයෙන් ජයම අත්වේවා"
Ahfesl-France මානව සංවිධාන ගරු සභාපති සරත් සමරකෝන් මහතාගේ අදහස් සහ අවසරය පරිදි, Ahfesl-Editor Board, Paris Section, le 13.02.2019 දින, ඉදිරිපත් කරනු ලබයි.
(මෙහි ඉතිරිව ඇති ඊළඟ කොටස ළඟදීම බලාපොරොත්තු වන්න.) |
